🗽حــــارستـــــي الشخصـــــــي🌾
✍️بقلمــي:أميمـــــة بوكنشــــو
🩸الجــــــزء58:
ريم:ميراي بطبع هههه،"شافت فيه" ديك البنت شي حاجة هاربة والله،شخصيتها قوية بزااف لدرجة تقدر تهز تقل ومشاكيل الدنيا كلها وتصبر وتعض فيه وماتخرجش صوتها،بنت زوينة وذكية وحتى "بتاسمت" قوية،هي من النوع لي فيما مشا كيخلي لمستو وهكا كانت عليا وقويت شخصيتي مع الوقت...
ضياء:وعارفاها كتبغي غالي؟
شافت فيه ريم عرفتو عارف..تنهدت وهزت كاس الماء شربت ورجعت شافت فيه...
ريم:عارفة...بلي ميراي بغات غالي وبلي طايحة فيه شحال هذا...وعارفة بلي حتى هو كيبغيها...ولكن كفاش كظن علاقتهم غتكون؟هو مزوج وغيولي أب عن قريب شنو يوقع في لخر ليها...في لخر يمل منها ويرجع لمت ولدو...ماكنظنش بلي يقدرو يكملو مع بعضياتهم...
ضياء:انا عكسك....كنقول غيكملو...
شافت فيه ريم وبتاسمت..ولات تيق بوجهات نظرو...بطبع ماالبنت ولات معجبة بذكائو...وتبدلت كاع نظرتها عليه...
🌐عند ميراي...
وقفت كدور عينيها في اللاصال حتى جاات عندها مستضيفة...
م:وي؟
ميراي:"شافت فيها" عفاك بغيت نشوف المدير...
م:دقيقة عفاك.."طلعتها وهبطتها عاد مشات"...
تنهدت ميراي ودورت عينيها في اللاصال كانت كبيرة وزوينة ونقية وكلاص...تقدمت لقدام كتشوف فيها عاامرة بالناس...بتاسمت توحشت تلعب وتعيش وسط هاد الأجواء حتى سمعت صوت رجولي من لاور..
...:وي؟
دارت ميراي شافت فيه وهي تقرب عندو ومدت يدها وحتى هو سلم عليها...كان شخص في اواخر عشرينات وحروفو بلدين وكحلين وزوين...
ميراي:انا ميراي يازين،سمعت بغيتو مدرب...
...:وي، نتي؟
ميراي:لا حبيتي...
...:عندك شي شواهد او ديبلوم؟
ميراي:لا،ولكن كنعرف مزيان في هاد العالم...
...:مافهمتش؟
ميراي:كنت مصارعة قبل...وانا كنعرف كتر في هاد الميدان..
...:"طلعها وهبطها بسخرية" نتي كنتي مصارعة؟
ميراي:"خنزرت" ماتحكمش على الكتاب من غلافو...ممكن محتوااه يصدمك...
...:ماكرهتش نشوف هاد المحتوى...جي غذا غندير معاك مقابلة وغتقرر واش نتي بصح عارفة في هاد المجال او لا...
ميراي:وخا...معاش؟
....:وقت حبت أنسة تفيق مرحبا مازربانينش...
أنت تقرأ
حارستي الشخصية🗽مكتملة🗽
Romance💎مكتملة💎 قصةبعنوان: #حارستــــــي_الشخصيــــــة🗽 🩸تقديـــــــــــــــــــم: تغيــرت..؟!!!! ومــن فينــا لــم يتغيَّــر ! الظُــروف تغيرنـــا ، فـــراق الأصدقــاء يغيرنــا ، مــوت شخــص عــزيز ع...
