Unicode
"ဒီကောင် ဘာပြောတာလဲဟ"
"အမှိုက်တဲ့ ဟုတ်လား၊မင်းက ငါတို့ကို
ဒီလိုပြောရဲတယ်ပေါ့"
"ခွေးကောင်၊ ငါတို့က အရံအပြင်စည်းတပည့်တွေကွ ဝင်ခွင့်စစ်ဆေးမှု အောင်မြင်သွားရင်
တရားဝင်အပြင်စည်းတပည့် ဖြစ်တော့မှာ မင်းလို လူသဲအိတ်ကောင်ကများ ငါတို့ကို စော်စော်ကားကားပြောတယ်ပေါ့ "
"ညီအစ်ကိုအားလုံး စိတ်လျှော့ကြ၊
ငါတို့အားလုံးဟာ တစ်ကယ့်ပါရမီရှင်တွေနဲ့ မယှဉ်နိုင်ပေမယ့် ဒီလိုဘာမှမဟုတ်တဲ့ လူသဲအိတ်ကောင် စော်ကားလာတာကိုတော့ ငါပဲ ကြည့်ရှင်းလိုက်ပါမယ် "
အမှန်တစ်ကယ်လည်း အရံအပြင်စည်း
တပည့်များမှာ အလွန်ပင်ဒေါသထွက်နေကြပါတယ်။
ဂိုဏ်း၏ အနိမ့်ဆုံးသော ကျွန်လူသဲအိတ်ကောင်မှာ သေချင်၍သာ ဤကဲ့သို့ပြောခြင်းဖြစ်ပေလိမ့်မည်။ ထိုတပည့်၏ စကားသံကို ကြားလိုက်ရလျှင် အားလုံးသောလူသဲအိတ်များမှာ လင်းဖန်အား ကျေးဇူးတင်လေးစားမှုများ နှလုံးသားအတွင်းမှ ပေါက်ဖွားလာတော့သည်။
"အစ်ကိုကြီး "
"ခေါင်းဆောင်"
လင်းဖန်မှာ သူ့ဆီလျှောက်လှမ်းလာသူအား
အေးဆေးစွာ ကြည့်လျှက်နေပါတယ်။
"ကောင်စုတ်လေး မင်းကတော်တော်ကို အလိုက်ကန်းဆိုးမသိတဲ့ကောင်ပဲ၊ ငါက မင်းလို ဘာမှအသုံးမဝင်တဲ့ကောင်ရဲ့ အသက်ကို
မနှုတ်ယူဘူး ဆိုပေမယ့် ဒီလိုမောက်မာတဲ့အတွက် မင်းကို မှတ်သားလောက်အောင်တော့ သင်ခန်းစာပေးရလိမ့်မယ် "
ဤအရံအပြင်စည်းတပည့်များမှာ
သူတော်စင်နတ်ဆိုးဂိုဏ်း၏သိုင်းပညာအား
သင်ကြားရခြင်းမရှိစေကာမူ သာမန်လူများ အတွက်မူ အရံအပြင်စည်းတပည့်များ၏စွမ်းအားမှာ အမှန်ပင် ကြောက်မက်ဖွယ်ကောင်းလှပါတယ်။ သံမဏိများနှင့်ကျောက်တုံးများအား မဖျက်စီးနိုင်စေကာမူ ပန်းကန်တစ်လုံးအရွယ်ရှိသော သစ်ကိုင်းကိုမူ အလွယ်တကူ
ချိုးဖျက်နိုင်သော ခွန်အားရှိပေသည်။
"ကျား...."
အရံအပြင်စည်းတပည့်မှာ လင်းဖန်အား ပညာပေးရန် မာန်သွင်းလျက် ခြေထောက်ဖြင့် အားကုန်သုံး၍ ကန်လိုက်ပါတယ်။
