حارستي الشخصية🗽مكتملة🗽

🗽الجزء 25🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 25:

وقف غالي بطنوبيل ونزل قدام الرصيف...بقا واقف حتى وقفت طنوبيل خرى وهو ينزل منصف...حيد نظاراتو...

منصف:تعطلت؟

مد غالي يدو وهو يحط ليه منصف كاطميموار...

منصف:تبغي شي حاجة خرى؟

غالي:"شاف في كاطميموار لي مورك عليها ومخنزر" شنو نبغي كتر متلا..."شاف فيه" قلبي كيتحرق...

منصف:غالي..

غالي:"تنهد وشاف في البحر" واش أنا شخص خايب لهاد درجة...حتى كولشي كيأديني...

منصف:"حط يدو على كتفو" شنو غدير دبا؟

غالي:"شاف فيه" ماغندير والو...قضية هنا غتصد...

منصف:كااع لي درتيه باش تبحت على واليديك وكاع هاد شي صافي هنا غتحبس؟

غالي:"شاف قدامو" تعلمت لي يأديني نخرجو من حياتي..

منصف:شنو اذن غدير دبا؟

غالي:"تنهد ونزل راسو" ماعرفتش مزال كنفكر...تلفت دبا بزاااف...ولكن صافي"شاف فيه"غنفكر غير في ولدي لي جاي في الطريق ومانفكر في والو...

منصف:كيخصك تخبر العائلة بهاد أخبار...

حرك راسو وشاف قدامو...عم صمت للحظة وكيتسمع غير صوت المواج حتى هدر منصف...

منصف:مزال غتحتاج ميراي؟

هز غالي عينيه وجات صورتها بين عينيه وشاف فيه...

غالي:علاش ماحتاجهاش..

منصف:نتا كنتي باغي فقط شخص لي مايوصلش خبارك لجدك حتى تعرف الحقيقة...ولكن دبا عرفتي أكبر حقيقة في حياتك وقلتي غتوقف هنا...مزال غتحتاجها؟

غالي:"شاف قدامو وورك على كاطميموار" خليها...

شاف فيه منصف وبتاسم...

منصف:ولفتيها؟

شاف فيه غالي شوفة تاع من نيتك...

منصف:اوو نتا معجب بيها؟

غالي:كنبان كشخص كيعجبوه البنات مرجلات؟

منصف:"بتاسم وشاف قدامو" ماعرفتش..أذوااق تختلف..

غالي:كتخو*ر غنمشي دبا...

مشا ركب وبتاسم منصف وهو متبع ليه العين...

تحرك غالي وهز تلفون كيشوف في ميساج تاعها بتاسم وهو يزيد في السرعة...

وقف غالي كيقلب عليها في الملعب...حتى حس بيد جرتو وهو يشوف فيها عطياه بالضهر وشعرها أشقر طااير كتجري بيه...وقفت بيه قدام سيارة السباق صغيرة وشافت فيه...غير شافها وسع عينيه وهي تشوف فيه ورجعت شعرها أشقر لاور..