الم احل لك بعد

بارت ٥٧

&:
ألم_احـل_لـك_بعـد
الجزء الثاني بارت ٥٧
بقلم.... المـيࢪزا بتـــول
@user80208178

قالت فاطمة الزهراء (عليها السلام ):
الرجل أحق بصدر دابته، وصدر فراشه، والصلاة في منزله الا الامام يجتمع الناس عليه.

شام....راح خمس دقايق اقل واجه بيده ورقة انطانيها ورجعت للدكتورة بيها شافتها وابتسمت استبشرت خير وابتسمت وياها على الواهس

.....حامل مبارك الج حبيبتي راح اكتب الج مجموعة من المكملات تاخذينها وحبوب فقط اذا صار عندج غثيان قوي

......كتبت وكملتها وانا بعدني مصدومة ومن صدمتي عيوني كامت تمطر دموعي بدون ما احس بنفسي ورجلية رجفت ما كدرت اسيطر على نفسي كعدت على الكرسي وعيني بورقة التحليل

.....هاي شنو عيني ليش تبجين حبيبتي
شام....ما ادري والله بس انصدمت ما توقعت احمل
....شكد صارلج مزوجة
شام....سنة وشوية
....يعني بعدج عروسة ليش مصدومة كولي الحمدالله
شام...الحمدالله الحمدالله
..... انتبهي على نفسج كلش زين هاي الشهور الثلاثة الاولى تكون شوي خطرة لان الحمل ما ثابت والافضل خلي يثبت حملج وبلغي الاهل والاقارب وغيرهم

.... هزيت راسي بانصات لكلامها ولكيته فعلاّ واقعي هاي الاشهر الاولى خطرة تفطنت على المراجعات وسئلتها

شام....ماشي دكتورة هم يحتاج اسوي مرجعات وكل شكد؟
.....اي يعني كل شهر كلش كافي بس حتى نطمئن على الجنين وعلى صحتج كذلك
.....اخذي هاي الادوية من اي صيدلية ومبارك الج مرة ثانية

....تشكرت منها ونزلت نقابي مسحت عيوني زين رجعت لبسته وطلعت لكيت وارث منتظرني طلعنا انا وياه

وارث...شكالت الج الدكتورة
شام....تكول تعب طبيعي وانطتني علاجات
وارث.... الحمدالله دام ماكو شيء وصحتج بخير هساع شنهي نرد للدار
شام....تكدر تاخذني نزور
وارث....ما تعبانه؟
شام....لا ما بيه شي بس اذا انتَ تعبان عادي ناجلها
وارث....تدرين كلش زين انا تعبي يروح من اشوفن الگبة تلالي جدام عيوني يلا نتوكل على الله نزور ونتعشى ونرد للدار

......وصلنا هناك ودخلنا لصحن الامام الحسين وافترقنا هو راح لمدخل الرجال وانا مدخل النساء دخلت صليت وزرت بدموع شكر ما اعرف ليش جنت مايسة من الحمل رغم ما انا حاجية ولا مرة بهل موضوع ولا مخليته ببالي بس جنت مستبعده يصير عندي حمل يمكن لان طول فترة زواجي بـ ميمون ما صار عندي اي شي لهشكل استنتجت انا بيه خلل

.....دك جهازي باسم وارث طلعت مسلمة على الإمام لكيت وارث كاعد ولازم كتاب الزيارة اشرلي بيده توجهت يمه

وارث....تقبل الله
شام....من الجميع ان شاء الله
وارث...قريتي زيارة يو لاله
شام....لا كلت اقرها وياك

.... كعدت بصفه وهو فتح الكتاب توا بدأ بالنيه للزيارة
وارث....نويت ان ازور سيدي ومولاي ذخري وذخيرتي ابا عبد الله الحسين بن علي نيابة عني وعن والدي وعن.....
شام....وارث انا حامل