حارستي الشخصية🗽مكتملة🗽

🗽الجزء 157🗽

🗽حــــارستـــــي الشخصـــــــية🌾

✍️بقلمــي:أميمـــــة بوكنشــــو

🩸الجــــــزء 157:

🔆أصبـح وأصبـح الملـك للـه

ريم:وي انا جيا..

كانت كتهدر في التلفون وخارجة من البيت بعد مابدلت...غير خرجت وهو يحل ضياء عينيه ووقف خرج لبالكو كيشوف فيها خارجة...ورك على الحديدات بيديه بعصبية...ومشا دخل...

🌐عند أنهار..

نزلت مع الدروج وهي توقف مني شافتو داخل...دغيا قربت ليه وهو يتخطاها غادي...وقفت موركة على يديها وهي تهدر موقفاه...

أنهار:على أقل هو كيبغيني..

قرب دغيا جرها حتى تقابلت معاه...

زكرياء:ياك...وليت ماكنبغيكش...وغلط كلو مني؟

أنهار:"شافت فيه" شوف نتا ازكرياء...شنو ندير اممم؟"قربت ليه" لا هو بغاني وااش نقتلو متلا...هو راه بغااني قبل مانعرفك...

بقا زكرياء كيشوف فيها ويسمع في كلامها لي شعلو كتر...كتر مما هو شاعل...هز يدو بلا هواه صرفقها وهي تخرج عينيها كتشوف فيه...شدها من شعرها بقوة حتال لعند وجههو وهدر مكزز..

زكرياء:حتاش كنبغيك سكتتتت وماهدرتتتش ولكن نتي غير ماكتزيدي تفوتي حدودك...مرتتتتيييي نتيييي رااااك مرتييي أناااااا...نشوووفك مع واااحد واقفة وكيعتاررف لك شنو وليت ولللليييةة وتشمتي فيااا زوا*مل...زعما ماشي راجل نخلي مرتي يبغيها هذا وهذا...

الجد:"بصراخ"زكرياااااااءءءءء...

حرك زكرياء عينيه لجدو وغالي لي معاه وهو يطلق من أنهار لي كتشوف فيه بعينين مدمعين...

الجد:أش واقع هنا؟

غالي:زكرياء...انهار ياك لاباس؟

شافت فيهم أنهار وشافت في زكرياء وهي تم خارجة...بقا زكرياء متبع ليها العين وهو يطلع لبيتو بزربة...

الجد:أش واقع مع هادو...

نزل ضياء خارج مرفوع مادهاش فيهم حتى غوت عليه غالي عاد شاف فيهم...

غالي:ضياء...

شاف فيهم وهو يرجع عندهم ودوز يدو على نيفو وشاف فيهم...

ضياء:صباح الخير...

الجد:مالك حتى نتا...ولا لي يفيق يزيد مع الطريق تعالى تفطر...

يله يمشي الجد وهو يهدر ضياء بامتناع..

ضياء:مامسليش اجدي زربان...بصحتكم..

مشا خارج وهو يشوف الجد في غالي...

الجد:لا لا هادو مابقاوش عاجبيني...

غالي:خليهم يفكو مشاكيلهم ريوسهم...

الجد:تعالى تعالى نفطرو..

مشاو دخلو لصالة الأكل...

نزل سيف جر كرسي جلس وهو ياخد قهوة كيشرب فيها حتى شاف في جوغنال لي شاد جدو في الواجهة الخلفية وهو يوقف دغيا خطف الجوغنال كيشوف في أسية مع سلمان مصوريينهم الصحافة وكااتبين بالعرض الكبير...زواج المصارع السابق...حتاش صحافة مزال ماعارفين بلي أسية هي خت غالي...

الجد:أش واقع معاك حتى نتا هرا جوغنال...

كمشو سيف في يد وهو مخنزر ودفع الكرسي بالرديخ ومشا طالع بخطوات سراع...وقف غالي هز جوغنال أخر كيقرى فيه وهو يهز حواجبو باستغراب...دخلت ميراي وهي مبتاسمة حتى وقفت مستغربة من وقفتو وهي تقرب ليه...

ميراي:غالي أش واقع؟

غالي:داك سلمان أش كان خدام قبل؟

ميراي:اه سلمان....كان مصارع ولكن كيعجبو يدرب هكاك مابقاش علاش؟

شاف فيها غالي ومد ليها جوغنال...

غالي:اذن فهميني أش كيدير مع ختي اميراي..

خدات ميراي جوغنال كتشوف فيهم وخرجت عينيها...صحافة دغيا جمعت بين سلمان واسية ورجعوهم مزوجين وحمل اسية لي باين خلااهم يزيدو فيه كتر...

شافو في بعضياتهم وخرجو عينيهم دقة وحدة فاش تفكرو سيف...مشاو غادين دغيا طالعين...أما الجد بقا غير كيشوف...

الجد:لا صاافي...داري ولات سبيطار الحماق ومسلسل تركي تاع المشاكيل...

هز كياكل مخليهم يضبرو مخهممم...

عند سيف لي طلع لبيتها وسد الباب مسورتو وهي شافت فيه كانت كتهدر...وقفت وهو يقرب مد ليها جوغنال...

أسية:اش واقع؟

خدات الجوغنال وهي تقلب عينيها وشافت فيه...حتاش يله صونا ليها سلمان كيتعاذر منها على أخبار..

أسية:ومن بعد...

بقا كيشوف فيها بملامح هادئة حتى سمع كلمة الو في تلفونها لي كتعاود بصوت سلمان...خدا دغيا تلفون من يدها ضربو مع الحيط حتى تفرشخ...

أسية:"بغوات" واااش حماااقيتتتييي...

سيف:"هز يدو يضربها ووقف وغوت بعصبية" سكتتيييييييي...سكتييييي ماسمعكككككككككشسش..."هز يدو في وجهها بتحذير" كلمة خرى ونسا راااك حاملة...

أسية:ضربببب ضربببب لا بغيتييي...واااش كظن بلي أنا خايفة منك...مشااات أيااام الدل والقهرة وتكرفيسسس اسي سيف الدين...

سيف:نتييي واااحد لفعى مقطرةةةةة...كفاااش مزاللل نتيق بلي داك الولد ولديييي دبااااااا...

أسية:"خرجت عينيها" كفاااش...واش وصلت بك حتال لهنا؟

سيف:وصلت بيا لعظم أااسية...االبارح كتهدري وتحلوني عليه كي شي قح*بة شكون يكون هذا اممم...واش باات الولد هاااء؟مادخلتش لدماغي اصلا كفااش تحملي مني غير بعد ماغبرت..."قرب منها" كما هزيتي رجليك ليا...تقدري تهزييبهم لغيري...

صرفقتو أسية وشدتو من كول تيشورت وقربت منو بعينين مدمعين...

أسية:نتا شماااتة اااسيف...عااار على الرجاللل...

يتبع...