حارستي الشخصية🗽مكتملة🗽

🗽الجزء 68🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء68:

غالي:أميراي،نتي عارفة وضعي...

ميراي:وهاد شي لي فاقصني اغالي،رااها حاملة حاااملة بولدك ولا بنتك،هتم بيها شويا عفاك...

غالي:"عض على شفتو بالفقصة" شنو؟ماسمعتش مزيان...

ميراي:كيخصك تهتم بيها،ماتخلينيش دي ذنب ولد مزال ماتزاد عفاك...ماتهتمش بيها لا ماباغيش على اقل هتم بالولد..

غالي:أش كتخرفي،ميراي مستحيل نهتم بيها كتفهمي...هاد شي ماعندو حتى علاقة لا بك ولا بغيرك انا هكا...

ميراي:نتا ماشي هكا اغالي،انا عارفة بلي قلبك بيض ووو...

غالي:"قاطعها" غير في نظرك "حط يدو على خدها" ميراي ماتجبرينيش على شي حاجة...عفاك موضوع اميلي بعيد علك اوكي...غنقول لكارد يوصلوك داكوغ..

بقات ميراي كتشوف فيه وهي تحل الباب وخرجت...ضرب غالي الباب بقبضة يدو ومشا جلس معصب وهز تلفونو...

غالي:سييف،فين هو منصف اش هاد شي...

سبف:ماتعصبش عليا هكا...را ليل ونهار كنقلب عليه...

غالي:اليوم عرس ضياء،كيخصو وقت يسالي يكون عندي...

سيف:وخا...

قطع عليه غالي وحط يديه على جبهتو وهو مغمض عينيه كيفكر في حريرتو...مايخرج من مصيبة حتى يدخل في تانية...حل البيسي كيشوف في حسابات ومعاملات لي كان جدو كيديرهم في أخر سنة...

🌐عند أنهار..

أنهار:"جالسة كتقرى في الضوسي وكريم قبالتها" علاش القضية صعيبة لهاد درجة...واش لحد لأن مزال ماقدرنا نعرفو شكون هذا لي كيخزنو عندو المخد*رات والحش*يش...

كريم:هنتي تشوفي،"شاف فيها" لا لقيناه غادي نعرفو حتى العصابة...

أنهار:"شافت فيه ووقفت" على اي اكريم عرس ريم اليوم كيخصني نمشي...

كريم:ااه باركي ليها...

حركت راسها ومشات خرجت وهو يجلس كريم في بلاصتها وحل البيسي كيشوف في سجلات الكاميرا...
وقفت أنهار كتسنى في طاكسي وهي تفكر زكرياء وجبدت تلفونها كتصوني ليه...حتى جاوب...

أنهار:الو..

أسماء:ألو،زكرياء مامسليش،شكون نقول ليه؟

أنهار:على شكون نتي؟

أسماء:انا اسماء خدامة معاه...

شدت أنهار في راسها كفاش خدامة معاه واش لي ضربت مزال عايشة....قطعت وركبت في الطاكسي ماوقفت غير قدام المعرض وهي تنزل بزربة داخلة...وقفت كتشوف فيه واقف معاها وهو شاد شي كتاب في يدو وهي واقفة قدامو...كانت مديرا ليدها فاصمة وجبر وراسها شويا مديرا لو فاصمة صغيرة...سرطت ريقها صدقت عايشة وهي كظنها ماتت...قربت منهم بخطوات بطاء..

انهار:زكرياء..

شافو فيها وهي تشوف في أسماء وشافت فيه،خايفة غير لا تكون عقلت عليها وقالت ليه شي حاجة..طلعتها وهبطتها أسماء...

زكرياء:أنهار "قرب لعندها" جيتي؟

قربت عندو باستو في حنكو وبعدت وبتاسمت بزز وشافت في أسماء...

أنهار:صدعتك؟

زكرياء:أشمن صداع،بالعكس فرحت بشوفتك نتي عارفة كنتوحشك...

أنهار:مسالي؟

زكرياء:اه تعالي "شد يدها وقربو من أسماء لي كتشوف في أنهار" انهار هادي اسماء هي لي مكلفة بشؤؤو المعرض،أسماء هادي أنهار حبيبتي...

أسماء:"مدت يدها لي صحيحة"اهلا...

شافت أنهار في يدها وشافت فيها وتسالمت معاها...

أنهار:تشرفت بك انسة..

بتاسمت أسماء وشافت في زكرياء...

أسماء:ذوقك ولا مميز بزاف اازكرياء،دبا عاد فهمت شكون بطلة روايتك..."طلعتها وهبطتها" ولكن واش متأكد بلي كتلائم الدور...نتا قلتي بلي بطلتك بنت مميزة..

زكرياء:"دور يديه على خصر أنهار" وحتى أنهار مميزة...

شافت فيه أنهار وبتاسمت وحركت عينيها جهة أسماء وخنزرت فيها من لداااخل...تمنات كون ماتت كانت غترتاح منها...بقات أسماء طلع وتهبط في أنهار حتاش انهار كانت لابسة حويج عادية،غير السروال وتريكو وجامعة شعرها مع ميكاب خفيف حتاش ليل كلو وهي خدامة...

زكرياء:صبرو..غنمشي نجيب سوارت ونمشيو...

أنهار:على شكون غادي؟

زكرياء:أسماء حتى هي غتحضر معانا لعرس...

أنهار بحالا كبيتي عليها الماء مگلاصي....مشا زكرياء وهي تشوف في أسماء...قربت منها أسماء وخنزرت...

أسماء:ياك ماكظني غدوزي عليا دكاكة...

أنهار:مافهمتش؟

أسماء:نتي لي ضربتيني بالطنوبيل وهربتي ياك...

أنهار:"هربت عينيها ورجعت يديها لاور لي كيترعدو" كتخيلي ماكنعرفكش اختي...

أسماء:"طلعتها وهبطتها" هاحنا غنشوفو...

زكريلء:نمشيو...

أسماء:وخا يله..

مشاو خارجبن وانهار كدعي في مصيبتها اذن عرفت بلي هي لي ضربتها مي علاش ساكتة وشكون عاونها ديك ليلة حتاش ميراي وقت مشات مالقات والو...

بغات تركب القدام وهي تركب أنهار...قرب زكرياء منها...

زكرياء:حبيبتي مالك؟

أنهار:"شافت فيه" والو احبيبي...

زكرياء:هههه حبيبي اممم؟

أنهار:هههههه طلع وصلني لدار مزال كيخصني ندوش ريم غتسطى بلزابيل...

مشات طلعت وهو يطلع مديماري...وهي طول طريق مخنزرة في أسماء من لاور،كتحلفها فيها...

يتبع...