الم احل لك بعد

بارت ٥٦

&:
ألم_احـل_لـك_بعـد
الجزء الثاني بارت ٥٦
بقلم.... المـيࢪزا بتـــول
@user80208178

قالت فاطمة الزهراء (عليها السلام ):
((يا ابة، ذكرت المحشر ووقوف الناس عراه يوم القيامة، واسوأتاه يومئذ من الله عز وجل))

  شام
.... هز راسه وشال مواعين الجاي وداهن للمطبخ كعدت بالصالة انتظره يجي طلع من المطبخ وكف كدامي وهو يفتح ازرار قميصة الابيض كال

وارث....اخوج يريد يجي
شام....منوو بيهم
وارث....مؤمل
شام....شعجب؟ اتصل عليك شنو؟
وارث....اي اتصل عليه عباله احنا هناك ومن كلته رجعنا لكربلة كيف وكال هل يومين نجيكم

هزيت راسي اخذت من عنده القميص وكلت
شام....هلا بي
وارث....تدرين
شام....شنوو
وارث....جدي جامع ولد عمي رافع كلهم ويريد يزوج نجلة لواحد بيهم؟!
شام....صدك تحجي وارث
وارث....اي بالله
شام....وشلون يزوجون نجله خطية الى الان مامتخطية استشهاد زوجها شلون تعيش وي رجال غيره وتصير ملزمة بحقوق اله

دنك راسه ومسح جبهتة بجف ايده احس عاجز بان يفهم طريقة تفكير اهله او هو معارض الهم لكن ما يكدر يحجي ما يدل على كرهه الهم انما على اكو بعض التصرفات تصدر من الاهل احنا نشوفها من وجهة نظرنا تضر وتسبب مشاكل على عكس نظرتهم هم انقهرت عليّ ومسح على جتفه بيدي

شام....لا تعب نفسك بالتفكير حبيبي الله يسهل امر الجميع ان شاء الله
وارث....واسكت عن ظلم البنية موش بوكتها انعد
ظالم حقوق الناس
شام....وارث جدي اكيد ما راح يغصبها على الزواج هو راح يخليها بين امرين واكيد هي رح تختار الانسب الها ممكن الامرين صعبات والامرين بيهن نوع من القساوة لكن لابد ان يكون واحد منهن اهون من اللخ ما راح تنظلم بإذن الله
وارث....ان شاء الله
شام....تكوم ترتاح شويه

.....هز راسه وكمنا للغرفة هو بدل ملابسه واتمدد اخذته ملابسه خليتهن بالغسالة ولحكته نمنا اقل الساعتين وكعدنا رتبنه انا وياه الثريات والمكتبة مالته والكتب هو يرتبهن على حسب ما يريد على ما جهزت اله فنجان كهوة

.....بالليل جاب ولد شد الغرفة مالت الاخشاب وتقريب الشقه ترتبت وصارت حلوة ناقصها شغلات صغيرة مثل تبديل وجوه القنفات وكذا هاي بسيطة ما ردت اللح وياه لان اعرفه بعده ما مستقر بشغل ومنتظر يجي امره حتى يرجع للخدمة بالعتبة ما حبيت اضيق الخناق عليّ كلش جان الصبح والعصر يطلع يشتغل بمطعم والعصر بالخدمة التطوعية

.....بس لمن صار عنده دوام رسمي بالحوزة ترك الخدمة التطوعية جنت ابقى هواي فترات بالشقة بحدي اخلص تنظيف وطبخ وغسل ومسح وابقى صافنة شنو اسوي شوي شوي بديت اعود نفسي اروح لمكتبة وارث واشوف شنو عناوين الكتب الي تجذبني وابدي اقرأ واستوعب وافهم الي مكتوب والاصعب لو اتوجه لتلفوني لو وارث