حارستي الشخصية🗽مكتملة🗽

🗽الجزء 144🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء144:

دق الباب وهي تشعل الضو ووقفت حلتو...ربعت يديها وهي كتشوف فيه وهو بتاسم...

غالي:وجدت لك عشيوة من تحت يدي...

بتاسمت وقربت كتشوف في الماكلة وشافت فيه...

ميراي:كتقصد لي وجدوه الخدم،حتاش شفتهم وقت طيبوه لعشا..

غالي:"بتاسم ببلاهة" هيهيهي اه اه هو،ماندخلش؟

بقات كتشوف فيه وهي تبعد وبتاسم وتم داخل حتى دارت رجلها قدامو وصدق مكروع في أرض طايح هو والبلاطو...شاف فيها مخنزر وهي تبتاسم...

ميراي:باش تعلم تكذب عليا...

دخلت وهو بقا كيشوف فيها حتى جلست،شاف في الماعن في أرض وتنهد وجمعهم وحطهم جنب ومشا تكا في جيهتو وهي شربت الماء وبغات تكا حتى جرها ناعسة على صدرو...بغات تبعد قرم عليها من خصرها...

غالي:برب الكعبة وتحركي مرة خرى اميراي غتشوفي تاني وجهي،زكااي...

زكات مخنزرة وهو خشا نيفو في شعرها كيشم ريحتو الغزالة وهي كتشوف في السقف..

ميراي:واش مزال هداك يبان في حياتنا؟

غالي:لا،نسايه....

ميراي:كنحاول،خايفة غير نساوويرجع مشكيل أخر يبان،وليت كنخاف نفرح حتاش فرحتي ماكتكملش،عيت الغالي...

غالي:"تنهد" كون سافرنا ماكان يوقع والو من هاد شي،ولكن صافي "بعد وشد خصلات شعرها كيلعب بيهم" لي وقع وقع،وماتخافيش حتى لا جاو مشاكيل غيرهم غنتهناو منهم،ماشي لول ولا لخر،حنا عائلة النصيري،ومشاكيل في عائلتنا ولات كي شريب الماء...واعدائنا كتر من حبابنا،نتي عارفة هاد شي،هكاك كنظن نتي قوية باش تعياي بهاد السرعة هههه..

ميراي:"تنهدت وغمضت عينيها" كمل..

غالي:اش غنكمل؟

ميراي:قول اي حاچة،صوتك كيريحني الغالي..

غالي:"بتاسم" نتي قوية اميراي،وكنتمنى حتى البيبي ديالنا يكون بحالك،قوي ومحارب بحالك،عرفتي من صغري عايش بوحدي،شحال من ليلة دازت عليا صعيبة،كانو ليالي كنبكي فيهم حتاش خسرت واليديا،وانا كنتمنى من ربي مايدوزش ولادنا من نفس شي،باغي نبقا معاهم حتى يكبرو،وبطبع كيخص ماماهم جنبهم هاد شي مؤكد حتاش نتي مهمة ليا كتر منهم،نتي اميراي شي حاجة مميزة وكنفتاخر بيها وكأنها شي جائزة ربحتها حسن من كاع الجوائز لي ربحت،كنتمنى ربي مايفرقناش وخا يوقع لي وقع وكوني هانية انا مانتفارق علك الا لا فرقتنا الموت،وأي شخص يحاول يدخل بناتنا أنا غنهنى من حتى قبل مايفكر،كنواعدك غنحمي عائلتنا وولادنا وحتى نتي لأخر نفس في حياتي..."تنهد وقرب باس راسها" كنبغيك...