حارستي الشخصية🗽مكتملة🗽

🗽الجزء 152🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء152:

🌐مـكـان أخـر

وقفت طنوبيل قدام فيلا كبيرة وهو ينزل شاب باين في اواخر العشرينات وتم داخل كيسد في صدفة الكومبلي...حتى دخل الصالة شافو جالس كيشرب في قهوتو وهو يقرب وشد يدو باسها وجلس في كرسي مقابل معاه...حوار بالتركية...

سي مصطفى:محمد كمال...جيتي دغيا...

كمال:"بتاسم" غير قلتي بغيتيني نسيت كولشي وجيت على قبلك اجدي...شنو واقع؟

سي مصطفى:جا وقت تزوج او لا...

كمال:"مزال محافظ على ابتسامتو وهدوءو" هي لقيتي ليا عروس اجدي...

سي مصطفى:بطبع..."هز صورة ريم من حداه ومدها ليه" بنت عمك..

خدا كمال الصورة كيشوف في ريم وبتاسم شاف في جدو...

كمال:تصالحتي مع عمي؟هكاك جيتي لمغرب؟

سي مصطفى:عمك مات الله يرحمو...هو مات ولكن مزال حفيدتي...هي مزوجة بواحد من عائلة كلها مشاكيل...بغيتك تاخدها منو وترجعها لينا...من فوق هذا لمصلاحتك والورث مايتقسمش على جوج...

كمال:كتقول ناخدها من راجلها...

سي مصطفى:على مال المطلقة...ماتنساش الورث لي يولي من حقك بوحدك...

بقا محمد كمال كيشوف فيه وهو يحرك راسو بايجاب...

كمال:وخا اجدي...رسل ليا معلوماتها...غنطلع نرتاح..

وقف كمال مشا وهو يبتاسم سي مصطفى وخدا قهوتو كيشرب بكل هدوء...

🌐مـركـز أمـنـي

دخلت أنهار راشقة ليها بعد الليلة حمرا لي دوزتها في الفندق مع زكرياء...
دخلت لمكتب وحيدت المونطو وهي لابسة كسوة حد الفخاد...جبدت من المجر سروال لبستو وحيدت الكسوة وهزت تيشورت كتلبس حتى دخل كريم...هبطت دغيا تيشورت...

كريم:سمح ليا ماظنيتش كتبدلي...

أنهار:ماشي مشكيل دخل...

طوات الكسوة وحطتها في المجر وهو يسد الباب ودخل كيشوف فيها وشد في الكرسي واقف...وهي جرت الكرسي جلست..

أنهار:جلس مالك؟

كريم:نساي...مسالية في ليل وقت نخرجو؟

أنهار:علاش؟

كريم:عندي لك شي كلام...

أنهار:"هزت الباندا جمعت شعرها كوت شوفال" اها وخا صافي..

بتاسم لها ومشا خرج...وهي هزت تلفونها صونات لمها...

أنهار:ماما لباس؟

سحر:لباس بنيتي...خرجت انا وخوك لغابة تغذاو هنا مع جارتنا...

أنهار:اوا مزيان...ياك بيخير بعدا...