Unicode
အေးစက်သောလေညင်းတစ်ချက်က ကောင်းကင်နှင့်မြေကြီးပေါ်ရှိ ညစ်ညမ်းမှုများကို ဖယ်ရှားသည့်အလား တိုက်ခတ်သွားသည်။ အပြင်စည်းဂိုဏ်း၏ လေ့ကျင့်ရေးကွင်းပြင်ထဲတွင် လူတစ်ယောက်လဲကျကာ တဆတ်ဆတ်တုန်ယင်လို့နေပါတယ်။ ကြီးမားတဲ့နာကျင်မှုကို ခံစားနေရသလိုပါဘဲ။
လင်းဖန်မျှော်မှန်းထားသလောက် အပြင်စည်းဂိုဏ်းလေ့ကျင့်ရေးကွင်းက မဖြည့်ဆည်းနိုင်ပေမယ့်လည်း ရလဒ်ကအဆိုးကြီးတော့မဟုတ်ပါဘူး။
သူ အဲ့ဒီမက်မွန်သီးတစ်လုံးပဲ ဒီတစ်ကြိမ်ခူးဆွတ်လိုက်တဲ့အတွက် အတွေ့အကြုံရမှတ် သိပ်မတက်ပါဘူး။ ဒါပေမယ့် သူ့အတွက်ရလဒ်ကတော့ စိတ်ကျေနပ်လောက်စရာတော့ ဖြစ်ပါတယ်။
"မျောက်မင်းဘုရင်မက်မွန်သီးခူးဟန်သိုင်း"
အတွေ့အကြုံရမှတ် ၂၀၀
ဇာတ်ကောင် အတွေ့အကြုံရမှတ် ...+၂၀၀
"စီနီယာအကိုဟန် ကျနော့်ကိုမုန်းသွားပြီးတော့ လက်စားချေဖို့ လူစုပြီးပြန်လာမယ်လို့ မျှော်လင့်ပါတယ်.....ဒီဂျူနီယာညီလေးက နွေးထွေးစွာနဲ့ စောင့်မျှော်နေမှာပါ"
အပြင်စည်းဂိုဏ်းထဲရောက်ပြီးကတည်းက လင်းဖန်က အဆင့်တက်ဖို့ဘဲလုပ်မယ်လို့ ဆုံးဖြတ်ထားပြီးသားပါ။
သူ့ရဲ့ကျင့်စဉ်အဆင့်က တခြားလူတွေထက် နိမ့်ကျ နေမယ်ဆိုရင် သူမျှော်မှန်းထားတာတွေကို အကောင် အထည်ဖော်နိုင်မှာ မဟုတ်တော့ပါဘူး။
ဒါကြောင့်မို့ သူ့အနေနဲ့ဒီလေ့ကျင့်ရေးကာလအတွင်း တက်နိုင်သမျှ အကုန်လုံးနဲ့တိုက်ခိုက်ပြီး အဆင့်မြှင့်မလို့ရည်ရွယ်ထားတာပါ....
သူ့အဆောင်ကိုပြန်လာပြီးတော့ အိပ်ရာပေါ်လှဲရင်းနဲ့ လင်းဖန်အတွေးရေယာဉ်ကြောထဲ မျောနေပါတယ်။
လင်းဖန်က တခြားလူတွေလိုမဟုတ်ဘဲ တိုက်ခိုက်ပြီး အတွေ့အကြုံရမှတ်စုပြီးမှ အဆင့်တက်တာပါ။ ဒီတော့ သူ့အနေနဲ့ တခြားလူတွေနဲ့ တိုက်မှကိုဖြစ်မှာပါ။ ဒါပေမယ့် တခြားလူတွေက သူတို့ကိုယ်ပိုင်လေ့ကျင့်ရာနေရာတွေမှာဘဲ သီးခြားလေ့ကျင့်နေကြပါတယ်။
ဒီအခြေအနေကို တစ်ခုခုပြောင်းလဲဖို့တော့လိုနေပါပြီ။
