حارستي الشخصية🗽مكتملة🗽

🗽الجزء 161🗽

🗽حــــارستـــــي الشخصـــــــية🌾

✍️بقلمــي:أميمـــــة بوكنشــــو

🩸الجــــــزء161:

رجع شاف فيها وقرب منها وهي هزت عينيها فيه...

سيف:لا شفتي مرة في واحد غترجعي مرة خرى تشوفي في غيرو...

بقات كتشوف فيه...كانو نظراتو ليها مختاالفين على قبل...بعد سيف خطوة لاور ونزل عينيه...

سيف:مابقيتش كنشوف فك البنت لي نقدر نكمل معاها حياتي...مابقيتش كنتيق فك ااسية...وهنا حبس "شاف فيها كانو عينيها مدمعين" صدق بصح ماكنليقوش لبعضياتنا وغير كنا كنخربقو...بلاما نزيدو على ريوسنا المشاكيل ونعذبو معانا ديك تربية...

اسية:واش مابقيتيش كتبغيني؟

سيف:الحب ماشي هو كولشي...أحيانا ثقة أهم...قلبي مع الوقت غيبدا يبرد من جيهتك...بلاما نعذبك ولا نتي تعذبيني...وراق طلاق يوصلوك بعد مدة...

بقات كتشوف فيه وهو يعطيها بالضهر وتم غادي...حطت يدها على فمها كيترعدو...كفاش يخليها...كيفاش عطاه خاطرو يخليها...واش مابغاهاش...واش لهاد درجة في أول خطأ ليها خلاها...لا ماشي أول خطأ حتى هي دارت افعال كتيرة خايبة...كذبت عليه قبل وحرقت قلبو وعاودت نفس شي...واش بفعايلها صافي بصح برد قلبو من جيهتها...واش بصح القلب برد وخاطر مشات وعشرة سالات...طاحو دموعها وهي تمشي دغيا شافتو مشا بطنوبيلتو...مشات دخلت كتبكي وهي تشوف فيهم كفاش كيراريو بالبنت...هزت الفاژ لاحتو في أرض حتى شافو فيها بصدمة...

زكرياء:أسية مالك؟

هزت أسية طرف تاع الفاز حتاش كان الڤاز زجاجي وحطتو على عنقها حتى خرجو عينيهم...

غالي:أسيةةةةةةة...

ميراي:اسية اش كديري واش حماقيتي...

أسية:"طاحو دموها كتبكي" حتى واحد مابغا يفهمني...سيف مشا كفاش نعيش بلاه...فترة دازت وغلطت فيها...ولكن هو مابغاش يسامحني...

ميراي:أسية اش كتعملي...هنتي ها بنتك...وهاحنا....يهديك الله اختي...

ربم:را حرام لي كتعمليه...قتل نفس حرام ااسية...

أسية:وماشي حرام قلبي لي كيتحرق "شهقت بألم" ماشي حرام بلي حياتي دمرت...أش ندير بترببة راسي...كفاش نعيش...انا كنبغي سيف بزاااف...كنبغي سيف بزااااف...

غالي:"بدا يقرب" أسية غنرجع لك سيف ولكن كيخصك تنزلي هداك من عنقك...

أسية:وقفففف...ماتقربوووش صافي انا عارفة سيف مايرجعش ليا...سيف صافي برد قلبو من جيهتي وخلاني بمرةةة...

شاف غالي في دراري وفي ميراي أش يديرو البنت جاتها الحالة وتقدر بصح تقتل راسها...
حتى وقف من وراها وهو يحط صبعو على فمو زعما يسكتو...قرب دغيا شد يدها بعدها على عنقها ولواها ليها حتى طاحت الزاجة وقلبها عندو معنقها..