لاڤندر .

48

لاڤـندر ..
لزهـراء أل عـلي .
———————— 
- تفاعلو .

ْ

أيلين ..

گعدت الصبح و لگيته ما موجوده ، بدلت ملابسي و طلعت اريد اغسل بالحمام و من مريت يم غرفة عمتي سمعت صوته يسولف وياها ، الخلاني اوگف استمعلهم كلامه وياها ..

چسَر : يُـمه احلفج بالحسين ديري بالج على البت مو مثل ذيج المَـره .

ام چسَر : يُـمه والله دايره بالي عليها و القاسمه ربك يصير .

چسَر : ونعمَ بالله ما اگلج باطل بس ام جـبار شردوها من البيت على الاقل بس خل اطب السابع .

ام چسَر : هـوَّ ابالي سالفه الظهر احجيها للشيخ بلكت الله يقبل بيها .

چسَر : التشوفينه زين سوي ، يلا انه رايح .

من سمعت يريد يطلع رجعت لغرفتي گبل و بس گعدت على الجربايه انفتح الباب باوعتله جان هـوَّ واگف يباوعلي و گال ..

چسَر : صباحج خير بويه اني راح اطلع انتبهي لروحج زين ؟

گلتله من صرت واگفه گدامه ..
أيلين : لا تظل هيج قلق عليه ما عندي شي اني .

چسَر : ميخالف بـويه انتبهي لـروحج .

أيلين : ان شاء الله .

باسني بـراسي و طلع طلعت وراه غسلت و رحت للمطبخ سويتلي ريوگ و طلعت بالحديقه اكلت ، جان الجو ڪُلش حلو و منظر الحديقة يخبل أجت ابالي حديقة چسَر نتغده بيها اليوم ، كملت اكلي و دخلت لعمتي جانت بالصاله من شافتني گالت ..

ام چسَر : راح تجي مريه تساعدنه بالطبخ و التنظيف جيران عمامج ال حاتم شافتها الي جُمانه .

أيلين : الي تشوفينه عمه بس كون زينه و حبابه .

ام چسَر : لا هـيَّ مَـره فقيره من اهل الله و ارمله و گلت انطيها حگ تعبها 350 الف كل شهر .

أيلين : ڪُلش زين ، اگلج عمه خل نتغـده بالحديقه مال چسَر اليوم .

ام چسَر : ولج يُـمه غير الدكتوره گالتلج بدون حركه شلون ترحين للحديقه .

أيلين : شني السالفه عمه دربها عدل و امشي على كيفي حبابه وعلي الجو حلو اليوم ما يتفوت .

الشيخه سميره : خابري ام چاسَر همين خل يجون كلهم .

أيلين : ايي وعليي .

ام چسَر : امري لله شسوي بعد .

اندگ الباب و راحت هـيَّ فتحته و دخلت المريه ، جانت مريه گصيره لابسه چفوف و مُحنكه و صوتها ناصي و وجهه حلو و ناعم مبينه بعدها بدايات الاربعين ، سلمت و گالت دلوني على المطبخ و راحت وياها عمتي و جانت تشتغل بـعباتها حـتى من گالتلها عمتي بالبيت بس نسوان ما ذبتها و جان اسمها ام حسين ..