الم احل لك بعد

بارت ٦٠

&:
مساء الخير
ألم_احـل_لـك_بعـد
الجزء الثاني بارت ٦٠
بقلم.... المـيࢪزا بتـــول
@user80208178

قال ابا الفضل(عليه السلام ):
إذا تم العقل نقص الكلام

.....مليكة

.....دكيت باب الحجرة وفتت مدنجة راسي متعمدة خاطر عيني ما تصد اله عبني انا ما شايفته ولا شايفني من نهد ما سوا العملية
جعدت حذه من حبوبتي عود اضمن روحي من عيونه اعاين بس جف ايده كاض سبحة سوده وبيها نقاط ابيض يفر بيها كفة دشداشتة العدلة من الكوي مدري عليش ضليت اتفطن على هجي شغلات حد ما وعاني جدي من صفنتي كال

غياد....بويه مليكة هاي انتِ جدام مني وهذا ابني عمج وزلمتج وابو بتج هم جدامي والزلمة غلط ما اكلج لاله لجن تحاسب واخذتي منه حگج مربع يوو ما جر اذنه وكاال التووبة من هاي النوبة
وهساع الزلمة هم جاي يتعذر منج ويريد يردج اله ان جانج الج نفس وتردين اله راضية؟ ويو ماا رايده تردين بعد ما الج عليّ حجة ولا عذر عبن امه عمتج ام عگاب تزن وتحن فوك من راسه تريد تعرس اله

....فزيت من جلمة "تعرس"  جنها سهم دش  بصدري واستقر بنص گلبي، عيوني دمعت بسااعة، رفعت راسي وصديت اله لكيته يعاين اليه
نفس نظرة عيونه بهذاك اليوم ما ادري عليش هو كلما راد يكسرني ويقهرني يجيب طااري العرس والمرة رديت عيوني على جدي وحجيت

مليكة....وهوو راضي بحجي امه...

درت راسي جريت نفس حيل وجنه الهوى ضاك بالحجرة مامش هوى يطب لريتي، رديت عيوني الهم وكملت حجي وجلماتي تنجر مني جر

مليكة....راضي بحجي عمتي؟
غياد....هذا هو جدامج منج اسألي بووويه ويو ردتوا نخليكم انا وحبوبتج وضلوا راسج من راسه واحجوا وفرغوا شنهي عدكم بگلوبكم.

مليكة....لاله جدي انا ما اريدن اضلن لجالي وياه خلي بس يرد عليه هوو راضي عگل وگلب بحجي عمتي؟ اهوو يريد يعررس؟

رفع راسه عگب ما جان مدنك بالگاع عصر سبحتة بجف ايده وصوت الخرزات جن انمردن بجفه مثل ما مرد گلبي بحجيه.

عگاب....مليكة انا تعبت ومليت وما خليت على روحي عذر ولا حجة يوو ما الج رده من هل ساعة اي راضي اعرس

......  أحس گلبي يتهشم  وحجاية وحدة من عده خلتني اشب وانطفي
الدمعه طاحت من عيني بهظم واحسنها حركت خدي جنها لسعة نار على جلد ترف هي موش بس حجاية من عنده بوگتها
جن الدنيا سدت بيبانها بوجهي، عليش هجي بايعني برخص شنهي سويته واستاهل من عده هاي المعاملة؟ شنهي ذنبي؟
حجاياته دخلت مثل سچين بصدري وما طلعت غير لمن شگت گلبي وطرته نصين

.....دنكت امسح دمعتي بجف ايدي وانا مدنجة راسي احس مستحية من روحي عليش ابجي؟ وهو بايع ومخلص شنهي عگاب يستاهل دمعتي؟

.....وكفت على طولي وحجيت عگب ما الحجايات جرحن بلعومي يلا طلعن

مليكة.....سوي الهاوي يا ابن عمي