الم احل لك بعد

بارت ٦٤

&:
ألم_احـل_لـك_بعـد
الجزء الثاني بارت ٦٤
بقلم.... المـيࢪزا بتـــول
@user80208178

قال ابا الفضل(عليه السلام ):
البخل جامع لمآوي العيوب .

...نگلنا الزاد للهول وما احد اكله بس نقشوا، شووي وانا تزهرمت اريد اللكمه تفوت ببعلومي وتمشي مامش توكف واشرب وراها كلاص ماي يلا تمشي، ما مصدكة حبلة ياا ربي شنهي هاي السالفة منين اجتني انا ما اريدن برز من سائد مووش حبته ولا گلبي يريده لجن ضاله وياه كولتن هي دنيا وكاضية وما عدي احد غيره وين اولي وعدمن اروحن

.....خلصت غسل مواعين وسحلت تنسيم كووه خليتها اطرش غراضهم وطلعت اليه فتت اسووي وطلعت خليته على المغاسلة واعاين اله ليمت يطلع النتيجة وكفت حذاي تنسيم وعاينت اله عيوني مدمعة وارجف كوه واكفة على حيلي

تنسيم....يالله على الخير والبرركة
نجلة....شنهي يعني
تنسيم....حبلة وولج
نجلة عليش وجهج انخطف وولج شجاج
نجلة.....مامش خيه
تنسيم....عليج علي شجاج شنهي انا غريبة عليج ما اعرفنج يوو تضايكتي
نجلة.....خيه ماا اريدن بزر
تنسيم....يا يمه اسم الله عليش ولج
نجلة....ماا احبنه تنسيم شنهي شعددالكم اناا نسيت فاارس لو راح عن بالي سااعة ولعباس ما تغفى الي عيني اذا مو دموعي تصب عليّ وگلبي يحن اله ولذكراه صدك تزوجت وانحسبت باسم زلمة ثاني لجن مووش بكيفي گلبي متعلك بفارس وذكراه وانا ما اريدن بزر من سائد بلكي يمل مني ويرووح يعرس بعيدد عني
نجلة.....عليش شنهي زلمتج موو زين وياج؟ يطكج؟
نجلة....لاله وعلي الزلمة عووزه ما يحب جفوف اديه ماا شايفة هجي دلال بس من عده لجن مووش بكيفي تنسيم رووحي تعلكت بذكر فارس
تنسيم....الله يساعدج حبيبة لجن الحي ابگه من الميت وانتِ ظاله بلايه ظهر ولا اهل لوو زلمتج راح عرس يااهو يظل الج ما تكليلي توكلي على الله وحمدي على نعمتة مووش زين عليج البجي والتدكر بنعمة الله والتعافي عليها يمكن هل بزر يشيل كبرتج ويعووضج عن ايام ضيمج
غسلي وجهج وتعااي بوراي يلا حبيبة

.....هزيت راسي بـ اي طلعت هي عني وانا اخذت الي ربع ساعة انحب بصوت ناصي وايدي على بطني توني احسن بيها صلبة وطالعة ليكدام
اظن صدك صاارلي اربعة اشهر حبلة وانا ما ادري
وما حاسبة لروحي عدل شكثرر تمنيت هل بزر من فاارس موش غيره لجن الله ما كاتب اللهي محمود مشكور على عطيتك

..... كمت غسلت وجهي ذبيت التحليل بالزبالة، ومشيت غاد بالهول جعدنا ومتانين الزلم مناك يخابرون يكولون وين وصلوا عبنهم طالعين من المستشفى وبالطريج، خابرهم عمي عتاد كالوا اله سالفتنه طوويلة، على هاي حجايتهم مشه عمي عتاد هو ومرته ناموا بحجرتهم القديمة، حبوبتي هم مشت نامت عگب ما اطيتها دواها.

..... طلعت من حجرتها واعاين لمليكة من شباج الهول جاعدة بالحوش على القريولة لحالها اظنها تريد تظل تفكر شووي بلكي ولجن يكسر خاطرها حال عگاب وترد اله ،فتت للمطبخ وصارت جدام عيني سارة خطيه البت سلت روحها سل من البجي وما اكلت حاجة من نهد العصرية اخذت الها لفة وكلاص جاي وصعدت فوك لحجرتها دكيت الباب وفتت لكيتها متلفلة بالغطأ وبعدهي على نفس رنة البجي والنحيب كعدت من شافتني طبيت للحجرة الخشم صاير احمر والعيون غاطة من البجي