الم احل لك بعد

بارت ٥١

b𝓪𝓽𝓸𝓾𝓵 𝓪bb𝓪𝓼:
ألم_احـل_لـك_بعـد
الجزء الثاني بارت ٥١
بقلم.... المـيࢪزا بتـــول
@user80208178
قالت فاطمة الزهراء (عليها السلام ):

ان كنت تعمل بما أمرناك وتنتهي عما زجرناك عنه، فأنت من شيعتنا، والا فلا.

خلت العشه على طبله صغيرونه وشالت الطشت
رجعت باستني جدته وطلعن من الغرفة وانه ما ادري افرح ما ادري استغرب على لهفتهم وحبهم لـ وارث خمس دقايق وصعد دخل مبتسم كال
وارث... خو ما تاخرت علـيج
هزيت راسي بـ رفض

شام...لا ابد
وارث.....نصلي حتى نتعشى شتكـولين
شام... بكيفك

.....هز راسه وتقدم فرش مصلايتي ومصلايته بالبداية متقدمة عليه بـ مسافة درت نظري الهن بلون حرامي مالت الصلاة بني فاتح وياهن اثنين من القرآن هم مجلد بنفس لون بني فاتح
ومخطوط عليهن ((يا صاحب الزمان)) على المصلايات والقران كلش حلو شكلهن
اندار اليه وگال

وارث.... هاي الصلاة هم استحبااب لـيلة الدخلة والمفروض تصلئ گبل لا تطلع الشمس
هزيت راسي بطاعة ووكفت وراه صليناها
وراه دنك سجد اسمع الحمد والشكر بالسانه وراها كعد
ورفع ادينه بالدعاء بعد الصلاة على النبي واله
((اللهم ارزقني إلفها وودها ورضاها بي وارضني بها واجمع بيننا بأحسن اجتماع وأيسر ائتلاف فإنك تحب الحلال وتكره الحرام ")) خلص ووكمت وياه
صلينه الصلاة الواجبة

على ما لميت المصلايات وطبكتهن هوخلى العشه بالگاع والتفت الي كال

وراث... يلا شاام

...... هزيت راسي وتقـربت يمه بداخلي خجل لكون اول مـره اجتمع وياه بهـيج لبس وهيئة بس مرتاحة الحمدالله
رفعت راسي مواجهة جزء من خجـلي لكيت عيونه تباوعلـي بـ اعجاب وابتسامة حلوه منه
كعدت بصفه  وتعشينا وجان الهدوء سيد الموقف
وي المدخلات القليلة من عنده لان يكره يحجي على الاكل وهاي عرفتها من جنت وياه بالشقه بكربلاء

..... خلصنا العشئ  وهو اخذ الاكل نزله وانه كمت فرشت اسناني بالحمام جان صغيرون وكله ابيض ومرايات  فد حلو وكيوت كلش رتبت شعري وشلت عنه الماشات وما تعبني حيل جان تسريحتة كلها بسيطة ورفعت بيها شعري كله
سمعت طبگه باب الغـرفة 

وارث... تعاي شام نحجِ شوي

..... هزيت راسي ومشيت وراه كعدت عالجرباية كدامه وهو كاعد كبالي اتأمل ملامح وجهة بحب وفجاة اجت ببالي فكرة هسه يكلي انا تزوجتج حتى لا اتحمل ذنبج لو يطلع اله حجة لو عذر ثاني شنو ربط المواضيع عندي ما ادري وليش هشكل تخيلت هم ما ادري بس هي افكار تجي بعقلي ما مسؤولة عنها

وارث...عاين اليه شاام

.... باوعت بعيونه وهو يحجي وانه مركزه كل عقلي وياه واحاول استوعب الحجي الجاي يكوله بدون ما تشيهة عيوني علـي ويضيع الاولي والتالي بيه