حارستي الشخصية🗽مكتملة🗽

🗽الجزء 160🗽

🗽حــــارستـــــي الشخصـــــــية🌾

✍️بقلمــي:أميمـــــة بوكنشــــو

🩸الجــــــزء160:

مشات ريم وضياء لخدمتهم...رجعت ميراي هي وغالي والجد للقصر كتجمع في حويج لاسية والبنت حتاش مزال مطولة بما أنها دارت العملية وما ولدتش طبيعية...كانت خارجة حتى وقفت على صوت الخدامة ..

خدامة:مدام هاد الجوا جا باسمك...

ميراي:هاري نشوف...

حطت الساك وخدات جوا حلتو وهي تجبد كتشوف في الصور...خرجت عينيها ورجعت جمعتهم دغيا وشافت في الخدامة...

ميراي:سيري ..

مشات الخدامة وهي تورك ميراي على الجوا وخنزرت...هزت الساك وركبت في الطنوبيل مع شيفور...
خرج بعدها غالي مشا لخدمة...

🌐في الكنينيك

كانت متكية وناعسة حاسة بذاتها عيانة...حتى تحل الباب وهو يشوف في رجال لي وراه باش يبقاو برا ومشا دخل...شاف في سرير الصغير وهو يقرب وحيد شبكة وهز البنت بين يديه وباس راسها...

سيف:بنتي الحبيبة..

باسها وهو كيشم في ريحتها حتى حلت أسية عينيها وشافت فيه...شاف فيها سيف وهو يحط البنت وقرب باس جبهتها مدة طويلة وحط جبهتو على جبتها وهدر وهي كتشم ريحة شراب في أنفاسو...

سيف:مبروك علينا..

أسية:سيف سمح ليا...

سيف:ششش...من بعد ونهدرو...عندي لك حاجة أهم...

بعد عليها ومشا حل الباب...

سيف:دخلو...

دخلو الرجال وواحد لابس جلابة وهي تشوف فيه باستغراب...جلس ضياء جنبها شاف في العدول...

العدول:سيادي هاكو وقعو...

خدا سيف الكتاب وقع ومدو ليها...شافت فيه وهي توقع ووقف شد لكتاب لشهود وقعو..

العدول:سي سيف مبروك عليكم وتكبر التربية في عزكم ان شاء الله...

سيف:شكرا لك...

شكرهم وجبد خلصهم ومشاو وهو يجلس جنبها وهي شافت فيه...

أسية:لاش هادو؟

سيف:لزواجنا...كان يكون بليل ولكن سبقتو...باش مالقاوش مشكيل في المستقبل...

أسية:سيف شف انا...

سيف:غنسافر...

خرجت أسية عينيها وهو شاف قدامو هربان من عينيها..

سيف:وراق البنت يوجدو بعد زواجنا ومن بعد لا بغيتي نطلقو وتزوجي بيمن مابغيتي...ماجبرك على والو ااسية...يكفي لي جبرتك عليه قبل...

أسية:كفاش غتسافر؟سيف "تقادت في الجلسة كتشوف فيه" وانا؟والبنت؟وحياتي؟

سيف:"شاف فيها" مانخافش علك...بنت زوينة ماكاينش لي يرفضها بسبب ماضي فات...لا مابغيتيش البنت عطيها ليا ربيها مابغيتش شي حاجة توقف قدام حياتك ومستقبلك...

أسية:هكا كيبان لك؟سيف لي وقع ماشي بقصدي والله....ماحسيتش براسي أش كندير...

سيف:أسية...مانجبرك على والو وماتعصبش علك...ختاري وانا ماندخلش كنواعدك...حتى نقاد الوراق لبنوتة عاد نسافر...

بقات أسية كتشوف فيه بعينين مدمعين...هبطت عينيها وهما يحركو عينيهم جهة بكا البنت..وقف سيف هزها وهو يمدها ليها...شافت فيه وشافت في البنت وهي تجبد بزولتها مدتها لبنت كترضع....سرط سيف ريقو وهو كيشوف فيها بهاد المنظر...لعن الوقت والمكان لي تجمعو فيه...تنهد ومشا خرج رادخ الباب وهي طاحت دمعة من عين أسية على خد بنتها وشافت في الباب...

🌐بعد أيام...

دخلت أنهار لمعرض وطلعت نيشان لمكتبو..حلت الباب ودخلت وهو شاف فيها كان كيرسم..حط الشيتا من يدو ووقف بغا يخرج حتى حطت يدها على يدو وهو يشوف فيها وقربت عندو..

أنهار:على الاقل رجع لدارك..شحال تبقى هنا؟

زكرياء:شوفي نتي...

أنهار:شنو ندير باش نرجعو كيف لول؟

بقا زكرياء كيشوف فيها وهو يقرب لها كتر...

زكرياء:تقدري تخلي خدمتك...

خرجت عينيها كتشوف فيه وهو حاضي مع ملامحها...

زكرياء:تقدري تبداي معايا من أول وجديد اانهار...قادرة؟

أنهار:خدمتي؟

زكرياء:اه..خدمتك...

أنهار:نتا عارف شحال مهيمة عندي...شنو ندير من بعد؟واش نبقى جالسة في دار نطيب لك...

زكرياء:كيبان بلي العلاج مزيان امم...بحالا وليت أخر همك...ماشي نتي لي حاولتي تقتلي وحدة على ودي وماهمتك لا خدمة لا غيرها؟

بقات أنهار كتشوف فيه وهي تنزل عينيها...

أنهار:زكرياء..

زكريلء:نعام اانهار...شنو جاتك صعيبة لهاد درجة؟حتى انا جاتني صعيبة نتقبلك تخدمي معاه...هديك رجولتي نخلي واحد باغيك في نفس البيرو...أفضل أنك تختاري يا انا ياخدمتك...

حل الباب خرج وهي هزت عينيها المدمعين وتنهدت..

🌐في للقصر

دخلت أسية هازة البيبي بعد ماخرجت من الكنينيك بعد ماجابتها ميراي وريم...دخلو لصالة وخدا الجد البنت كيبوس ويضحك معاها...حتى دخل سيف ومن وراه غالي وضياء...

سيف:"كيشوف في أسية" كيخصني نمشي دبا...

صفاء:"جيا داخلة" فين اولدي؟

تنهد سيف وشاف في مو وشاف في أسية لي كتشوف فيه...ورك على يدو ونزل راسو ومشا خرج...وقفت دغيا أسية تبعتو وهي كتحاول تلحق عليه حتى شدت يدو وجرتو لجنب ورا الشجرة وهو شاف فيها...

أسية:فين غادي؟

سيف:"بعد عينيه من عليها" بحالي....

أسية:سيف."شاف فيها وهي نزلت راسها" سمح ليا حتاش في لحظة درت هكاك...ماعرفتش كفاش وقع وشفت في سلمان...ولكن انا مابغاش سلمان "شافت فيه"بغاك نتا...

بقا سيف كيشوف فيها وهو يتنهد ودور عينيه جنب...

يتبع...