حارستي الشخصية🗽مكتملة🗽

🗽الجزء 103🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء103:

ميراي:غالي..

حطها قدام الطنوبيل وشاف فيها وهو يشوف في لكارد...شويا جاو ومدو ليه كنينيكس...

ميراي:شوف بلاما تحاول انا ماغنمشيش معاك...

غالي:ماغنحاولش كوني هانية..

حط الكنينيكس على نيفها حتى طاحت بين يديه..

غالي:حلو الباب..

هزها حطها لور وهو يطلع ركب بلاصت الشيفور...شير لكارد جا عندو..

غالي:لا سول علينا شي حد،ماشفتونا ماشفناكم..

حركو ريوسهم بواخا وديمارا الطنوبيل متحرك..

🌐عند أسية..

كانت جالسة هازة رجليها فوق جنب الفوطوي ومتكية شادة الطابليط كتشوف في الحويج...

ماريا:انسة،شفتك واخدة راحتك...

شافت فيها اسية بنص عين وهي تشوف سيف داخل وتقادت في الجلسة شي لي خلا ماريا غير كتشوف...

أسية:واش غالي مشا؟

سيف:اممم..

صفاء:سيف شوف أش وجدت لك..

شاف فيها سيف وهي تحط البلاطو،هزت زلافة ومعلقة مدتها ليه وهو بقا كيشوف في ديك الشكولا بالكاكاو واللوز...

صفاء:هادي ديما كانت كتعجبك نت وخوك..دوق..

سيف:"شاف فيها" كانت ولكن ذوقي دبا تبدل...

بقات صفاء كتشوف فيه وهي تجلس أسية حداهم وخدات الزلافة من يد صفاء..

اسية:خليني نذوقها..

خدات داقت وهي تخرج صوت زعما بنين...

أسية:واو عمتي،كتعرفي طيبي ماخباريش هههه..

سيف:ماكتعرفش..غيكون شي حد من خدم لي وجدو..

صفاء:حشوما علك،انا وجدتو بيديا على ودك...

أسية:مني على ودك اذن "عمرت المعلقة ووقفت جلست حدا سيف ومدتها ليه" دوق..

سيف:ماباغيش..

صفاء:حشوما ترفض لختك صغيرة...

شافو فيها وهو يحرك سيف عينيه جهة أسية...

أسية:بصح أخويا الكبير "وركت على أحرف" ماترفضتش لختك صغيرة...

خشات معلقةفي فمو...شافت ماريا زكرياء خارج ونادت تبعتو...

صفاء:غنمشي دبا رتاح...بونوي...

نادت وقفت پقاو غير هما بزوج كيشوفو في بعضياتهم...جرت المعلقة وهي تحطها جنب...شافت فيه وهزت يدها مسحت جنب فمو...