حارستي الشخصية🗽مكتملة🗽

🗽الجزء 87🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء87:

كان غالي جالس في الجردة حتى وصلوه صور وهو يدخل كيشوف في ميراي خارجة مع سلمان من لاصال وركبت معاه...حط تىفون بالرديخ وحك لحيتو جنب...بعد شويا بانت ليه داخلة وهو يوقف دخل...

دخلت ميراي لقصر كتلعب بالسوارت في يدها حتى لقاتو واقف مربع يديه ومصغر عينيه فيها...سرطت ريقها وهي تقرب عندو..

ميراي:سلام..

غالي:11ليل،11ليل اميراي..

ميراي:والله لا حاولت نرجع بكري طاكسيات لي ماكانوش...

بقا غالي كيشوف فيها وهو يطلع بالزربة...تنهدت ومشات تبعاه بالجرى...دخلت لعندو وشافتو واقف في البالكو،حطت الساك جنب وقربت عندو..

ميراي:غالي..

غالي:"عطيها بالضهر وشاد في حديدات البالكو متكي" ميراي،لا مافاهماش،كيخصك تفهمي بلي حنا مزوجين دبا..."شاف فيها" تخرجي ودخلي وقت بغيتي لا...

ميراي:كنت مشغولة بزاف والله ماديرش من الحبة قبة..

غالي:"قرب وقف قبالتها" ميساج واحد ماقدرتي تصرديه...نهار كلو مشغولة...واش كتفكري فيا شويا...

ميراي:أش دخلنا لهاد شي...

غالي:لا دخلنا،البارح كان زواجنا،كتبنا كتابنا اميراي ونتي شنو درتي،مسيفطاني لبيت وحدة خرى،بيت ضرتك باش نعس معاها...واش رخيص علك لهاد درجة...

ميراي:اغالي قلت لك كنت مشغولة ولا على ايملي واش كتسنى مني خيرك بيناتنا...

غالي:لا الالة،انا لي حمق،مني الالة نتي غتسيفطيني عندها وديري بحالا ماجامعنا والو،علاش مزوجين امم،نمشي عندها هي حسن على أقل غتقدرني وتعرف لراحتي حسن منك...هي كطلب غير نظرة مني وانا هنا كنحاول نحارب على ود علاقتنا ونتي مامعبرانيش...

ضربتو ميراي لحنكو بشويا بسرعة بلاهواها وهي تبعد يديها لي كيترعدو...بقا غالي كيشوف فيها وهو يشدها من درعيها بقوة مقربها...

غالي:كنبغيك،كنبغيك بجنون اميراي،مستعد نحرق لعالم ولكن تعامليني هكا لا،لي كنعيشو فيه الكفاية...

ميراي:لي كتعيشو؟وانا؟"دفعتو وعينيها مدمعين" وانا لي نزلت من كرامتي ومبادئي على ودك واش ماشايفش هاد شي؟ماشفتيش كاع تنازلات لي درت...عشت حياتي كنكره سيرة الضرات،على ودك اغالي تخليت على شخصيتي وتزوجتك وصابرة على مرتك وجدك..

غالي:"عينيه حمرين ومكشكش" لا غير نتي لي كديري،غير نتي لي كتحاربي وتنازلي...على شكون سباب نهار لول حتى تزوجت بايملي،ياك نتي سباب،كون نهار لول شديتي في يدي مانوصلوش لهنا،واقف في وجه جدي وعائلتي على ودك،جدي لي عمرني هزيت فيه العين انا وليت كنهز صوتي عليه على قبلك نتي..واش نتسطا ولا نموت غير قولو ليا نتوما،كل واحد كيجيني من جهة وكترجعو لومة عليا،لا نتي الالة تنازلتي وفراك ماتنازلتيش فابور،وليتي مراتي وواخدة اسمي حتاش نتي قلتي مابغاش تكوني مجرد عشيقة،كندير لي في أرض ولي في السما باش نكون معاك ونتي كديري غير لي في راسك...واش حسيتي بيا،حسيتي بكاع لي عشتو...بعد مانعرف خويا قتل واليديا،وختي لي يله لقيتها ومافرحت حتى بشوفتها ولا عطيتها وقت وانا كنهتم بك غير نتي،ومرااا ماكنحملش فيها الشعراا ولات مراتي وهازة ولدي في كرشها،تحطت فوق كتافي مسؤولية العائلة والشركة...واش مافي قلبكمش الرحمة،رااني حتى انا دم ولحم كنحس وكنعيا وكنتألم،حاجة وحدة،حاجة وحدة لي طلبت ابنت الناس شنو هي،هي أني باغي نعيش معاك ونأسس حياتي معاك،ولكن نتي مامعبرانيش،مامهتماش بيا كااع...