الم احل لك بعد

بارت ٦٣

&:
ألم_احـل_لـك_بعـد
الجزء الثاني بارت ٦٣
بقلم.... المـيࢪزا بتـــول
@user80208178

قال ابا الفضل(عليه السلام ):الصدقة دواء منجح
بغداد....انا للان ما فهمت شكو شخصني بهذا الموضوع يعني هذا الامر يخص يخص حياتكم الخاصة انا شنو مطلوب من عندي واكدر اسوي

كنوز....تكدرين تسووين بغداد انتِ اعز من اخت الي وتعرفيني انا شكد مهووسة بمعتصم وشكد احبه واخاف من كل النساء الي داير ما دايره لان غالباً يحبن المظهر والمادة وما يردنه لان هو فعلاً معتصم فـ قررت ازوجه وصراحة ما الكه احسن منج ولا وحده أمن بيها بكدج وامن هي ما راح تاخذ معتصم مني وتخليني بالركن شنو تكولين لو تزوجين معتصم؟

بغداد....شنووو؟!
كنوز....اسمعيني بغداد للاخير وبعدين حكمي الله يخليج

.....نفرت ايدها مني ووكفت على رجلية ما مصدكة احس براسي صار صووت صفاارة كد ما مصدومة من كلامها

بغداد....ما اريد اسمع كلشي ما اريد اسمع ماا اعرف انتِ بعقلج جايتني اطلبين هذا الطلب لج كنووز انتِ اكثر وحدده تعرفيني شكدد احب ميمون واعشقه حد الجنوون گلبي تسجل باسمه ومستحيل بيوم من الايام اتقبل شخص غيرره بحياتي ولو كان اسماً بس، جاايه هسه اطلبين مني هذا الطلب الي اصلاً اشووفه تصرف موو عاقل وجنوووني
كنوز....والله ااعرف اعرف شكد تحبين ميمون وشكد تاذيتي على فراكه بس انتِ ما جاي تخليلي فرصة اووضج الج بيها الامر
بغداد....ما يحتاج توضحين ولا تكوولين اي شيء اكتفي بالي سمعته منج وياريت تحترمين العشرة الي بينا وتنهين كلشي يربطنا، اذا جانت معرفتكم بيه معرفة مصلحة ومن هذا القبيل فانا ما اتقبلكم بحياتي بعدد وياريت هل كلام يووصل لزوجج هم

.....وخرت من يمها سحبت كوت الي وطلعت من الشقة وانا متاكدة بس ارجع ما راح الكاهم فعلاً طلعت مستعجلة لشغلي وامسح دمعتي بيدي كلما تنزل البرد القارص بتركيا وجوها المجمد ما جاي احس بي كل احساسي محصور بالحرارة جاي تطلع من جسمي من حركة گلبي

.....ليش هيج الناس وحووش؟ وليش ما ترحم الضعيف؟ وكأنما هم مجردين من الاحساس والمشاعر والانسانية كلها الناس ضيعت سبل المعروف ويمكن هذا الامر حقيقي موجود بكل النفوس البشرية بس بحكم احتكاري وي ميمون بشقة وحده بدون طلعة بدون اذنه او علاقات وي عامة الناس او صديقات خارج اطار دراستي لمن جنت طالبة خلتني ما اعرف هاي الاصناف البشرية المتوحشة

.....وصلت لشغلي معتذرة من الادارة وتوجهت اشوف الجدول مالتي بعدها انتقلت يم الاطفال حتى اعرف حصصهم لليوم وشنو النشاطات المطلوبة من عندي وبين فترة والثانية اسجل ملاحظات عن كل طفل مقابيل اسمه لان كل واحد منهم عنده سجل خاص بي والمفروض تدون بي كل معلوماتة بدون نقصان ولا زيادة

......لمن خلصت الدوام رجعت امشي بخطوات ثكيلة اجر نفسي غصب عليه من جهة عقلي يكول اكيد ما راح يبقون بعد النقاش الي صار ومن جهة ثانية ما اريد ارجع للشقة وابقى بيها وحيدة مثل كل مرة كلش كارهه هذا الاحساس بالضعف والخوف من الوحدة الغريبة والمريبة الي جاي اعيشها