حارستي الشخصية🗽مكتملة🗽

🗽الجزء 67🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء67:

مليكة:بنتي ميراي جيتي...

ميراي:ماما ياك لاباس؟

مليكة:ختك ابنتي ماعرفت فين غابرة مزال مارجعت...

ميراي:غير تهدني اماما غتكون مع صحباتها،تعالي تعالي ههه...

مشات جراها داخلين...

🔆في مكان أخر...

...:"لاح الملف قدامو" سيف أش هاد شي،الضوسي مزال كيف هو تراجعتي في خدمتك بزاف...

طلع سيف عينيه فيه مخنزر...

...:مالك شنو واقع،واش هادي خدمتك اسيف الدين،ماتنساش راك رجل مخبراااتي..من امتى تخلي الضواسة مجموعين علك...

سيف:قدمت على اجازة،سنين وانا كنخدم بلا حتى عطلة صغيرة...عيت وباغي رتاح...

حل الباب ومشا خرج مخلي لاخور غير كيشوف...وقف سيف وهو كيشوف في لي غادي ولي جاي وسط المكتب،جبد سيجار شعلها وغمض عينيه ماغتجيه غير صورتها بين عينيه،دغيا حلهم وبتاسم...

سيف:"خرج دخان" اخخخ طريت نجي ونخليك حتى قبل مانكمل لي بديتو...

بتاسم وهو يكمل طريقو خرج،ركب في طنوبيلتو وهو يجيه ميساج...

سيف:لا نهار لا ليل كنرتاح اووف...

تحرك بالطنوبيل..وقف جنب الطريق وهو يشوف فيه في طنوبيلتو ونزل طلع حداه...

سيف:شنو باغي؟

غالي:"شاف فيه وهو متكي على الكرسي بضهرو" مالك شفتك زربان...

سيف:اصاحبي واش مابقا لي يح*وي على خاطرو او ينعس على خاطرو مالكم الليلة كلكم تكبيتو عليا كي الذباان..

غالي:مالك أش واقع بسلامة شفتك غطرطق..."طلعو وهبطو" كنتي مع شي وحدة امم؟

ربع سيف يديه كيشوف قدامو...

غالي:هههه شكون هادي لي خلاتك محروق هكا اممم...

سيف:"شاف فيه مخنزر" را غنهرس لك فمك...

غالي:هههه زير نسا...

سيف:"صغر عينيه" شنو باغي؟علاش باغي تشوفني في هاد ليل؟

غالي:"تنهد"عرفتي منصف فين غابر؟هادي ايام مابقاش بان..

سيف:"حك لحيتو وتنهد" يكون في شي غار من غيرانو..

غالي:جا الوقت،بغيتو عندي ليه بزاف الأسئلة...

سيف:"شاف فيه" ياك لاباس؟

غالي:سيف "شاف فيه" كنظن لقيت ختي..

خرج سيف عينيه وهو كيرمش بعينيه بعدم الفهم...