حارستي الشخصية🗽مكتملة🗽

🗽الجزء 74🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 74:

دخل غالي لبيت وهو كيحل في المجورة وكيقلب..هز الفانيد وهو ياخد منهم وشرب الماء وشد في قلبو وجلس فوق الفوطوي كيرجع في نفسو...طول حياتو عايش في الكذوب،في لخر طلع منصف خوه وهو ماجايب الدنيا خبار...شد راسو بين يديه وهو منزل راسو لأرض...حتى حس بيد تحطت على يدو وهو يحرك راسو جيهتها وجلست حداه...

ميراي:مالك؟

بقا كيشوف فيها،هي همها ماكيقلش على همو ومزال كتسولو على حالو..شد يدها بيديه بزوج وتنهد بضيق...

غالي:كي بقيتي؟

ميراي:"نزلت عينيها" بيخير..

بقا كيشوف فيها وهو يوقف هز ساشيا الدوا لي جابهم لكارد وكاس الماء وجلس حداها...عطاها من دوا وهي شافت فيه باستفهام...

غالي:هذا خرجو لك الطبيب..

خداتها شربتها...

ميراي:شنو قال الطبيب؟

غالي:"حط ساشيا فوق الطابلة" عندك الأعصاب "شاف فيها" وقت يكون عندنا الوقت نمشو لطبيب...باقي أدوية خرين كيخصك تاكلي باش تشربيهم...

نزلت ميراي عينيها وتنهدت وهو يشد يديها...

غالي:ماتخافيش،انا ديما بجنبك اميراي...

شافت فيه بعينين مدمعين وهو يقرب منها وعنقها...حطت راسها على صدرو وغمضت عينيها...

غالي:هتمي بصحتك،لا وقعت لك شي حاجة ماغنقدرش نتحمل...

بعدت عليه وهو يمسح دموعها...

غالي:غنقول ليهم يجيبو لك الماكلة..رتاحي..

بغا يوقف وهي تشد يدو ورجع جلس شاف فيها...

ميراي:واش ماكاينة حتى خبار على أسية؟

بقا غالي كيشوف فيها،أش يقول ليها بلي راها مع منصف كيتكرفص عليها...

غالي:مزال..

ميراي:هي لي بقات ليا هيء هيء ولا كانت شي حاجة واقعة ليها هيء هيء..

غالي:ميراي بركا من البكا،ماتخافيش هي بيخير،عفاك تهدني..انا راجع...

وقف مشا خرج وهو يشد في الحيط،مصايب طاحو عليه دقة وحدة...صونا تلفونو وهو يجاوب دغيا...

غالي:شنو؟

سيف:لقيتو...

غير سمعو غالي خرج بالزربة ركب في طنوبيلتو...

وقف غالي بالطنوبيل قد قد مع سيف ونزلو داخلين لمصنع وهو جايب معاه لكارد ديول القصر كلهم...دخل غالي هو وسيف قلبوه كلو...حتى شافو بيسي وهو يقرب غالي خدمو...

منصف:تعالي لهنا..

أسية:طللقني،طللق مني طللق..

كان منصف جارها بزز من يدها وجلسها فوق الكرسي ربط ليها يديها ورجليها...وهو يقرب واحد أخر هاز في يدو سطل الماء وبدا يكبو على أسية واحد من ورا واحد...

منصف:بركاا "وقف قدام الكاميرا" مسكينة ختك كتبقا فيا حتاش كتعاقب على غباء خوها...سي غالي لا بغيتكش تلقاني ماغاديش تلقاني،ولكن قريب نتلقاو ماتخافش...ولكن علاش نتا غبي وجيتي تقلب عليا وخليتي القصر خاوي هههههه...

خرج غالي عينيه وهو يشوف في سيف ومشا كيجري خارج...قرب سيف وهو يرجع لفديو لاور كيشوف في أسية وحط يدو على فمو مخرج عينيه،كمش يدو على فمو وهو يضرب البيسي حتى طاح في أرض مهرس...

سيف:ااعععععع،اللله يلعنكممممم...أش هاد المصيبة "هز الطابلة لاحها وضرب الكرسي برجلو حتى تهرس" اعععععع،بنات كلهم تاع دنيا كلهم اسيف نعستي مع ختتكككك،"ضرب يدو مع الحيط" أش درت انا أش درت...

🌐في القصـــر...

دخل غالي لقصر وهو كيطلب الله مايكون واقع والو...سد نيفو من االريحة الغريبة لي في القصر وهو يخرج عينيه،هادي ريحة مخدر...مشا بالزرب دخل صالون كيشوف زكرياء وضياء وعمو ورجل عمتو طايحين في ارض مغيبين...مشا دغيا حل الباب وشراجم مهوي الصالون وطلع لبيوتة كيقلب حتى كيسمع الدقان...مشا حل الباب تاع المكتب وهو يشوف فيهم...

ايملي:غالي..

عنقتو وهو دور عينيه على جدو وماريا وصفاء..بعدها دغيا ومشا برى دخل لبيتو مالقاهاش..رجع عندهم...

غالي:فين ميراي،ريم وانهار؟

الجد:دخلو علينا رجال وداوهم اولدي حنا يله فقنا..

مشا غالي نزل دغيا وهو يشوف فيهم يله كيفيقو...

غالي:البنات تخطفو..

ضياء:شنو؟

وقفو دراري كيشوفو فيه...

غالي:تفووو...

ضياء:واش حتى ريم وأنهار؟

غالي:أه..

زكرياء:ماغنخليهاااش فيه...

تم باغي يخرج وهو يشدو غالي رجعو..

غالي:فين غادي،واش شفتيني عارفو فين كاين وواقف ماكندير والو...

أنور:طلع منصف غذار..

ياسين:عيشناه في خيرنا ولكن هو طلع ولد الحرام مقطر...

تنهد غالي وهو يصوني تلفونو وجاوب...

غالي:شنو..

سيف:هاد المرة عرفتو فين كاين،قدرت نتبع أنهار فين كاينة حتاش هي محققة دائما كتهز براسلي فيها جهاز تعقب...

غالي:واش متأكد...

سيف:مية في المية،غادي يوصلو رجال لقصر وتعالى من بعد...

قطع عليه وهو يشوف غالي في العائلة...

غالي:لقيناهم...

ضياء:فين هما؟

غالي:غنعرفو...

يتبع..