الم احل لك بعد

بارت ٥٣

&:
ألم_احـل_لـك_بعـد
الجزء الثاني بارت ٥٣
بقلم.... المـيࢪزا بتـــول
@user80208178

قالت فاطمة الزهراء (عليها السلام ):
  لا تصلي علي أمة نقضت عهد الله وعهد أبي رسول الله في أمير المؤمنين علي، وظلموا لي حقي، وأخذوا ارثي، وخرقوا صحيفتي التي كتبها لي أبي بملك فدك.

شام
السابع.....

....من بداية اليوم الساعة بالأربعة الفجر بعد الصلاة ذبحوا الذبايح وصار الطبخ بالبستان لهيج قفلنا باب المخزن المتصل بين البيت وبين المخزن ومن الساعة بالسبعة البيت فرغ من الزلم كلها طلعت لان أقاربهم من النسوان بدت تتوافد وتدخل للبيت والمشكلة كلها جاي ما متريكه وتريد ريوك وانا ومليكه متحزمات على المطبخ وعمتي كريمة وتنسيم والعلوية للنسوان يستقبلن التجي خصوصاً اليجن يعني نسوان شيوخ ونسوان كبار بالعمر والمقام يعني زوجات شيوخ وحتى من المحافظات جايات.

.....وللأمانة أنا ما جنت اطلع من المطبخ ما اعرف احس استحي وبعدني ما متعوده على هاي المجالات كلها والمفروض لمن تطلع تسلم على على كل الموجودات وما اعبر وحده منهن جنت مرتاحة لوضعي الا ما فد ساعة صاحت عليه عمتي كريمة حتى اطلع اسلم على نسوان أقاربهم من بعيد والفهمته هم اقارب لخوال وارث الي ما شايفتهم أصلاً ولا اعرفهم عدلت ربطة حجابي وطلعت
سلمت وكعدت يمهم من باب المجاملة فد شووي واسمع عيطة مليكه ووصوت وكعه على الأرض

.....كمت بسرعة اركض الصوت جان صوت طبه عالية وميزتها وكعة انساان على الأرض  طلعت من الهول للمطبخ واشوفها مغمي عليها وواكعة بالأرض ركضت عليها أصيح باسمها وعمتي وراي هم ولمن ركضت اجيب الها ماي حتى اشمره على وجهها انتبهت لشغلة اكو رجال واكف كدام باب المطبخ شايل على جتفه جنطة بعده ولد شباب ولمن ركزت أكثر جان واكف صاافن ومصدوم من شي وانصعقت من شفته فارس !!!

.....باللحظتها تصنمت وتشجنت وحتى طااسة الماي طااحت من ايدي ضليت صافنة على الواكف كدامي
بس عقلي جااي يستوعب ويفكر ويحلل ويستنتج  هذا الكدامي موو فارس لعدد منوو صيحة عمتي وعتني وركضتني مره ثاانية اركض اجيب ماي واسحب مليكه من مكانها اواعيهاا واكعدها وعمتي راحت للواكف كدامنا صافن علينا وكانما اول مره يشوف كدامه نسووان صاحت بي وجرته زايحته من أيده اخذته عن باب الصاله المفتوح على النسوان

.....كعدت ملكيه وهي مصدومة احاجيها ماا تحجي دقائق وصفنت عليه بعيونها تباوعلي نظرة المصدومة والمتفاجئة حركت شفايفها بدون صوت رجعت حجت كالت

ملكيه....شفت فاارس
.....هزيت راسي بـ اي وما ادري شنو احجي شنو اكول اريد اكلها شفت فاارس بس مو فاارس نفسه اكو شي غلط ما اعرفه شنوو
مليكه...حااجيني شاام فاارس جاان جدامي ولعباااس عاينتله بهااي عيني

.....ما عرفت بوقتها شنو ارد عليها الي شافته صدك ومو جذب احس البيت كله دخل انذار وهذا الشخص دخلته عبارة عن إعصار يزلزل اركان البيت