حارستي الشخصية🗽مكتملة🗽

🗽الجزء 129🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء129:

داز الوقت والبنات وكولشي وجد راسو،خرجو لبنات الجردة كيشوفو في العاب النارية لي خدموها لكارد وميراي خلات البنت لداخل مع الخدامات...
كانت لابسة كسوة حد ركبة بالكميم بأزرق وجمعة شعرها كوت شوفال مع ميكاب زوين وعكر بأحمر وحلقات كبار،اما ريم لاسبة كسوة تاع الخيط حد سيقان مع ليبة بأسود و بوتيو بأسود وشال مع ميكاب زوين وخفيف وانهار مع كسوة بأخضر حد الفخاد وطالقة شعرها مع حلقات كبار وميكاب زوين وتقيل...

نزل زكرياء لابس تريكو تاع الخيط بعنق وسروال تجين...حتى ضرب سيف على ضهرو لي يله دخل وشاف فيه زكرياء وتعانقو جنب..

سيف:تشهرتي مع راسك،نسيتي دنيا..

زكريلء:ههههه اش ندير،على قبلي وعلى قبل انهار باش تعالج...

ضرب زكرياء على كتفو حتى دخل ضياء وغالي من الخدمة...هادو وخا الشركة كونجي هما لا...

غالي:ماتعطلتش؟

شاف في ساعة وشاف في البنات براا...

زكرياء:ناري على غذارين ماتوحشتونيش...

غالي:نتا هنا،والله ماديتها فك...

سلم عليه وهو يرجع ضياء دخل لي طلع يقلب على ريم وسلم على زكرياء...

زكرياء:مالك،شفتك ملاهي...

غالي:كنت مسافر،من صبح ربي...

سيف:سافرتي في نهارك ورجعتي...

غالي:مشيت عند ايملي،"تنهد" فضيت معاها الحسابات...

ضياء:ياك ماقتلتيها...

غالي:مالي تسطيت نوسخ فيها يديا،ولكن هدرت معاها على البنت...

زكرياء:اانا البنت،واش مزال معاكم؟

غالي:مزال،ميراي تعلقت بيها بزاف،هكاك هدرت مع ايملي وخديت الوصاية منها وغيتكلفو محاميين وغتولي البنت باسمي انا وميراي قانونيا...

ضيلء:بنت بحالها عطاتها لك فابور...

غالي:هي اصلا خلاتها،ولكن ماضيعتهاش وعطيتها الفلوس بمقابل تنسا البنت،مانبغيش يوم ترجع ودير فيها أم،مانبغيش قلب ميراي يتحرق بعد ماتعلقت بالبنت،هكاك خديت الوصاية حتى لا رجعت ماتصور والو...

ضياء:افضل حاجة درتي،بصح كيبان بميراي تعلقت بيها...

حرك غالي راسو وشاف في خدامة شير ليها جات عندو..

غالي:جيبي كااب سخون....

مشات وبعد شويا رجعت،خداه غالي ومشا خرج عندها وحط الكاب على كتافها حتى شافت فيه وهي تبتاسم وحطت راسها على صدرو كتشوف في العاب الناية وهو دور يديه عليها وشاف في العاب النارية..

زكرياء:كفاش غير هو لي مزوج...

مشا خرج وتبعو ضياء..بقا سيف واقف وهو يخشي يديه في جيوب السروال كيشوف فيهم كفاش مع زوجاتهم...

سيف:ماكرهتش حتى انا نكون بحالكم...

غالي:ميراي عندي لك واحد الحاجة...

ميراي:"تقابلت معاه" لي هي...

غالي:قريب،تقدري تسمي ديك البنت باسم لي بغيتي،محامين كيوجدو في الوراق غتولي ديك البنت بنتتا قاانونيا،يعني تبنيناها...

ميراي:"خرجت عينيها بصدمة" كفااش؟

غالي:مافرحاناش؟

ميراي:"حطت يدها على فمها" فرحانة فرحانة ولكن الصدمة مع االبرد يله كنستوعب،يعني هههه يعني الغالي البنت غتولي بنتنا،غنسميها باسم لي بغيت هههه...

غالي:اه...

حطت يديها على فمها كتشوف فيه بعينين مدمعين وهي تعنقو بقوة..

ميراي:كنبغييييك،كنبغييك بزاف بزاف...

غالي:ههههه ونا كنموت فك...

هزها عندو وهو كيدور بيها وهي كضحك ولخرين كيشوفو فيهم ويضحو عليهم...

ميراي:غالي بركا،،بركاا..

وقف غالي حطها وهي تشد في معدتها ودخلت بالجرة،بقا غالي مستغرب وهو يدخل بالزربة تابعها...

زكرياء:هههه دوخها..

انهار:هههه حمقين..

ضياء:"مع ريم" يله ندخلو البرد...

مشاو دخلو وتبعوهم حتى انهار وزكرياء...نزل الجد من بعد هو وماريا وياسين وصفاء،اما انور مسافر...

جلسو في الصالة بقا لي خاص باش تكمل العاىلة غير غالي وميراي واسية...

خرج غالي من الحمام أرضي شاد فيها والبنت ولات صفرا هزيتي وحدة وحطيتي تانية..

غالي:ميراي نتي بيخير...

ميراي:بيخير...

دخلها لصالة جلسها..

ريم:اويلي ميراي مالك..

ميراي:لا والو..

انهار:اويلي صفاريتي...

غالي:نعيط لطبيب..

ميراي:بلاش غير دوخة ونولي بيخير...

الجد:لا ابنتي خلي الطبيب يجي يفحصك باش نطمنو كتر...وجهك صفار...

مشا غالي عيط لطبيب،وبعد ساعة جاا وولات ميراي مزيان...

طبيب:سي النصيري..

غالي:جيتي بكري...

ميراي:وصافي انا مزيان دبا...

طبيب:سمح ليا طرقات كانو عامرين،مدام عفاك خليني نفحصك بما أنني جيت...

يتبع....