حارستي الشخصية🗽مكتملة🗽

🗽الجزء 36🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 36:

وقفو بطنوبيل وطنوبيلت لكارد جوج ورااهم...نزل غالي كيشوف في طنوبيلتها وهما يقربو وضياء بقا واقف مربع يديه ومتكي على الطنوبيل ماقربش...

كانو البنات في أرض جالسين ومشعلين العافية في أرض بالعواد...كانت ميراي جالسة في أرض وقرعة العصير في يدها وحتى أنهار نفس شي من غير ريم لي جالسة ساهية...ضربو بنات قراعي بعضياتهم كنخب وشربو...

أنهار:توحشت نشرب معاكم ههههه....

بتاسمت ميراي وحطت القرعة جنب..حتى وقفو عليهم...

زكرياء:أسبحان الله أشريفاات..

هزو عينيهم فيهم مستغربين من غير ميراي لي كتشوف في غالي نظرات شكل وهو نفس شي مدير يديه في جيوب القبية...

ميراي:جلسو...

شاف زكرياء في أنهار وشاف في ارض..

زكرياء:في أرض؟

أنهار:هههه ولد الفشوش كيخاف يتوسخو حويجو..

تنهد زكرياء وهو يجلس في أرض جنبها...بتاسمت ميراي بسخرية ونزلت عينيها وخدات قرعة كتشرب وهو يهز غالي حاجبو...

غالي:كتشربو؟

أنهار:"هزت القرعة" غير عصير...

ريم:هو جيتو بوحدكم؟

ضياء:كتسنايني؟

شافت فيه ريم مخرجة عينيها حتى قرب وقف عليها وهي هازة راسها فيه وحالة فمها...

ميراي:النسيب جا؟"بسخرية" عندكم داك شي استتنائي عرفتك اليوم وتزوجتك البارح...

أنهار:جلسو...حنا محتافلين اليوم...

زكرياء:باش؟

أنهار:"شافت فيه وبتاسمت" دازت على صحبتها 7سنين..بهاد اليوم حنا تعرفنا مع بعضياتنا..

بتاسمو بنات بثلاثة وشافو في بعضياتهم...وتفكرو أول لقاء بناتهم...

🔙فلاش بـــاك...

كانت جالسة شادة تلفونها كتصور..حتى تحط العصير قدامها...

أنهار:مرسي..

ميراي:بصحة..

شافت فيها أنهار مبتاسمة وهي تحل عينيها مصدومة من جمال ميراي لي تمت غادة بحالها كانت لابسة لبس تاع نادلين...خدات كتشرب في العصير...

تمت داخلة مع القهوة رباعة تاع البناات منهم كانت ريم لي غير جارينها...دخلو كيضحكو وجلسو وريم ماحملاش وضع...

بنت:ههه بنات اليوم ريم تخلص علينا "وركت على دراع ريم" ياك اريم..

حركت ريم راسها دغيا بأه خايفة منهم...شيرو لميراي لي جات كتاخد طلبهم ووقفت على ريم...

ريم:"بخوف وتور" انا عص ير..

ميراي:اوكي...بغات تمشي حتى شافت في يد ريم لي زرقة..قالت مجرد سوء فهم ومشات جابت ليهم طلبهم وتمت جيا تحطو حتى شافت في وحدة حاطة يدها على يد ريم موركة عليها وريم كتقلب في بزطامها بالخوف...حتى جبت الفلوس وهما يخطفوهم من يدها...

بنت:اووه ريم لباس علك اه...

ريم:لا عفاك هاد الفلوس مهيمين عندي...

بنت:هههه قالك مهيمين"كولشي ضحك" صافي ولاو ديولنا...

ريم:والخلاص؟

بنت:حكي جيبك ازين وخلصي...

شافت ريم في بزطامها لي خاوي وهي تحط ميراي عاصير بالرديخ وشافت في البنت...دارت جيهتها وهي تشد يدها لواتها ليها وجبدت الفلوس من جيبها مدتهم لريم لي خداتهم مصدومة...

ميراي:تقوااي على الولياات لا مامعناش...

دفعتها حتى تقلبت الطابلة عليها مكبوبين دوك العواصر عليها...نادو البنات دارو بميراي لي كتشوف فيهم...يله يتلاحو عليها حتى هدرت أنهار..

أنهار:ألو بوليس...بغيت بلغ بحالة اختطاف وتعطي واحد البنات كانو كيهددو في واحد البنت...عفاكم في قهوة**...

بنات غير سمعو البوليس عطاو رجليهم رييح...قربت ميراي كتقاد في الطاابلة وهي تقرب منها ريم...

ريم:شكرا...

ميراي:هانية...

أنهار:"قربت منهم" ماتكونيش ضعيفة انا شفت لي وقع...دائما رجعي ضربتك...

ريم:شكرا ليكم بزااف...انا ريم ونتوما؟

أنهار:أنهار..

ميراي:ميراي...

ريم:ميراي شكرا وحتى نتي اانهار...ميراي "مدت ليها 200درهم" هدو لكيسان لي تهرسو...

خداتها ميراي وبتاسمت ليها...

♾️النهاية...

يتبع...