الم احل لك بعد

بارت ٥٩

&:
ألم_احـل_لـك_بعـد
الجزء الثاني بارت ٥٩
بقلم.... المـيࢪزا بتـــول
@user80208178اذكر المستخدم

قالت فاطمة الزهراء (عليها السلام ):

  اني أشهد الله وملائكته، أنكما اسخطتماني، وما رضيتماني، ولئن لقيت النبي لاشكونكما اليه

شام....السنة الي مرت علينا جانت غريبة باحداثها
تجــي ايام هدوء وما اكو اي حدث فجاة نكعد الصبح على مشكلة جديدة او عاصفة تهب على اهل البيت تزعزع استقرارهم وتشوش عليهم صفو ايامهم

....رغم بعدنا انا ووارث عنهم بس جنت احس نفسي مرتبطة ارتباط مقدسة بيهم حتى وان بعدت عنهم يومي ما يكمل اذا ما اكون على اتصال كامل باليوم وي مليكة نشتغل بالبيت سوه ونسولف ومرات سوالفنا تاخذ منحنى ديني وندخل انا وياها بنقاش حاد والحكم بينا وارث بسؤال واحد نسأله وبجواب واحد منه ينسد الموضوع ونفهم الموضوع وينتهي بضحكة على قفلاتنا

.....هاي السنة انختمت بولادتي ولادة ابني وحبيبي وقرة عيني "خادم" فرحتي وفرحة وارث جانت تعادل اطنان من التعب والمشقة والحمل الثقيل خلال فترة حملي المتعبة بس هانت وكلشي نسيته من شفته بين اديه وارث وصوته ترس مسامعي بالاذان والاقامة

.....اول صوت واول ضحكة واول مناغة اله جانت تخليني ابجي من الفرح هذا عوض ربي صبرت وصبرت وتالي شفت ثمرة تعبي بيدي هذا شعوري وشعور وراث جنا اثنينا نصفن علي من ينام بالكاروك مالتة ونبقى نردد الحمد والشكر

....احس بنفسي احبه اكثر من نفسي لدرجة اشوف هاي الدنيا  وناسها كلها بجهة وخادم بجهة ثانية مختلفة تماماً شعوري وهو بين اديه ما يضاهي اي شعور بالفرح حسيتة بحياتي

                       "گلبي يرجف "

من اسمعه يبجي لو تجي عيوني بعيونه وهو نعسان او جوعان شعور الرجفة يسري بگلبي اعرف هاي المحبة مو محبة ام عادية لابنها هاي ثمرة الدعاء والاعمال الصالحة الي جنت ملتزمة بيها خلال فترة الحمل

.....مو بس بالاعمال العبادية حتى بالاكل جنت اتحذر جنت رافضة اي اكل بدون ما اعرف مصدره وبيد منو مطبوخ بحيث اقتصرت بفترة حملي على اكل من ايده عمه كريمة لو طبخ ايدي جنت اخاف عليه من لكمة حرام او اكلة مكروهة تدخل لغذاء ابني

....وتسبب اله مشكلة من يكبر اخاف تقسي قلبة او تخلي يدمن على ذنب معين اخاف تزيل هاي لكمة حب محمد وال محمد من قلبه او حب طاعة الله

التربية تبلش
من النطفة
من اكل الام والاب
من لكمة الحلال
ومن ومن ومن ومن

.....بفترة حملي مواضبة لزيارة عاشوراء بشكل مو طبيعي ادمنت عليها اذا مو قراءة سماع وايدي على بطني واردد وي للقارئ وفد مرة اجتني فكرة وخليت وارث يقراها الي ويسجل بالتلفون وصرت اشغلها بمكبر للصوت واستمع الها واحس بحركات جنيني داخل احشائي زيارة عاشوراء بصوت ابوه مختلط بصوتي