حارستي الشخصية🗽مكتملة🗽

🗽الجزء 156🗽

🗽حــــارستـــــي الشخصـــــــية🌾

✍️بقلمــي:أميمـــــة بوكنشــــو

🩸الجــــــزء 156:

دخلت أنهار وطلعت بجرى لبيت...حلتو وهي تصدم بفاليزات قدام الباب...شافت فيه خارج بالفاليزة تانية وهو يوقف..

أنهار:فين غادي؟

زكرياء:ماشي انا لي فين غادي...نتي لي غتمشي...جمعي حويجك ورجعي لداركم...

أنهار:"عينيها دمعو" كفاش شنو نفهم؟

زكرياء:بااين الميساج...ياك باغا طلاق...انا غنطلقكك وسيري عند سييك كريم وعيشي معاه الحب...حتااش مابقيتش معمر لك العين...هزي حويجك وسيري بحالك..مني نرجع مالقاكش..

مشا يخرج حتى هدرت...

أنهار:مانمشي فين...كما جبتيني من دارنا غترجعني لدارنا..."وقفت قدامو" رجع شرفي...رجع ليالي لي دوزناهم...رجع قلبي...رجعني بيديك كما جبتيني بيديك...

قرب منها زكرياء مخنزر..

زكرياء:لي عجبك...

مشا حل الباب وردخو من وراه مخليها متبعة لو العين...

نزل زكرياء وهو يوقف غالي شدو من دراعو موقفو..

غالي:أش واقع...

شاف فيه زكرياء وشاف قدامو وهو يدخل ضياء كيهدر في التلفون...ودخلت من وراه ريم غير شافتو قربت عندو بجرى...

ريم:ضياء واش يله جيتي؟

شاف فيها ضياء وماعبرهاش مشا طالع وهي شافت في دراري ومشات تبعتو...جر زكرياء يدو وخرج...

غالي:هادو مالهم كلهم ليوم...

طلعو عند ضياء لي دخل البيت وهو يوقف كيشوف في البيت مقااد وطابلة ديال الماكلة محطوطة ومقادة بشموع والورد...دخلت ريم وهي تبتاسم وقربت منو...

ريم:هذا على قبل البارح...سمح ليا حتااش تعطلت علك.."شاف فيها" وعفااك اضياء الدين والله ماقصدت...تعالى...

جرتو من يدو وجلستو وضارت جلست مقابلة معاه...

ريم:شنو رأيك؟عونتني اسية وميراي...

ضياء:اممم...

ريم:وكول تكون مزال بلا عشا...

هزت هي الفرشيط وموس كتاكل وهي تمد ليه فرشيط فيها الماكلة جيهتو وهو يقرب كلا وكيشوف فيها....كيتسناها تقول ليه غير كلمة وحدة...هز الفرشيط كياكل منزل راسو...

ريم:ضياء شنو بان لك اخر هاد كونجي نمشو لشي بلاصة اممم؟

ضياء:"شاف فيها" جيتي بوحدك؟

بقات كتشوف فيه وهي تنزل عينيها كتفكر في كلام محمد كمال ليها وقت كانو جيين...

«محمد كمال:جدي قرر زواجنا...ونتي عارفة بلي مكانة جدي كبيرة في تركيا...هكاك أفضل نصيحة نعطيها لك طلقي من رااجلك بهدوء حتاش غادي ينوض غير الصداع...»

ريم:"مزال منزلة عينيها" جيت في طاكسي...

بقا ضياء كيشوف فيها...حط الفرشيط وتكا بضهرو على الكرسي...

ضياء:مأكدة؟

ريم:احمم اممم..

بان عليها التوتر والخوف وخاصة هي ماكتعرفش تكذب...تنهد ضياء وناد وقف وهي تشوف فيه..

ضياء: غندوش...وقت نخرج لقاك جمعتي هاد الروينة...

لاح عليها هاد الكلام ومشا دخل لدوش...بقات ريم غير كنشوف كفاش رجع باارد كيف نهار تعرفت عليه...بحالا مابدلت فيه والو...

🌐مـكـان أخـر

كانت جالسة في طنوبيل وهي شادة الصور لي خرجتهم فيهم هي وغالي وبوضعيات كتيرة ومنهم وضعيات مختلة بالحشم...هاهما عريانين هاهما كيمارسو وبزاف...دارتهم في جوا وبتاسمت بشر..

مارسي:خلينا نشوفو أشمن حب هذا...غالي مزال كيبغيني انا متأكدة...

تحركت بالطنوبيل من المكان...

🌐عند سيف...

دق في الباب وهو يدخل لمكتب...

الجد:دخل..

دخل وهو يشوف فيه وقرب جلس...

سيف:بغيتيني؟

الجد:اييه...راه العدول جااي غذا على قبل زواجك من
عاليا.....نديرو حفلة صغيرة وبعد ماتولد نديرو العرس لا بغيتو لا سولو الناس قولو يله كنتي مسالي...

سيف:وخا.

الجد:كيخصك دير عقلك اسيف...المرة جيا انا ماندخلش...

سيف:وخا اجدي..

الجد:نود ترتاح غذا يجي العدول حتال ليل...

حرك سيف راسو ومشا خرج...بتاسم وهو يمشي قاصد بيتها حتى وقف قبل مايدخل وهو حال فوهة الباب كيسمع في كلامها..

أسية:شكرا لك اسلمان حتاش اليوم بقيتي معايا وشريتي ليا الحويج وعرضتي عليا الغذا...سمح ليا بزاف حتاج عذبتك معايا..

ورك سيف على ساقطة وهو يطلق منها ماحاملش يزيد يسمع شي كلمة من فمها...ورك على عينيه بقوة وهو يرجع بخطواتو لبيتو...

يتبع...