الم احل لك بعد

بارت ٦٥

&:
ألم_احـل_لـك_بعـد
الجزء الثاني بارت ٦٥
بقلم.... المـيࢪزا بتـــول
@user80208178

قال ابا الفضل(عليه السلام ):
الدنيا دار ممر لا دار مقر .

عتاد....اخليكم لحالكم تحجون وتتفاهمون يوو نكعد بينكم محضر خيرر شنهي يناسبكم
عگاب....خليك عمي عبن كعدتنا لحالنا تبززها

.....عاينت اله ما راضية بحجيه لكيت عيني مني
عگاب....شوو تعانين صفح شنهي مجذب
عتاد....عگاب جاا انت جااي تراضي يوو تعارك
عگاب....سديت حلجي هاي هيه يلا ابوو أسلم احجي

عتاد....عمي مليكة هذا زلمتج وهاي انتِ كبالي وانا راح احج واريدن كل واحد شنهي عده بگلبه حجي يطلعه خااطر تتصافى الگلوب وتردون مثل گبل واحسن عبن سالفة كل واحد عازل روحه عن الثاني وعناد مووش الكم عمي هاي سوالف مال زعاطيط انتم كباار وواعين وبينكم بنية شنهي ذنبها مدولبينها وياكم

.....طفا جكارتة عگاب ورفع جفين اديه واحد مستلم

عگاب....عمي هااي انا جفوفي للعباس وداعت هبة الرحمن كلشي ماا بگلبي عليها وكلهن طاايحات الها حدر مداسها ولا تهم بيهن ولا تخلي ببالها حاجة وما اريدن غير ترد لدراها وتفج جفاها عني

.....اندار الي عمي عتاد وكال

عتاد....ها عمي مليكة هذا الزلمة جدامج يكوول ما عده حاجة بگلبه عليج وانتِ يوو محملة عليّ احجيهن هنا وهساعة

.....سكتت ماا رديت دنجت راسي وجفوف اديه بحضني اعصر بيهن احس راح ابجي لجن شووي شوي من صدك دمعتي طاحت واستحيت من عدهم عبن بجيت جدام منهم

عتاد....عفاا عليج عمي مليكة جاا شنهي تبجين وانتِ بداري وانا جدام منج موش هينة على گلبي وعلي كليلي شنهي التردينه بويه وانا خادم بالزغيرة والجبيرة

مليكة...ما اريدن حاجة عمي، بس كله يفج مني موش تزوج هاي هيه جا شيريد مني بعد مرة وعده وبته هم نعمة الله وبخيره لا اشوفنها ولا تجي يمي كله عده حتى منامها

عتاد...جا شنهي يظل هجي حالكم مووش راهمة يابت باهر

مليكة....عمي وعلي وروح ابوي ما اكدر موش حمل ضره انا، ودام جافيته شري لا يهم بيه ولا جني موجودة.

عگاب...مليكة، عاايني اليه من احااجيج اناا

.....انداريت عليّ عينه بعيني ذب حسرة وكال

عگاب....ساارة ما اكدر اطلجها وهاي جدام من عمي البت يوو عليها كااصر يو شايف من عدها حاجة مووش زينة ماا خليتها على ذمتي لجن البت شايلتني بالصلوات ومداريتني وحسها ما اسمعه، بت اوادم واهلها نااس اجاويد وفقرة من اهل الله هم يوو ظلمتها وطلجتها بدون سبب بس لونج ما تحملين ضره باجر يو عكبة تطلع ببتي واتحسب جدام رب العالمين، لجن يوو رضيتي تردين عمي بالعباس ما تشوفين من كصور واعدل بينجن وما اخلي كد زرف الابرة فرگ وياج لو ويااها بعد شتردين كولي