حارستي الشخصية🗽مكتملة🗽

🗽الجزء 6🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 6:

هزت تلفون لي كيصوني حدا رااسها وهي توقف وهزتو كتجاوب...

ميراي:الو...

مول طاكسي:لالة ميراي لقيت في طااكسي كاارو...

ضربت ميراي على وجهها...

ميراي:سمح ليا بزااف ابا حمد والله لا...

حمد:"قاطعها" سمعي ابنتي خدمنا عام مع بعضيانتا وهنا حبس،كيجوني شكايات بزااف بلي كضاربي،كنت كندير عين ميكة،الله يرضي علك جيبي روساطا لي كنتسالك والله يسهل...

قطع عليها وهي تلوح ميراي تلفون جنب وحطت يديها على وجهها مسحتو وتنهدت بضيق،حتى قبل ماتخلي الخدمة هي لي خلاتها...

ميراي:الله ياربي اش هاد زهر كلو...

تكات في بلاصتها على ضهرها حتى صونا تلفونها عاود وهي تهزو،شافت الرقم لي ماعرفتوش وجاوبت...

ميراي:الو...

...:معايا ميراي يازين؟

ميراي:وي شكون معايا؟

...:انا تحت دارك ممكن تنزلي...

قطع عليها وهي تسمع دقاان...ستغربت مافهمتش شكون...وقفت مشات نزلت كانو مزالين ناعسين...حلت الباب وهي تهز حاجبها وشافت فيه بعدم الفهم...شاب في اواخر التلاتينيات لابس كومبلي بالأسود ونظارات بالأسود وكيت بأسود في وذنو أيمن...شافت في لكارد بنفس لبس وراه شي 5....

ميراي:أش حب الخاطر؟

...:انسة...ممكن تفضلي معانا...

ميراي:بأشمن صفة؟

...:انا رئيس حرس لعائلة النصيري،حفيد العائلة هو لي نقدتيه البارح من الحادت...

ميراي:اذن؟شنو حب الخاطر..

...:انا سميتي منصف،واش ممكن تفضلي معانا بغا سي النصيري يشوفك...

بقات كتشوف فيه وشافت في لكارد...

ميراي:صبر نبدل بعدا..

سدت الباب في وجهو ومشات طلعت في دروج حتى تلقات مع اسية نازلة لابسة سروال تجين مع تيشورت وقاميجة فوق كوستيم بأزرق وسبادري وطالقة شعرها مع نظارات بيضين دائرين فقط عادين...

ميراي:غادة لقراية؟

اسية:ماسوقكش..

مشات نزلت وهي تنهد ميراي وطلعت...

حلت اسية الباب وهي كتشوف في انعكاسها في تلفون كتقاد في روج الغوز ديالها...حتى وقفت كتشوف في لكارد مافهماش هاد العدد لاش هنا...سدت الباب نازلة مع الدروج الصغار وهي كتشوف فيهم...دورت عينيها عليهم حتى وقفت على وااحد كيهدر في تلفون...طلعتو ونزلتو حتى صونا تلفونها...غير شافت الرقم عطات رجليها الريح كتجري حتى ضربت في منصف ولكن ماوقفتش...خنزر منصف وشاف فيها غادة كتجري...رجع تركيزو على التلفون على صوت سي النصيري....