حارستي الشخصية🗽مكتملة🗽

🗽الجزء 141🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء141:

شافتهم مخرجينها ومديرين ليها المينوط وهي تبتاسم ونزلت من الطنوبيل،مشات طلعت لعمارة ودخلت لدار كتشوف فيهم قالبينها صفاها على علاها..

كريم:اخيرا جيتي..

أنهار:شنو واقع؟

كريم:تهمة تجارة في المخدر*ات،لقيناها خزناهم..

انهار:ااه،واش كملتو نعاونكم؟

كريم:لا صافي كيجمعو في أدلة يله نمشيو حنا...

حركت راسها عطاتو بالضهر خارجة وبتاسمت وهدرت في خاطرها...

أنهار:سي سهيل،عتق راسك دبا هههه..

بتاسمت حابسة ضحكتها ومشاو...

🌐في القصر..

دخل سهيل راجع لقصر بطنوبيلتو حتى تلاقت لو قدام الباب...

اسية:سهيل بغيت نهدر معاك..

شاف فيها وهي تمشي جهة الجردة وهو تبعها مستغرب،شافتو هاز التلفون وهي توقف قبالتو...

أسية:سهيل،علاش كدير فينا هكا؟

سهيل:شنو كندير متلا الغزالة،"خنزر" بركا من التبوهيل،مايكدوززوش عليا هاد الحركات..

أسية:نتا..

شافت في الحصان لي جاي جيهتهم كيجري وهي تلاح على سهيل طايحين في أرض وتهز الحاص من فوق منهم وهي بقات معنقاه..

سهيل:بعدي،ياهاد الحمقة بعدي ..

أسية:هيء هيء انا كنخاف من أحصنة عندي فوبيا ماقدراش فتح عينيا...

حلت عينيها بشويا كتشوف في التلفون طايح وهو بغا يبعدها ولكن لصقت كتبكي...

اسية:هيء هيء..

سيف:شنو واقع هنا..

اسية:هيء هيء كان الحصان يضربنا..

سيف:تو تو تو بقيتي فيا،سهيل مرتك كتبكي ونتا غير كتشوف،اووف منك،مسكينة يكون طاح ليها الجنين بالبكا هز مرتك دخلها،"ربع يديه" او لا ياكما غير كضحكو علينا...

سهيل:هاد الكلام ماكاينش...اسية تعالي..

هزها بين يديه ووقف مدخلها مخلي تلفونو وهو يهز دغيا سيف ومشا ورا الشجرة وجبد الشريحة حيد الكاميموار وركبها في بلاصتها وهو يشوفو خارج راجع واحد بحالو ماينسا والو...سد التلفون ورجع بالزربة لبلاصة قد قد مع سهيل...

سهيل:حيد من قدامي..

سيف:"بغا يراوغو" نتا مبزز على اسية الزواج ياك..

سهيل:شاف فيه" ومن بعد،اش غدير كاع...حيد..

دفعو وهو يشوف في تلفونو في أرض وهزو ومشا راجع داخل...بتاسم سيف وهو يطرطق ذرعيه...

سيف:اليوم غتعرف اش غندير..

حط سيف كيت في وذنو كيسمع في كلامو وهو جالس قدام البيسي حتى دخلت عندو وسدت الباب مسورتاه...

اسية:واش مزيان؟

حرك عينيه وخلا مسجلة خدامة وحيد الكيت وناد وقف...

سيف:غندمو،كون ماكان ضروري هاد شي،مانسمحش لك تكوني بين يديه..

اسية:حنا ماشي في هاد شي،حنا في سهيل،هو ناوي يأدينا ويأدي ميراي وغالي،كيخصنا لقاو معاه حل اما انا ماشي مشكيل...

سيف:كفاش ماشي مشكيل،اسية نتي حاملة...كفاش ماشي مشكيل...

اسية:"شافت فيه" دبا وليت اسية،شنو كيعني هاد شي..

سبف:"قرب منها شادها من درعيها جارها عندو" اني باغيك...باغيك ليا..

أسية:حتى اعترفاتك ماواضحينش بحالك...

بعدت يديه وبغات تخرج وهو يوقفها بكلامو.

سيف:هو كيخطط يقتلني،"بتاسم" حتى واحد مايوقف جنبي..

أسية:"شافت فيه مصدومة" كفاش؟نتا بوليسي كفاش حتى واحد ماجنبك...

سيف:انا ماجيتش ورفضت هاد القضية،هاد شي فيه السياسة،وخا نشد سهيل غيخرج بساهل،حتاش باه غيخرجو،وانا ممكن يقتلوني وغطمس القضية كيف العادة،شحال منهم شدو هاد القضية...أسية "قرب حط يديه على درعيها" كيخصني نتعشا بيه قبل مايفطر بيا،لا هو ناوي غذا يصفيها ليا انا كيخصني ليلة نصيفها ليه،هو مايتعطلش ناوي على هاد الحرب من مدة وعارف اش كيدير،بغيتك وخا يوقع لي وقع،"بتاسم" تعيشي نتي وولدنا على خير...

بقات أسية كتشوف فيه بعينين مدمعين وهي تبعد ومشات خرجت كتبكي،تصادفت مع الغالي وهي تحرك راسها يمين ويسار ومشات دخلت لبيتها بالجرى متخطياه...بقا غالي واقف كيشوف في باب بيت سيف وشاف في بيتها وتنهد... جبد تلفونو ودار كيشوف في الطبقة التحانية..

غالي:شنو درتو،مزال ماوصلتو لوالو...

ش:وصلنا اسيدي يله لقيتيني نصوني لك،عندي مجموعة ديال الوتائق بين يديها كيتبتو بزاف حويج على وزير داخلية وكفاش معاون مع مافيات تاع الهجرة غير الشرعية وشحال من حاجة خرى...

غالي:وولدو؟

ش:سهيل من صعيب لقاو شي حاجة،مزال بحتنا جاري في ماليزيا مي الوضع صعيب...

غالي:رسل الوتائق على باه بأقصى سرعة...

قطع عليه وهو يحرك راسو كيتحلفها في سهيل ورجع نزل...
دخل وجلس حدا ميراي لي جالسة كتشوف في ملاك ناعسة وهي ساهية حتى حط يدو على كتفها وهي تشوف فيه...

ميراي:قلتي غتجيب شي حاجة...

غالي:ماشي مهيم...

ميراي:واش هداك يبقى علينا خيطي بيطي...

غالي:ماتخافيش،حنا عائلة النصيري تعلمنا،لي يبغي يفطر بينا كنتعشاو بيه ونتسحرو بيه،عمرو قصار وغادي يعرف معامن كيلعب...

ميراي:غالي ماكتخططتش لشي حاجة؟

غالي:ماشي شي خطة،ولكن لا بغينا نطيحو سهيل كيخصنا نطيحو باه..

يتبع...