حارستي الشخصية🗽مكتملة🗽

🗽الجزء 51🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء51:

ريم:خطوبة؟

ضياء:"هز ستيلو كيلعب بيه في يدو" هدري مع بااك،لقااي حل نديرو الخطوبة وشي حاجة بسيطة من بعد..

ريم:بسيطة؟واش كظن شايط عليا راسي،انا بااغا عرس...

شاف فيها ضياء ووقف وهو يكاليها مع البيرو بيديه وقرب منها حتى بعدت هي لاور مخليها غير كتشوف مصدومة....

ضياء:ريم،لا انا مادرت لك حتى حاجة،حتاااش تربينا ما أدوش النساا وماتقوااوش عليهم،هكاك أريم عمرك تلعبي عليا مرة خرى حتاش كنحلف لك غندمك وندامة عمرك...يعني أنا غنسد صفحة لعب لي لعبتيه عليا،تفاهمنا؟

ريم:"هبطت عينيها" درت غير خدمتي ونتا لي على خطأ،واش ترضا بنت تغتاصب عادي؟

ضياء:مزال كتجادليني؟

ريم:"شافت فيه" نتا لي ماكتقبلش بالحقيقة وبلي خديتي الجهة الغلط في القضية...

ضياء:"كيشوف في ملامحها" يعني مزال تغذريني؟

ريم:"هربت عينيها" ماقلتش هكا..

ضياء:هدرت على موضوع ونتي هدرتي على عكسو...ماجبتش سيرة القضية هاديك خدمتي وبعيدة علك...

ريم:"شافت فيه وسط عينيه" وحتى هادي خدمتي...

ضياء:ريم،باش نكون صريح معاك كتر،انا وااحد الراجل عندو نيشان،كذوب ونيفاق ماعنديش معاه،ولي في قلبي على لساني،كنعرف ديريكت،عمرني نكذب علك او نخدعك بشي حاجة،ولا جاا دااك النهاار فيأما بزز مني او هو الحل،ولكن انا هكا،كرااكطير ديالي هكا،نهار خطبت أسمهان كنت واضح معاها مزياان وبلي انا ماشي من نوع كيعيش الحب أو كيهمو،ووضحت ليها بلي زواجي منها على ود الخدمة وقبلت،مابززت عليها والو وماجبرتها على والو...

ريم:وعلاش جبرتيني أنا...شنو درت لك حتى كتبتي كتابك عليا ودمرتي حياتي؟

ضياء::"كيشوف في عينيها" هذا هو عقاابك على لي درتيه فيا،وغنوقف هنا طول مانتي مرجعة عقلك لبلاصتو،وكما قلت طلاق ماكاينش...دبا ختاري،تقبلي بهاد الزواج كيف أي بنت أخرى كتزوج زواج عادي،او رجعو لحرب وكنظن بااك مايفرحش بزواجك مني بلا خبارو..

خرجت ريم عينيها كتشوف فيه..

ريم:الا بابا لا،لا درتيها اضياء الدين عمرني نسمح لك...

ضياء:"بتاسم" اذن؟

دورت عينيها وشافت فيه..

ربم:غنهدر مع بابا ونقول لك صافي؟ولكن واعدني بلي بابا مايسيقش الخبار عفااك،كترجااك مادخلوش فينا...

بقا ضيااء كيشوف فيها وهو يبعد ورجع جلس..

ضياء:ماكندخلش ناس كبار وسط الحروب الا لا طريييت،ماتخافيش "شاف فيها" لا شديتي معايا الطريق حتى انا غنشدو معاك...

ربعت يديها وڜافت قداامها...بقا ضياء كيشوف فيها وبتاسم وشاف قدامو..

ريم:غنمشي دبا..بسلامة..

مشات هزت ساكها وخرجت دغيا وهو حط يدو على خدو ورجع هز تلفونو...

رجعت ريم لخدمتها أما ضياء مشا خرج عندو اجتماع..

🌐عند أنهار

كانت في غرفة تحقيق كريم كيحقق وهي حاطة يدها على خدها سااهية...مافاقت غير على ضرب كريم طاابلة وهي تشوف فيه معصب على المجرم...

انهار:كريم تهدن..

كريم:قالك ماعارفش...على شكون عاارف لي كيبيع الحش*يش قدو..

قربت أنهار من المجرم لي كيشوف فيهم وهي تجلس حداه...

أنهار:غير قول لينا شكون كيعطيكم الحش*يش تبيعوه وغادي نخلوك تمشي..

م:ماعارفش...

بقات أنهار كتشوف فيه وهي توقف شيرت لكريم يدير خدمتو ومشات وقفت جنب وهو يبدا كريم كيضرب فيه...مشات خرجت بعد ماصونا تلفونها وهي تسد الباب على الصدااع..

أنهار:الو..

زكرياء:ضروري نشوفك..

أنهار:دبا؟

زكرياء:"من وراها" لا بغيتي زعما...

دارت أنهار شافت فيه مصدومة وهي مزال حاطة تلفون على وذنها...قرب حيد لها تلفون...

أنهار:أش كدير هنا؟ولات كوميسارية دارك تانية؟

زكرياء:وقت نتوحشك ندير أي حاجة باش نشوفك...

بقات كتشوف فيه حتى تحل الباب وكريم كيهدر...

كريم:أنهار ديري شغلك حتى نتي...

خرجت انهار عينيها في كريم باش يسكت وهو يشوف في زكرياء...

كريم:شكون هذا؟

زكرياء:"مد يدو ليه" أنا زكرياء...

كريم:"سلم عليه" مشرفين ولكن شكون نتا؟

جر زكرياء يدو وشاف في أنهار..

أنهار:واحد من معارفي...كريم تكلف بليز ساعة ورجع..

كريم:كفاش ساعة اانهار،مزال غنمشو لسيكتور،مافعايلش هاد شي ماكانش فك...

مشا كريم معصب...هز زكرياء حاجبو وشاف في أنهار...

أنهار:كما كتشوف مشغولة بزاف،ماتقدرش تخليها من بعد؟بليز؟

زكرياء:غير سيري مانشغلكش كتر...

أنهار:لا كملت بكري نتلقاو أوكي..

حرك راسو بإيماء وهي تمشي خرجت...شاف فيهم مخرجين داك المجرم وجهو زرق بالضرب...مشا خرج وهو يشوف فيهم كيركبو في طنوبيل تاع البوليس وغاادين..

زكرياء:"دوز لسانو على شفايفو" هذا مين خرج ليا حتى هو...

مشا ركب في طنوبيلتو...

يتبع...