حارستي الشخصية🗽مكتملة🗽

🗽الجزء 28🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 28:

كان واقف في الحديقة الخلفية ومقادين ليه قراعي الزاج فوق الطبالي وسلاح قدامو مع العمارة...هز سلاح كيعمر فيه حتى جات من وراه عنقتو...

ايملي:شيغي...

خنزر وهو يجرها عندو وحط سلاح في فمها...

غالي:شنو رأيك نقتلك؟

ايملي:"بعدت السلاح" ماتقدرش حتاش حاملة بولدك.."شدت يدو حطتو على كرشها المنفوخة"

شاف فيها مكزز وهو يجر يدو وقرب منها وشدها من عنقها خانقها...

غالي:اوا حمدي الله بلي حاملة...كنت نقتلك بيديا عا*هرة الخلا...

دفعها وهو مخنزر...خنزرت فيه ايملي وهي تشوف في ميراي لي جيا..قاد غالي سلاح ويله يصوب جهة قراعي الزاج حتى قربت منو ايملي باستو في فمو...عقد حجبانو مافاهم والو حتى دور عينيه كيشوف في ميراي واقفة...خرج عينيه وبعد ايملي بشويا ولباقة متحكم في نفسو...بقا كيشوف في ميراي مصدوم...صدمت لبس ميراي..بقا حال فمو فيها وبهاد أنثى...فين حويجها مرجلين وتخنزيرتها...شاف في ميكاب وروج لي مديرا وهو يبلل شفايفو وهبط مع جسمها حتى لفحادها وسيقانها البيضين..رجع شاف فيها وهو يحرك عينيه جهة ايملي وخنزر فيها تخنزيرة الموت...قرب منها...

غالي:غبري وجهك قبل ماقتلك...

بتاسمت ايملي بحرقة ومشات...دازت من حدا ميراي لي كتخنزر...بقات ميراي متبعة ليها العين حتى رجعت حركتهم جيهتو وقت هدر...

غالي:فين ميراي؟ياك مابقات ناعسة اليوم...

شافت فيه وقربت عندو ودارت يديها ورا ضهرها وهي كتهدر مخنزرة...

ميراي:يمكن...

بتاسم وهز سلاح وجهو لجهة زاج وهو يطلق رصاصة...بقات ميراي واقفة وهو كيشوف فيها بنص عين...

غالي:شنو واقع اليوم مأنقة..."طلق رصاصة" على قبل شكون؟

شافت فيه وهي تبتاسم...

ميراي:ماشي ضروري تعرف..

طلق رصاصة وورك على سنانو من لدااخل وهز كيعمر في السلاح...

ميراي:معصب؟

شاف فيها وشاف قدامو طلق رصاصة وهو يحط سلاح وخشا يديه في جيوب سروال وقرب منها...

غالي:نتي خدمتي معايا نهار لول بدوك الحويج وكيخصك تبقاي بيهم...ماتزيديش من راسك...

شافت فيه وهو يمشي غادي...وركت على شفايفها مخنزرة...شافت في حويجها ومشات تبعتو...وقفت جنبو وهو داخل لقصر...

ميراي:في خبارك بلي مامصينياش على عقد كيقول تتحكم في لبسي ياك...

وقف غالي وشاف فيها...وملامحو ممحية كتخفي نارو...