حارستي الشخصية🗽مكتملة🗽

🗽الجزء 167🗽

🗽حــــارستـــــي الشخصـــــــية🌾

✍️بقلمــي:أميمـــــة بوكنشــــو

🩸الجــــــزء167:

🌐عند اسية وسيف

حط البيتزا وعصير وهي جلست فوق الكرسي وحتى هو جلس...

سيف:بنت نعست..

أسية:امم "بحزن" شربتها الحليب ونعست..

سيف:وصافي لي وقع وقع...دبا ولي تكالماي وشوفي لا رجع لك الحليب...

حركت راسها وهو يمد لها قطعة البيتزا...شافت فيه وخداتها كتاكل وهو يهدر...

سيف:واقعة شي حاجة خرى...

أسية:تبعانا شي عين اسيف...فرحتنا ماكتكملش ياحضر سلامة...

سيف:علاش هاد الكلام؟

أسية:"شافت فيه وحطت البيتزا من يدها" ميراي...ميراي غتفارق مع غالي...

سيف:كفاش؟علاش؟

أسية:مافهمتش...سمعتها كتهدر مع شي واحد...واقيلا المحامي كيوجد لها وراق الطلاق...ميراي ماكتاخد هاد الخطوة الا وعندها علاش...مافهمتش أش دارليها غالي...

سيف:ولكن غالي مايقدرش يبعد على ميراي...ميراي هي كولشي بالنسبة ليه...

أسبة:هادي هي المشكيلة...ميراي كولشي لغالي...وغالي كولشي لميراي...ولا تفارقو ماكنظنش يقدرو يكملو حياتهم..تمنى مايتفارقوش...

حطت يدها على خدها بحزن وهو كيشوف فيها وجر ليها الكرسي حتى قربت جنبو وهو شاف فيها...

سيف:مديرا بحال شي بنت صغيرة يتفارقو واليديها...لا بغاو يتفارقو خليهم يتفارقو...خلينا ندوها في حياتنا أفضل..

أسية:"هزت عينيها فيه" راهم بزوج خوتي...لا تفارقو كفاش نتعامل مع كل واحد فيهم...

سيف:كولي ورتاحي...كنأكد لك هما مايتفارقوش...غالي مستحيل يسمح في ميراي وخاصة مني جامعهم الولاد...انا كنعرف غالي ميراي راها كتمشى ليه في الدم مايفرقو عليها غير الموت...يله كولي...

حركت راسها وخدات كتاكل...بقا كيشوف فيها سيف وهو يحط يدو على خدو حاضيها...تنهد ونزل عينيه خاصو يجمعهم على أقل هاد أيام مزال ماكملت شهر على ولادتها خاصو يراعي ليها...هز عصير كيشرب فيه...

🌐في القصر

بعد ماكملو العشا جلسو في الصالة...

سي مصطفى:اوا امتى نهز حفيدي..

خرجت ريم عينيها ونزلت عينيها بخجل اش هاد سؤال عاود قدام كولشي...

ضياء:مازربانينش...

سي نصطفى:وانا زربان...باغي نشوف ولاد ريم قبل مانموت...عندي غير جوج حفيد محمد كمال وريم...ومني سي محمد كمال مطول كتسنا فيكم نتوما...