4.6-2 The King's Heir : 4th Gen. Series #6-2 : Amon and Katara : COMPLETED

Kabanata 31 : Kapatid

Kabanata 31 : Kapatid

Ikalawang Bayan, El Paradiso

"Pare, baka maghurementado iyan wala tayong laban sa taong pumasok sa kulungan ng baliw." sabi ng ikalawang lalaki.

Napatiim ng bagang si Amon habang matalim na nakatingin sa grupo.

Nakatunghay naman si Katara at ang mga anak nito sa magiging reaksyon ni Amon na halatang galit na ito.

"Takot Nicel, Mama." mahinang sabi ni Nicel sabay yakap ng mahigpit kay Katara.

"Sabagay, mas pangit ang napasukan niya sa napasukan natin." sabi ng unang lalaki.

Akmang sasagot si Amon ng may lumapit na lalaki sa grupo na ikinatingin ni Amon pero napakunot noo siya ng mamukhaan ang lumapit.

"Mga sir." sabi ng lalaki sa grupo ng ex ni Katara.

"Ano iyon?" sabi ng unang lalaki.

"Sa inyo po ba ang kotse na nakapark sa daan papasok?" sabi ng lalaki.

"Anong plate number?" sabi ng ikatlong lalaki na ikinakunot noo ni Amon.

May kotse kasi si Amon sa labasan hindi makapasok dahil nga walang parking area sa naturang lugar ng pabahay bawal naman magparking sa magkabilaang daan.

Sinabi naman ng lalaki ang plate number na ikinatingin ng grupo sa isa't isa.

"Amin nga." sabi ng unang lalaki o ex ni Katara.

"May pulis po kasi na nagtatanong at hinahanap iyong may-ari." sabi ng lalaki sa grupo.

"Bakit daw?" sabi ng ex ni Katara.

"May residente po daw kasi na tumawag sa mga pulis na may mabahong amoy sila nalanghap noong dumaan sila sa mga kotse. Pinuntahan ng mga pulis, at iyon nga hinahanap po kayo kasi iyong sniffing dog nakaupo sa kotse niyo." sabi ng lalaki na ikinatitig ni Amon sa lalaking nagsasalita.

"Okay." sabi ng ikalawang lalaki at akmang aalis ang dalawa sa apat ng may mga pulis na parating.

"Hala! May pulis." sabi ni Nicel sabay yakap pa ng mahigpit sa ina.

"Huli nila kayo, away niyo mama namin." sabi pa ni Nicolo sa grupo ng ex ng mama niya.

Napatingin si Amon sa mga pulis na parating, ang isa sa mga ito nakatingin sa kanya.

"Sir, anong atin?" sabi ng ikalawang lalaki, sa grupo ng ex ni Katara, sa pulis na lumapit.

"Sa inyo po ba ang kotse?" sabi ng pulis.

"Oho." sabi ng ex ni Katara.

"Sumama po kayo sa amin sa presinto." sabi ng pulis.

"Bakit naman kami sasama? May warrant of arrest ba kayo? Wala naman kaming kaso." sabi ng ikatlong lalaki.

"Kailangan niyo po magpaliwanag sa presinto dahil may patay na tao po sa loob ng kotse niyo." sabi ng pulis na ikinagulat ng grupo ng ex ni Katara at ikinalunok ni Amon.

"Patay? Walang patay doon." sabi ng ex ni Katara sabay tingin nito kay Amon.

"Sir, may video po kami habang binubuksan ang kotse, at may mga tao sa lugar. Kaya kung sinasabi niyong planted malabo iyon kasi sinira nga namin iyon kotse niyo para mabuksan." sabi ng pulis.