حارستي الشخصية🗽مكتملة🗽

🗽الجزء 5🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 5:

اسية:ماما هاحنا جينا...

دخلو لكوزينة وفاطنة سلمت على مليكة وميراي...

معاد:غنمشي نتفرج...

مشا معاد وهي تشوف ميراي في اسية لي لابسة قفطان بالذهبي...

أسية:كي جيت؟

ميراي:كتخلعي...

اسية:يخخخ...

ميراي:واليدة انا برا ورجع...

مشات خرجت وطلعت في الطاكسي وجبدت الكارو كتكمي ..

اسية:هادي غتكون مشات لطاكسي عاود؟

خنزرت مليكة في اسية لي قلبت عينيها ومشات كتمختر عاجبها الحال...

كانت جالسة ومتكية براسها على كوسان اللاور وكل شويا كتنتر من الكارو حتى كوقف طاكسي قدامها....مع كانت مغمضة عينيها ماشافتهمش...حتى كتسمع الباب تسد وهي تحل عينيها شافت في النااس لي جيين يخطبو اسيةوهي طفي كاارو بزربة كتولول في خااطرها حتاش شافوها...دغيا نزولت وهما واقفين عبارة عن شااب وأب وأم مزال شادين في ريوسهم...الأم كانت كطلع وتنزل في ميراي وتخنزر...

ميراي:مرحبا بيكم..."مشات كدق في الباب"...مييي ضياف وصلوو...

شافت الأم في شااب لي منزل راااسو...حتى خرجت مليكة ومعاد وهما مبتاسمين،خنزر معاد في ميراي ونزلو كيسلمو على الناس...

مليكة:مرحبا وألف مرحبا تعالو دخلو...

مشاو دخلو وهي تنهد ميراي...

ميراي:ياربي لما سهللل...

مشات دخلت وحيدت طاگية وهي تدخل لصالون..جلست والأم تاع شاب ساكتة ومخنزرة...

مليكة:مرحبا بيكم...

الأم:اممم...

شبكت يديها كدور راسها في الداار...

مليكة:انا نغوت لعروسة...اسية اسية تعالي ابنتي...

دخلت اسبة حادرة رااسها وهي تشوف فيهم،رجل عجبتو البنت ولكن الأم ماشافتش فيها...

مليكة:سلمي على خالتك بنتي...

قربت اسية بغات تسلم حتى وقفت الأم...

الأم:لا ماكاين لاش...

شاب:واليدة مالك؟

الأم:كفاش مالي،واش نسيتي شفنا ختها كتكمي براا،قلنا كتسوق الطاكسي قلنا مافيها باس ولكن باش تكمي لا،معامن شفناك معامن شبهناك ولا ختها الكبيرة كتكمي فأش بقى لصغيرة..انا ماراضياش على هاد الزواج،ونبينا عليه السلام...

شافت في ولدها جرتو ومشاو خرجو خلاوهم غير كيشوفو...خنزرت اسية في ميراي لي جالسة كتشوف...

اسية:عجبككك الحااال دباااا،بسبابك غنبقة عزبة طول حياتي،بزز شي حد قبل يتزوجني وخا عرفوك كتسولي طاكسي ودبا كتكمي،حشوما عللك...

ميراي:"وقفت" انا مادرت والو...

اسية:سمعي،لا كنت عزيزة عللك خلي هاد الخدمة ولا نساي عندك أخت...

مشات اسية طلعت لبيتها وهو يخنزر معاد...

معاد:انا بعدا ماعندي مانقول لك اختي،الله يهديك وصاافي...فاطنة يله بحالنا هاد دار ولات كتخنق...

مشا خرج وهي تهز فاطنة ساكها...

فاطنة:بسلامة عليكم...

مشاو خرجو وهي تجلس ميراي...تنهدت مليكة وجلست حداها...

مليكة:ماديريش في راسك المكتاب،اصلا بان على وجهو ولد مو...

بتاسمت ميراي على كلمة ولد مو وهي تجرها مليكة معنقاها...

مليكة:يرضي علك مايبقاش فك الحال يجي ماحسن منو...

ميراي:عيت اماما،شنو فيها لا سقت الطااكسي واش حراام ترزق الله...

مليكة:"كدوز يدها على ضهرها بحنان" ماحراامش ابنتي...

ميراي:"مسحت دمعة يتيمة من عينها دغيا وبعدت على مها" غنمشي دبا كيخصني نعطي طاكسي لنوبة...

مليكة:صافي سيري ابنتي وماتعطليش...

وقفت ميراي وهزت طاگيتها دارتها ومشات دات االطاكسي لمولاه...

مول طاكسي:اوا كاين شي "زعما الفلوس"...

ميراي:تسنا...

خشات يدبها في جيوبها مالقاتش 200درهم ديالو،بدات كتقلب حتى لقات واحد 100درهم لي بقات في جيبها...مدتها ليه...

ميراي:هكا...

خداها مول طاكسي وهو يشوف فيها...

مول طاكسي:اش هاد شي بنتي،هادي نادير حتى ليسانس...

ميراي:غير سمح ليا خديت من الفلوس على قبل خطبة ختي صغيرة...ولكن رجعهم للك والله...

مول طاكسي:مني هكا ماشي مشكل...

ميراي:الله يعون...

مشات غادة حتى باش تاخد طاكسي وترحع مابقاش عندها...غادة وليل طاايح وشوارع ماوية كولشي دااخل لدارو لي يبان لك يا انكوبل او دراري او شماكرية...بقات غادة حتى وصلت لدار ودخلت ومشات لكوزينة لقات مها مخلية ليها العشا فوق طابلة...جلست وخدات الخبز كتاكل...وبالها كيفكر باش تخلا على هاد الخدمة وتشوف شي حاجة خرى،وخا هاد ااخدمة لي قبلت عليها وقت كولشي عطاها بضهرو،هي باش معيشة راسها ومعونة بيها مها لي وحيدة،اما حتى خوهم راااه دار دارو ومرتو...
نادت وقفت غسلت لماعن ودخلت لحمام غسلت سنانها ومشاا طلعت لبيتها وهي تجبد تلفون لاحتو فوق الكوافوز ونعست...

يتبع....