حارستي الشخصية🗽مكتملة🗽

🗽الجزء 61🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء61:

🌐في دار ريم..

كانو كلهم جالسين ها لي في فوطوي او الكراسة...وضياء كيدور عينيه في بلاصتو وديرين بيه غالي وزكرياء...وكاع العائلة حاضرة...

دخلت ريم هازة بلاطو تاع القهوة وهي لابسة كسوة زوينة بأبيض مع شال بأبيض وميكاب خفيف مع سباط عالي طالون كتبان كي شي أميرة وميراي من وراها بكسوة حد ركبة مستورة من الفوق بأزرق وطالقة شعرها مع ميكاب خفيف وحلقات كبار وسنداالة طالون عالية،البنت تقولي هزيتي وحدة وحطيتي تانية،جمالها زاد طغا على جمال بستاايل لبس لي بدلتو كانت هازة بلاطو أخر تاع القهوة كتمد فيه لضياف لي اصلا عرفاهم واحد بواحد...مدت ريم بلاطو لميراي ومشات حطتهم جنب وهي تشوف ميراي في غالي لي كيشوف فيها شوفات مافهمتهمش...نزلت عينيها وشافت في جدو لي كيهدر مع جيميري...دق الباب وهي تمشي حلت الباب...خرجت عينيها وهي كتشوف في حالتها...

ميراي:أنهار مالك؟

شافت فيها أنهار لي كترجع النفس بزز وعينيها مقلوبين بالسكرة...جرتها ميراي عندها شدت فيها ودخلتها لحمام...

ميراي:أنهاار شنو درتي؟

أنهار:قتلتها...انا قتلتها...قتلتها اميراي قتلتها...هيء هيء هيء قتلتها...

جرتها ميراي معنقاها مافاهمة والو....

أنهار:أنا مريضة اميرااي مريضة هيء هيء...

ميراي:شششش دووشي بعدا تستعقلي ونهدرو...

بعدت عليها وخدمت ليها الدوش...

ميراي:غنجيب لك ماتلبسي..

حركت أنهار راسها ومشاات ميراي خرجت...شافت انهار راسها في المرايا وشافت في يديها لي كيترعدو وهي طيح على وقفتها كتبكي في صمت...

رجعت ميراي حدا ريم لي شافت فيها زعما شكون جا...

ميراي:أنهار..

ريم:شنو وقع؟

ميراي:بحالي بحالك...ماتبيني والو غنمشي نشوفها أش دارت...

حركت ريم راسها ومشات ميراي دخلت لحمام مالقاتهاش ومشات خرجت عندها لبيت لقاتها جالسة حاضنة نفسها ومزال بالبينوار...تنهدت ودخلت جلست حداها...

ميراي:شنو وقع معاك اانهار؟

أنهار:"شافت فيها وهي كتبكي" ميراي،علاش كندير هكا؟علاااش ماكنتحكمش في راسي...انا ضربت وحدة بالطنوبيل..

ميراي:"خرجت عينيها"اويلي،علاش؟😮

أنهار:صباح مني مشيت عند زكرياء لقيتو كيضحك مع وحدة،ماعرفتش كفااش حتى ضربتها كنت سكرانة...