الم احل لك بعد

بارت ٦٦

&:
ألم_احـل_لـك_بعـد
الجزء الثاني بارت ٦٦
بقلم.... المـيࢪزا بتـــول
@user80208178

قال ابا الفضل(عليه السلام ):من وعظ أخاه سراً فقد زانه ، ومن وعظه علانيةً فقد شانه .

بغداد

....عيشة الاستقرار النفسي والروحاني الي عشتها بفترة بقائي بكربلاء ما تخيلت بيوم من الايام اعيشها
فد شيء بعيد عن الوصف ولا اكدر اوصفه بالاصل

.....مو بس استقراري حتى علاقتي باهل ميمون والناس الي عاشرتها بهاي الفترة
شام وزوجها وشهد وزوجها وحتى اخوات ميمون رغد ومرام بالتالي تقبلني وصارت الكعدات والجمعات ما تصير اذا ما يتصلن عليه ويبلغني جنا نلتم بالبيت مالتهم الجبير

.....گلبي يطير من الفرحة من ادخل اله الاحساس الي يجتاحني لمن اخطي بي خطوة يعيد ويرمم حب ميمون بگلبي وكأنما ما فاقدته وكأنما هو عايش وبفد يوم انا وياه راح نلتقي، مرات البنات يعوفني بحدي بغرفتة قبل لا يزوج جانت مقفولة بس ما خالية من الاغراض تقريب ملابسه الرياضية مالت الطوبة، كتب جان يحب يقراهن جان يميل للادب العربي

.....وانا ما جنت احبه بس بهاي الفترة صرت احبه واحب حتى الخواطر وكلامه الي بكتب بهامش الكتاب او ملاحظاته

....عيشتي البسيطة الهادئة يومي ما جان خلى من وجود شام حتى لو بمكالمة، وبكل مرة اغلق الاتصال اصفن واكول معقولة هذا الامر طبيعي وحقيقي شلون فطرة العداوة تتحول الى محبة وقرب ومحنة،بس اكول الله قادر على كلشي ومثل ما جمعني بيها بميمون يجمع گلوبنا على المحبة.

.....ما جنت تخلى كعداتي وياها من نصائحها وكلامها الي اكدت عليه الالتزام بالصلاة لكن بطريقة غير مباشرة مرات  يأذن تصيح من المطبخ عليه  او تعوف خادم بمكانه يلعب وتكول يلا نصلي

.....ماكو شي يوكفها عن اداء الصلاة بوقتها وشرط وقت الفضيلة الي هو تقريباً يكون اول خمسة دقائق بعد الاذان

.....تعلمت منها الالتزام بالملابس المحتمشة رغم ما انا بعدني ما البس عباية مثلها لكن استبدلتها بعبايات جتف واسعة او زي شرعي وي الحجابات الطويلة الي تغطي منطقة الصدر وجزء من الظهر.

.....هذا ملخص حياتي هنا بالجانب الايجابي، الجانب السلبي جان صغير ومتمثل بازعاجات مهمين الرسائل على الواتس اب من الرقم الغريب استغربت لمن شفت الاشعارات بس مجرد ما دخلت على المحادثة ظهرت الي صورة ملفه الشخصي مخلي صورته.

.....قريت الرسالة اكثر من مرة جان بيها سلام وكلام بي نوع من الغزل، خلاني اشيل نفسي واركعها بالارض ما اعرف شنو شاف من عندي حتى تصير عنده جراءة ويجي يكتب مثل هيج كلام واتذكر نظراته بالمراية الامامية مالت السيارة، وارجع واكول الغلط من عندي انا انطيته مجال لمن خليته بكلشي يدخل مرات اخوات ميمون لو رادن يجتمعن يدزنه هو يجيني حتى لطلعات السوك او الزيارة وي البنات هو هم واكف النا