حارستي الشخصية🗽مكتملة🗽

🗽الجزء 121🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء121:

الجد:"شاف فيها" مسافرين؟

ميراي:اه...

الجد:"تنهد" انا عارف صعيب الواحد يخلي بلادو ويمشي.."شافت ميراي قدامها" وحتى انا صعيب نخلي حفيدي يبعد عليا..."شاف فيها" بنتي عفاك ماتخليهش يمشي وانا عمرني نساها لك...

ميراي:"شافت فيه" بعد كاع لي عشناه بسبابك..مزال عندك الوجه..

الجد:عارف،درت خطأ وانا تعاقبت بحفيدي لي تسنيتو ولكن ماطلعش حفيدي،عفاك ابنتي غالي كيسمع لك،ماتخليهش يمشي ويخلي عائلتو...عتابريه طلب من شخص قريب يموت وأيامو معدودة مابغيتش نموت والغالي بعيدعليا.."وقف" القرار قرارك،وسمحي ليا على لي درتو فك وفيه...

مشا بحالو وهي تنزل ميراي عينيها جهة البنت لي كتبكي...

غالي:ميراي يله..

بغا يهز لافاليز وهي توقف...

ميراي:الغالي..

شاف فيها وهو يحط لافاليز من يدو..

غالي:نعام..

ميراي:كتبغيني.

غالي:"بتاسم وقرب حط يدو على خدها" شحال من مرة سولتيني،وجوابي نفسو اه كنبغيك وكنموت عليك..

ميراي:"شافت فيه بعينين مدمعين" اذن دير لي نقول لك...

غالي:أمري،حياتي نعطيها لك..

ميراي:خلينا نرجعو لقصر..ومانسافروش..

خرج غالي عينيه كيشوف فيها،بغا يبعد يدو حتى حطت يدا على يدو فوق خدها..

ميراي:بمعزتي عندك،خلينا نبقاو الغالي،عفاك...

غالي:"شاف فيها" ميراي اش كتقولي،طيارة كتسنى فينا...

ميراي:نتا كتبغي جدك شحال غتبقى غضبان عليه في بلاد الغربة،غالي على ودي،تعالى نرجعو..

بقا غالي كيشوف فيها وهي تجي عندهم وحدة من الموظفات..

بنت:سيدي كنتسناو فيكم..

شاف فيها غالي وشاف في ميراي لي كتشوف فيه بترجي...

ميراي:تيق فيا ءغالي،عفاك...

بقا غالي كيشوف فيها وهو يبعد عليها...شاف في البنت.

غالي:مابقيناش غادين..

هز لافاليز ومشا خرج وهي تمسح ميراي دموعها وبتاسمت ومشات تبعتو...

تحرك غالي بااطنوبيل بسرعة وهو كيشوف غير قدامو...شافت فيه وشافت في الطريق وهو مسرع...

ميراي:غالي..غالي نقص من السرعة معانا ترابي..

بحالا قالت ليه يزيدفي السرعة،غمضت عينيها وعنقت البنت عندها وهي تڜوف فيه وشافت في الطريق،ماخيفاش على راسها بقات فيها غير البنت لا دوخ...وقف قدام القصر وهي تحل البوابة ودخل ونزل من الطنوبيل داخل بسرعة...نزلت دغيا تبعتو..
كانو كلهم جالسين في الصالة حتى دخل مدرم عليهم...

غالي:حتى وقت بغيت نعيش مع مرتي فقط كتجو وتنگدوها عليا...

الجد:"وقف" غالي...

ماريا:غالي اش واقع...

غالي:شنو درتي،فهمني نتا شنو درتي حتى بقات دقيقة على رحلتنا علاش ميراي تراجعت..

ميراي:"دخلت" غالي،"وقفت قدامو" غالي جدك ماقال ليا والو...

شاف فيها غالي وشاف في جدو...

غالي:ماكرضعش صبعي،ماغتجيش وتقولي لا...

ميراي:قلت لا حتاش انا مابغاش ماشي بسباب جدك...انا مابغاش نسافر ونخلي بلادي الغالي فهمتي...

شافت فيه وهي تبدا البنت كتبكي،قربت ريم خدات البنت حتاش الصداع غيبكيها كتر وعطاتها لخدم يدوها...

غالي:سولتك،سولتك قبل...

ميراي:كتسنى مني نرفض؟"قربت منو وعينيها مدمعين" ولكن ماقدرتش...

غاالي:ماقدرتيش؟ "قربت حطت يدها على خدو" ماقدرتيش؟

ميراي:غالي هيء هيء انا هنا فين تربيت وعشت،مامستعداش نخلي بلادي على ود..

غالي:"قاطعها" على ودي "حركت راسها بالنفي" مجرد طلب انك تعطيني يدك وتمشي معايا بلا حتى أسئلة ولكن حتى هذا طلب مستحيل...

ميراي:غالي،شوف نتا دبا بين عائلتك وو...

غالي:"دفعها وغوت" ماكيهمني والو،لي ميهمممنننيي هو نتتتي،انا كرهت هاد العائلة...

ميراي:غالي هيء هيء عفاك...

بقا غالي كيشوف فيها وشاف في جدو...

غالي:كنت كنبغيك بزاف اجدي،ولكن نتا مابقيتيش كتخلي ليا فرصة نبقى نبغيك،حياتي كدمر بسبابك...

الجد:ولدي...

غالي:سكتتتتت،انا عااارف بلي عندك يد في هد شي،كون فقط مجرد خوف ماكانتش غطلب ترجع لقصر بضبظ..

غمض غالي عينيه بألم وحط يدو على صدرو...

ميراي:غالي،غالي اش بك..

بغات تقرب ليه وهو يبعد وشاف فيها...

غالي:شنو باغا اميراي؟

بقات ميراي كتشوف فيه وهي تشوف في الجد ورجعت شافت ومسحت دموعها..

ميراي:تسامح جدك ونعيشو هنا كيف قبل...

يتبع...