حارستي الشخصية🗽مكتملة🗽

🗽الجزء 46🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 46

حلت ميراي عينيها بتتاقل وهي تشوف راسها وسط الطنوبيل قدام...شافت قداامها كتشوف راسها قدام البحر وهي دور عينيها حتى كيبان ليها شخص متكي على الطنوبيل جنب...شدت في راسها حاسة بيه يطرطق وهي تفكر وقت كانت غضربها طنوبيل كون ماوقفت في أخر لحظة كانت غتكون في سبيطار وماحستش من بعد أش وقع فاش غيبت...نزلت من الطنوبيل سادة الباب وهي مستغربة من الشخص لي قدامها...حتى وقفت قبالتو وهو كيكمي...حرك عينيه الحادة جيهتها...وهي هزت حواجبها فيه...

ميراي:سلام...

لاح السگار في أرض وخشا يديه في جيوب سروال وعفط عليه بقوة وهو كيشوف فيها،خلاها متبعة مع رجلو وشافت فيه...

ميراي:نتا لي جبتيني؟

بتاسم جنب وقرب عندها حتى رجعت خطوة لاور حاسة بخبثو الغريب...

ميراي:كنعرفك؟

وقف كيشوف في ملامحها وهو يكسر صمتو بصوتو رجولي الحاد...

...:نتي ماكتعرفينيش،ولكن أنا كنعرفك مزيان اميراي...

خرجت عينيها مافاهمة منو والو..

ميراي:مافهمتش...على مين كتعرفني انا لا..

...:عارفك ماكتعرفينيش،وعاارف بلي نتي بديگارد ديال غالي النصيري...

ميراي:أشريف شكون نتا،وكفاش عارف هاد شي كلو؟

عوج راسو جنب كيشوف فيها بطريقة ستفزتها وهي تخنزر كتر عصبها...

...:نتي ماشي نوع غالي،كفاش بغاك؟

خرجت عينيها وهي تهز يديها شدتو من كول قاميجتو مخنزرة...

ميراي:كفااش عارف هاد شي وشكون نتا،شنو بااغي هدر...

بتاسم وهو كيشوف فيها وشد يديها جرهم من كول قاميجتو...

..:أنا شخص بااغي يعاونك لا غير...

ميراي:فاش بسلامة...فاش غتقدر تعاوني...

...:بأصح غادي تكون تجارة متبادلة...عاونيني ونعاونك...

ميراي:فاش؟

...:"بتاسم" ماشي دبا...رجعي بعدا قوتك الغزالة...ااه نسيت نقول لك..."قرب منها" حياتك غالية على الغالي،ماتخسريهاش بسااهل هكا...

بتاسم بطريقة خلاتها مصدومة منو،ماعرفتو لا شكون ولا أش باغي منها،مشا ركب في طنوبيلتو ومد ليها ساكها لي خداتو وتحرك مخليها وسط أسئلتها..

كان غالي واقف فوق واحد العمارة كبيرة في السطح...وهو شاد سلاح في يدو كيلعب بيه كيحل ويسد فيه بحال اللعبة...حتى سمع خطوات ورااه وشاف قدامو في المدينة لي أضويتها ساطعة...تنهد وتكلم بلاما يشوف في الشخص لي وراه...

غالي:شنو جابك؟

وقف جنبو كيشوف حتى هو في المدينة وكيكمي من سگار ديالو...وبتاسم جنب...

...:سي غالي النصيري قلبو مشوي؟

شاف فيه غالي مخنزر وهو يحط سلاح فوق رااسو..

غالي:لا قتلتك حتى واحد مايجيب لك الخبار اولد عمتي...

بتاسم وشااف فيه وسلاح محطوط فوق راسو...

سيف الدين:دم عمرو كيولي ماء...

نزل غالي السلاح وهو يبتاسم وجرو عنقو عناق رجولي...

غالي:توحشتك...

سيف:حتى انا والله..."بعد وتنهد" الخدمة شنو نديرو...

غالي:نتا عارف عائلتنا هي المهمة...

سيف:"ضرب على دراعو" حنا كنعيشو على ود البلاد،تم العائلة اغالي...

عاود غالي خنزر ودار سلاح ورا ضهرو وشاف قداامو ويديه في جيوب تجاكيط...

غالي:أول ماكمل هاد الروينة،غادي نرجع بحالي،مابقيتش حامل نزيد دقيقة في هاد البلاد السعيدة...

سيف:لا حاولنا نركزو...واش على قبل ميراي؟

غالي:"شاف فيه" ماتجبدهاش ليا...

سيف:"نتر من سيگار وشاف قدامو" ممكن يكون عندها سبب...

ورك غالي على يدو وشاف قدامو عاقد حجبانو...

غالي:كان خصها هي لي تهدر...

سيف:كانت غادي ضربها طنوبيل قبيلة...

خرج غالي عينيه وشاف فيه دغيا...

غالي:شنو وقع؟

سيف:ماتخافش هي بيخير وماشي غير هاد شي "شاف فيه" تعرفت عليها،البنت قوية ويني مرجلة،كتلائم دوقي..

خنزر فيه غالي يله يقرب وهو يبعد سيف كيضحك..

سيف:هههه ماتخافش تهدن...انا ماشي ذوقها...

خنزر فيه وتم غادي وهو يتبعو سيف نازلين في الدروج...

سيف:امتى نهو هاد شي؟

غاالي:من ورا رئاسة..ونتا امتى غترجع لداركم؟خوك تزوج..

سيف:هههه ضياء الدين هداك بوحدو،قريب من ورا ماكمل أخر مهمة عندي..

وقفو قدام طنوبيلاتهم...

غالي:"شاف فيه" وخا...بسلامة.."بغا يطلع ووقف رجع شاف فيه" ماتقربش منها حسن لك...

بتاسم سيف جنب وركب غالي مديماري..بقا كيشوف فيه غادي وهو واقف...

سيف:ولكن ماواعدتكش..

بتاسم بخبت ومشا ركب في طنوبيلتو...

يتبع..