حارستي الشخصية🗽مكتملة🗽

🗽الجزء 171🗽

🗽حــــارستـــــي الشخصـــــــية🌾

✍️بقلمــي:أميمـــــة بوكنشــــو

🩸الجــــــزء171:

دخل رادخ الباب وهي تشوف فيه...شافت خطواتو السراع وهي توقف مستغربة حتى شدها من دراعها خرجها لبالكو على دراري وهي تشوف في يدو لي شادها بيها وشافت فيه...

غالي:شكون هداك لي البارح كيعنق ويتملس فك...

ميراي:اشمن بارح...

غالي:"غوت حتى تهز صدرها بخوف" ميرااااي ماتجهليش مي لي عنقك البارح شكون؟

ميراي:غالي هبط صوتك الولاد لداخل....وهداك واحد من لافامي تاع ريم...

غالي:مامهبطووش..."هز صبعو بتحذير في وجهها" ويااك مرة جيا لقاك قبالت راجل...

شافت في صبعو وشافت فيه...

ميراي:ماتأمرنيش...وخرج بحالك دبا...باغا نبدل..

غالي:"هبط يدو"علاش؟

ميراي:"ربعت يديها" باغا نخرج نقلب على خدمة...

غالي:ميراااااي...راا قلت الخدمة لا..

ميراي:"قربت ليه" منعني لا قدرتي...

مشات دخلت وهو متبع ليها العين...دوز يدو على وجهو بعصبية وشد في حديدة البالكو كيشوف قدامو...دازت مدة عاد سمع صوت طالونها...دار كيشوف فيها خارجة من دريسينغ كدير في حلقات كبار دائرين وشعرها أشقر لي مخلياه على راحتو وميكاب خفيف...خرج عينيه من داك روج الحمر مبري منها ماديروش برات الدار وكسوة لي حد الفخاذ...دخلت لخدامة وبدات ميراي توصيها على الولاد وتمت خارجة حتى دخل وشد دراعها..

غالي:فين غادة...اش هاد الحالة..

ميراي:"شافت فيه" مال حالتي...فنةةة او لا...

جرت دراعها وحلت الباب خرجت...ورك على يدو ومشا دخل لدريسينغ هز كومبلي في يدو وخرج تابعها...
كانت نازلة حتى وقفت على صوتو...

غالي:تسناي..

وقفت وشافت فيه وهو يوقف قبالتها...

غالي:ياك باغا تخدمي..طلعي..

مشا دار طلع في طنوبيل جهة شيفور وهي بقات كتشوف فيه ومشات ركبت وتحرك بالطنوبيل...شافت في الطريق وبتاسمت...

شاف فيها غالي وتنهد...وخا قلبو حارقو ومابغيهاش تخرج ولكن مابيدو والو دبا وهي كتخرج من فمها غير سيرة الطلاق...

وصلو لشريكة ونزلو داخلين وهو شد يدها...شافت في يدو وشافت فيه ورجعت شعرها لاور كتمشا جنبو كيبانو أنكوبل ولا أروع...مخلين انظار الحميع عليهم...

🌐عند أنهار وزكرياء

حلت عينيها وشافت في بلاصتو ماكاينش وهي توقف هزت بينوار لاحتو عليها مزال عريانة...كتبان قوقة بداك صدر المبندر لي باين وفخادها لي باينين تضاريس جسمها ولونو مخلليينها مميزة...دخلت لحمام غسلت وجهها ومشات خرجت وهي تهز عينيها كتشوف في الدار...يله دور دخل لصالون حتى جرها ولصقها مع الحيط وقرب لها ملاصق مع جسمها...

زكرياء:نتي ماشي ديال تخرجي من بيت نعاس...

هزت عينيها السود فيه وضحكت ضحكة مقح*بنة مخلياه دايب فيها ودورت يديها على عنقو...وبتاسمت جنب وهزت يدها مهبطاها مع تراسيم وجهو وهو عينيه على صدرها...

أنهار:ديالاش انا إذن...؟

زكرياء:ديال الكو*ا...

دفعتو مبعداه عليها ودورت عينيها في الدار وتمت غادة لصالون...وقفت كتشوف فيه صالون كبير وزوين وكلاص...حتى دور يديه من لاور على خصرها وقرب لعنقها...

أنهار:دار زوينة بزاف..

زكرياء:عرفتها غتعجبك..

أنهار:"دارت تقابلت معاه" ولكن خاصاها حاجة وحدة..

زكرياء:شنو هي؟

أنهار:حويج ههههه...شنو غلبس انا دبا؟

زكرياء:هههه بقاي هكا كتباني غزالة...وقوقة..

أنهار:ههههه ياك..

قرب كيبوس فيها وهي حطت يدها على كتافو متجاوبة معاه...

🌐في الشركة

جرت الكرسي جلست ودورت عينيها في المكتب وشافت فيه لي حاضيها وطالع ليه الزعف...

غالي:عجبك المكتب...

ميراي:ناايس.."شافت فيه" و أش غنخدم؟

غالي:نفكر ونرد علك..

مشا خرج خلاها غير كتشووف...دورت عينيها بملل ووقفت مشات حلت شرجم كتشوف في المدينة...ربعت يديها حتى تحل الباب وهي دور كتشوف شكون حتى خرجت عينيها...

مارسلين:ممكن نهدرو...

بقات ميراي كتشوف فيها...حركت يدها باش تجلس وهي تجلس مارسلين ودارت ميراي جلست...

ميراي:أش باغا؟

دارت مارسلين رجل فوق رجل وشافت فيها وبتاسمت وشر بان عليها...

مارسلين:نتي وليتي دبا عارفة كولشي..."تكات ميراي بضهرها على كرسي كتشوف فيها" نجيك صراحة اذن...انا عزيز عليا الحرب بالكاشف...

ميراي:نتي باغا تحاربيني؟

مارسلين:هههه بطبع..."طلعتها وهبطتها" كيعجبني نرجع حويجي بالعلن...وغالي من ممتلكاتي...كان ليا قبلك ومزال ليا...

ميراي:"بتاسمت بسخرية" كيبان مافهمتيش واحد نقطة "وراتها يدها لي فيها الخاتم" بلي انا لي ركب الخاتم في يدها اما نتي فقط ماضي...

مارسلين:ههههه ميراي...واش مجرد خاتم وورقة كتعني شي حاجة...ونتي حتى من عرس مقاد مادارو لك...وجابك من الفوق ضرة...ينعس ليلة معاك وليلة معاها...انا كنت مع غالي وعمرو شاف في غيري...ونهار غلط عاقبتو ومسكين وسط العقاب تلف...ولكن لا كنتي ملاحظة انا متأكدة غالي مزال ماعاودلك عليا والو..."شافت فيها ميراي ووركت على يديها وهي تبتاسم مارسلين ووقفت" تو بقيتي فيا...زعما ذكية وباغا تحافظي على زواجك...هههه باغا تحافظي عليه مع واحد ماكيبغيكش...

مشات مارسلين خرجت مخليا ميراي كتشوف قدامها...وركت على يديها ومشات خرجت شافت مارسلين غادية وهي تمشي شدتها من دراعها وصرفقتها...

مارسلين:"حطت يدها على خدها مصدومة"اش درتي نتي...

يتبع...