حارستي الشخصية🗽مكتملة🗽

🗽الجزء 76🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 76:

منصف:تكمشي لأرض،نتي خصهم يحبسو علك مريضة في مخك...

أنهار:بربيي وشي حد يضربو مزال حتى نقتلك ونشرب من دمك..

منصف:هههههه كنت كنسمع بلي الحب ماعندوش حدود،ولكن اليوم وليت كنشوف نااس كيمرضو بيه ههههه،شتي ازكرياء عطاك الله وحدة مريضة بك...ههههه اخخخ حتى الحب ولاو نااس يتعالجو منو..

أنهار:سكتتتت..

منصف:شنو دبا نقولها ليه اممم..."حك جبهتو بسلاح وشاف في الغالي" لا بلاتي رجعو لك نتي من بعد...سي غالي مزال ماقلتي ليا شكون باغي نقتل،وطللقني خلاص...هنتا باش تعرف بلي عزيز عليا ومزال الدم جامع بناتنا شووف،أش رأيك نقتل حبيبة القلب "حط سلاح على راس ميراي" ووقت نقتلها ديها ودي ختك معاك اممم..ونعطك مهلة خرى وقت تكمل جنازتها تعالو دو وحدة خرى تاني وديرو جنازتها...شفتو شحال قلبي كبير...

غالي:ماغنختار حتى وحدة حتاش ماغتأدي حتى وحدة منهم..

منصف:هههههه قالك ماغنأديش،وشحال تقتك في نفسك كبيرة...

غالي:منصف...طلق من البنات ها أنا قدامك قتلني...

منصف:غنحسب حتال 10،يا إما تختار وحدة منهم او غنقتلهم بزوج دقة وحدة...

غالي:منننصفففف...

منصف:ختار الغالي،حبيبتك ولا ختك لي سنين ونتا كتقلب عليها...ختاااار الغالي شكون بااغي ترجعها معااك...1،2،3...

شافت ميراي في غالي وهو كيشوف فيهم،تحط في موقف صعيب،ختو لي مزال حتى ماعنقها مرة وحدة وبنت لي كيبغيها،شكون غيختار بيناتهم،حط يدو على قلبو ويد في أرض ونزل راسو كيرجع النفس...بقات ميراي كتشوف فيه،عارفة تحط في موقف صعيب ومايعرف كيفاش يختار...شافت في أسية لي غير مصدومة مسكينة بالحقائق لي كتسمع وطاحو دموعها...شافت ميراي في غالي لي هز راسو شاف فيها وعينيه كانو محجرين بالدموع...حرك غالي عينيه جهة منصف,8...شاف غالي في لكارد لي فوق راسو هاز سلاح وهي تخرج ميراي عينيها...وقف غالي دغيا شد سلاح لكارد وجهو لقلبو وهي توقف ميراي دغيا شدت يد منصف جيهتها وووركت على صبعو...حتى تسمععع صوت الرصاص خرج وكولشي مصدوم..شكون ضرب فيهم وشكوون لي طلقت الرصاصة من سلاحو...خرج منصف عينيه وهو كيشوف فيها...
حرك غالي راسو ببطأ جهتهم وهو مخرج عينيه...حتى طاحت في أرض على وقفتها وهي حاطة يدها على كرشها لي دايز منها الدم...بداو شفايفو كيرجفو وهو مخرج عينيه...عرفتو غادي يضحي براسو قبل مايختار وحدة منهم وهي ضحت براسها قبل منو...هز عينيه جهة منصف بعينين حمرين عامرين دموع....ورك سيف على جهاز باش يدخلو رجالو ووقف هز سلاح من أرض كيضرب في لكارد...هز غالي سلاح ووجهو جهة منصف وهو يشوف فيه منصف ووجه سلاحو جيهتو...