الم احل لك بعد

بارت ٦١

&:
ألم_احـل_لـك_بعـد
الجزء الثاني بارت ٦١
بقلم.... المـيࢪزا بتـــول
@user80208178
رُوي عن أبي الفضل العباس عليه السلام:
(من صارع الحق صرعه)

مليكة
.....توضيت وي جدي ودموعي اتصب وي الوضوء خليته مده مصلايته بالهول وانا فتت للحجرة على ما زهبت مصلايتي وحرامي واسمعنه وذن فجيت الشباج ومديت ايدي لـ لله بالدعاء ومسحت على گلبي
ياربي صبرني، يارب صبرني، يا رب صبرني
ادري غلطت لجن يالله انا موش معصومة اطالب العفو والغفران والرحمة من عدك يا ارحم الراحمين صبر گلبي وانطيني قوة ودليني على الطريج الصحيح يارب انا عبدك تايه ما اعرفن شسوي وين اطي وجهي وشنهي اتصرف يارب حرت وانتَ دليلي

.....صليت وبـوراها طلعت اليه جنطة حطيت سلابات اليه ولهبة الرحمن وشنهي حاجة اعتازها خليتها عبن ما ادري ليمت نرد جنت مكيفة لوني راح اطلع من الدار وازورن طاك گلبي على الزيارة
وصار هواي ما رايحة حطيت علاجي هم لحد الساعة بالسبعة حطت عمتي كريمة ووياها شام الريوك بالهول وجابت النا لحالنا صينية كعدت مجابلتني ترضع ابنها وتخلي بحلجها لكمه

شام....تدرين انا راح ارجع اخذ محاضرات بالمعهد واذا رحنا ان شاء الله اخليج تجين وياي
مليكة....واطلعين لحالج؟
شام....اي عادي وارث قابل، وهو مو كلش بعيد يعني مسافة ربع ساعة واروح بكامل حشمتي ما عليه شيء بإذنه تعالى، والله تتونسين من تشوفين البنات هناك شكد يدرسن يعني اعداد جبيرة وتستفادين من المواد الي ندرسها هناك وهم عدنا جلسة بعد كل درس ناقش بيها كل شيء يواجهنا لو مثلاً فد مشكلة هم البنات ينطن حلول الها
مليكة....لجن انا عگاب ما يخليني اطلع لحالي
شام....موو بحدج انتِ وياي وما عليج اخلي وارث يحجي وياه ما يكول شيء وهم بس نخلص انا وياج من المعهد نروح نزور وناخذ راحتنا هناك الزيارة على راحتنا نزور ونكمل ونرجع للشقه
مليكة....عليج الله شاام عود صدك تحجين
شام....وداعت عيون وارث الحلوة

.....ضحكت واخذت لكمه من الكيمر واصفن ما مصدكة عگاب راح يخليني اطلع لحالي عبن شام ما تدري بعگاب شجان يسوي بيه يوو طلعت وياه موش انوب اطلع لحالي

.....لحد الساعة بالتسعة طلعنا من الدار وسيارة واكفة كدام الدار صعدنا عگب ما وارث صعد جنطنا واخذ خادم حتى امه تصعد وخله بحضنها صعدت انا بصفها ودرت عيوني على دارنا ردت اشوفن عگاب لجن ما شفته ولا حتى سلم على هبة الرحمن صعد وارث يم السايق وبحضنه هبة الرحمن وهي تسولف وادردم عليّ وهو ماخذها على كد عگلها ومطيها على مايها ويجاريها بالتدردم مالتها

.....يو ما وصلنا للدار مالتها انا اتذكره من زمان عبن جاية اله گبل لا اتزوج دخلنا ووارث دخل بسرعة بدل وطلع كال عندي شغل مستعجل
نزعت العباية والبوشي خليتهن على الجلسة

شام....وشمري وياج شالج وارث بعد ما يجي لليل
مليكة....اظني راح احرم الرجال من راحتة خيه شوو تندمت
شام....اوو مليكة ما تسكتين شنو تحرمينه من راحتة، كومي هسه نسوي النا غده ولا تفكرين بهل حجي التعبان هذا