&:
ألم_احـل_لـك_بعـد
الجزء الثاني بارت ٥٨
بقلم.... المـيࢪزا بتـــول
@user80208178
قالت فاطمة الزهراء (عليها السلام ):
فأكثر من تلاوة القران، والدعاء فإنها ساعة يحتاج الميت فيها الى انس الإحياء.
مليكة
.....شمرني من ايده وراح لحجرته فوك حبيت جف ايدي وحطيته على كصتي يكولون العگل نعمة مشكور محمود ربي طلعت توضيت ورديت للحجرة صليت وحطيت راسي على المخدة نعست كلش طبت عمتي تكلي علمود الغده گالت
كريمة....هاا ولج شوو نعستي
مليكة....عمه ما اريدن غده خليني انامن خاطر اجعد ازهب وياج للعزيمة
كريمة....على راحتج
....خلت وطلعت من الحجرة غطيت روحي وحليت شعري عبن راسي صدع كلش تووني غفيت واسمع صوت باب للحجرة انفج واهيس خطوات بالحجرة ثكل اتخله حذه من ظهري فجيت عيوني وانداريت اعاين اله عگاب حط هبة يمي
عگاب.....خليها يمج انا ماشي
.....هزيت راسي ورديت سديت عيوني ماكوو نص ساعة ورد الباب انفج من تعبي ونعستي لا اطير ما فجيت عيوني ولا عاينت ياهو طب لجن حزرته عگاب من انطرح بظهري ولمني بحضنه ظهري بصدره ما حجيت ولا كلت ولا خليته يدري بيه انا واعية نمت وما وعيت بس على صوت عمتي تداهر وياه وهو بعده نايم يمنه
كريمة....ولك عمه كووم ووعي مرتك وياك ما تكلي شجااكم وشنهي سالفتكم مفجوعين على النووم
عگاب....كريمة بروح اهلج خليني شووي واكوومن.
كريمة....ياا عمت عين العدو كريمة حاف شنهي ولك شوو شلت المستحى كلش.
عگاب....هساعة انتِ زعلتي من كريمة يلا ولا يصير بخاطرج عمتي كريمة وتاج راسي لجن عليج الحسين خليني نايم متنهي يم اهل بيتي.
كريمة...شنهي وولك ما عدكم حجرة نايمين هنانه انتَ واهل بيتك ومتونسين وانا حارميني من نومة الظهرية.
عگاب....هي غير بتت اخووج قفلت فدد نوبة ماا ترضا حتى اطب لحجرتها تاخذ سلابات الها.
كريمة....جاا شنهي حبيب نسيت شسويت بيهاا يو يعتاز اذكرك.
عگاب....غلطت بويه هسااع شنهي انا معصوم وما اغلط وحجيت وردت بس احج وياها واراضيها واطيب الگلوب بينا بس غيااد ما يرضه حتى اتگرب الها ما تشوفيني كاضب روحي عنها كوه عليه.
كريمة....حتى تدري وراهاا ظهر جا شنهي تايه الك.
عگاب....عميمه ظهريش ماا تكليلي هي غير حرمتي هسااع يو اخذها
واهج بيها واخلي شيخ غياد يدك خماس باسداس ما الكم حگ عليه بويه مرة وزلمتها انتم ياهو مالتكم حاطين عصكم بشغلة ما تخصكم .
كريمة....عود يو رضت تهج ويااك احج بحيل صدر
يلاا فز ولك موش نادر بس تاخذني بالسوالف.
عگاب.... ما اكومن دامج شااده وياي وحاطة كورج من كوري مثل ابوج عدج حجرتنا يو حجرة ابوج روحي الها انا مرتااح بصف حرمتي
كريمة....يمه يمه لحكيني شوون بيه بعگاب رااح يجلطني
ابن رافع ما اله لا رداد ولا صداد.
