حارستي الشخصية🗽مكتملة🗽

🗽الجزء 52🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء52:

دخلت ميراي الدار وهي دخل لصالون لقاتو جالس شاد تلفونو...

ميراي:سلام..

أيمن:سلام..

ميراي:ماما ولخرين ماكاينينش؟

أيمن:خرجو لسوق،تبغي نهدرو؟

هزت حاجبها وبغات تدخل حتى وقف..

أيمن:برا حسن..

ميراي:"شافت فيه" غنمشي نبدل بعدا..

مشات طلعت وهو مشا خرج...جبدت ميراي سروال تجين تقاطع لبستو مع تيشورت وجامعت شعرها الفوق...شافت في شفايفها لي كرمو بكترة مابقاتش كتهتم بيهم...هزت كلوز دارتو ومشات خرجت نازلة...شافت فيه وااقف وهي تسد الباب ووقفت قبالتو..

ميراي:شنو حب الخاطر؟

أيمن:نتمشاو ونهدرو..

تم غادي مدير يديه في جيوب السروال،تنهدت ومشات تبعتو كيتمشاو في نفس الريتم..

أيمن:كنظن في خبارك علاش جينا لمغرب ياك؟

ميراي:"ربعت يديها" باش تزوجني...

أيمن:"بتاسم" اذن؟

وقفت ميراي وشافت فيه...

ميراي:تبغي الصراحة ولا الحقيقة؟

أيمن:نبداو بالصراحة؟

تم غاادي وهي تنهدت وتبعتو..دخلو لجردة..

ميراي:أنا ماكنفكرش في الزواج وساكتة حتاش ماما بغاتني نتزوج؟

جلس أيمن وشاف فيها..

أيمن:والحقيقة؟

دورت ميراي عينيها وهبطت راسها كتلعب برجليها في أرض..

أيمن:كتبغي شي حد؟

هزت عينيها شافت فيه ورجعت هبطتهم..

ميراي:هو تزوج...وانا

أيمن:باغا ديري بحالو باش تحرقيه؟

ميراي:"شافت فيه" من هاد الذكاء لي عطاك الله،علاش ماوليتيش بوليسي؟شركات مايليقوش لك...

بتاسم أيمن وشااف قدامو...وهي ركزت عينيها عليه

شاف فيها وهو يوقف تقابل معاها...

أيمن:ماخباركش مي أنا كنت كنبغيك من الصغر...من صغرنا ونتي عجبااني ماشي غير جيت وبغيت نتزوج بك...

ميراي:وسؤال...واش مزال نفس اعجاب؟

نزل أيمن عينيه ورجع شاف فيها...

أيمن:نتي بنت زوينة كما كنتي في الصغر ولكن أنا ماشي قل من داك لي كتبغي بااش نحاول خليك تبغيني بزز،ااه بغيت نقول لك واحد الحاجة...عمرك تخلي رااجل يطيح مع رااجل على ودك...عواقب ماكتكونش زوينة كما كظني...غنهدر مع مرت عمي...الله سهل علك..

تم غادي وهي تبع ليه ميراي العين...بتاسمت بسخريا وهي كتشوف بلي الحب غبي بزاف...

دخلت لاباج ديالها وهي كتبت منشور جديد عوتاني..
☘️ الحب يستأذن المرأة في أن يدخل قلبها، وأما الرجل فإنه يقتحم قلبه دون استئذان، وهذه هي مصيبتنا ☘️

رجعت تلفون لجيبها ومشاات تبعتو...لقاتو واقف مع مها وواليديه لي جاو...

وقف غالي بطنوبيل في بلاصة معزولة في الرباط جنب الشارع وهو يبقا في الطنوبيل مدة حتى وقفت طنوبيل جنبو وهو يدق الزاج طنوبيلتو وحلو وشاف فيه...

غالي:لي بغيتو كاين؟

ش:كاين اسيدي..

غالي:طلع..

طلع شخص وهو يمد ملف لغالي لي خداه كقرى فيه...

غالي:عطيني تلخيص...

ش:فاش بحت في عائلة ميراي يازين لقيت بلي مها كانت داخلة في اكتئاب الحاد من زمان وكان السبب غريب..."شاف فيه غالي" بلي ماتت بنتها..ولكن فاش بحت في عائلتها كتر ميراي ماعندها حتى أخت مدخلينها في شهادة الوفاة...

غالي:اذن؟

ش:من ورا مدة أب ميراي تزوج بمراا خرى،أما ختها الصغيرة فهي في عمرها 20عام وخدامة في وحدة من شركاتكم...وعلاقة ميراي بختها قوية ومزيانة...

غالي:زيد هاد شي لي وصلتي ليه؟هاد شي انا عارفو...

ش:احمم،واش على ميراي؟"شاف غالي قدامو" احممم في حقيقة بحت كتر في ماضيها،وعرفت بلي وقت كانت في المصارعة تعرفت على وااحد وولا صديق قريب منهم هي وصحباتها ووحدة من صحباتها بغاتو..وصدقت ميراي وصاحبتها بغاو نفس الراجل...وكانت ميراي داك الوقت معاه في علاقة ولكن تفارقت معاه "ورك غالي على الفولون كيشوف قدامو" ولكن هو مارضاش تفارق معاه هكاك هو دمر حياتها وخلا شي واحد يحط ليها المنش*طات في ماكلتها وخرجت من المسابقة،وحتى وقت دخلت الحبس هو كان سباب وسيفط ليها البوليس غير باش مايخليش ليها فرصة تخدم وخسر ليها الضوسي ديالها...واش باغي تعرف كتر؟

غالي:بركا،"شاف فيه" بحت في موضوع ختها بتفصيل،عندك يومين كتفهم...

ش:وخا سيدي،نمشي دبا؟

غالي:بلاتي "جبد شيك كتب فيه ومدو ليه" تقدر تمشي...

خدا شخص شيك ومشا نزل بحالو...حل غالي الضوسي وهو يسدو وهز كوسان خشاه تحتو وجبد تلفونو..دخل لأنسطا كيشوف في منشورها وهو يتنهد..

غالي:كفاش نخلي وحدة عنيدة بحالك تعتارف كيفاش؟

رجع شاف في تلفون ودور أبيل...

غالي:قلب على وحدة سميتها أسية يازين،نبغيها غذا تحول لفرع عندي...

ش:وخا سيدي..

قطع وديمارا غالي طنوبيلتو...

يتبع...