الم احل لك بعد

بارت ٤٩

b𝓪𝓽𝓸𝓾𝓵 𝓪bb𝓪𝓼:
ألم_احـل_لـك_بعـد
الجزء الثاني بارت ٤٩
بقلم.... المـيࢪزا بتـــول
@user80208178
قالت فاطمة الزهراء (عليها السلام ):
((  نحن وسيلته في خلقه، ونحن خاصته ومحل قدسه، ونحن حجته في غيبه، ونحن ورثة أنبيائه))

شام
ـبعد مـرور شهـــر
انا على مصلايتي واديه مرفوعة للسماء بالدعاء والتوسل لـ رب العالمين حتى يسهـل الامر هذا اليوم الي وعدني بي  وارث بان اهله اليوم جايينه
حتى يمشون بأمر الخطـوبة وراه كل ذيج التخطيطات

.....كلي جـنت ارجف وكلي جنت خايفة وبين فترة وفترة احس اكو لمسة ومسحة ايد باردة على گلبي تهدأ من خوفي وقلقي على حجايه وارث هاي مسحة الايمان

.....بعد ما ختمت دعائي قريت دعاء التوسل بأهل البيت عليهم السلام اتذكر هذا الشهر شلون مر بكل مره اتذكر اهله راح يجون كلبي ينقبض ومن اتذكر كلامه وياي وشون يحاول يبث الاطمئنان الي اهدئ واكول كلشي راح يتسهل بأمر من رب العـالمين

.....كمت من المصلئ صفطتها طلعت الي فستان اسود مشجرد بورد لفيت شعري بـبوند لونه من لون الفستان طلـعت من الغـرفة ولكيت ام مقتدئ كاعده تخـابر دخلت للمطبخ اغسل شكم كلاص باقيات على السنك واسمع حجيها عرفتها جاي تحجي وي جده وارث انقبضت بطني وگلبي وحتى الكلاص طاح من ايدي رجعت شلته غسلته وكعدت على كرسي اكمل استماع حجيها بكل حواسي وكأنما كلهن صارت قابلات للسمع

......خلص الاتصال وصارت الصالة هدوء كمت بـسرعة حتى اشوفها شنو اسوي شفتها كامت وراحت دكت باب غرفة مهمين طلعت اله مرته كالت الها خلي يجيني للغرفة وهي راحت لغرفتها دخلت صدك شوي وطلع مهمين من غرفته غسل وجهه و راح لأمه كعدوا بالغرفة بينهم يحجون وانا بره انشووي على اعصابي فز گلبي وكلي فزيت لمن سـمعت صوت مهمين يصيح بأسمي احس حتى النفس صعب عليه الحرارة انتشرت بكل جسمي جريت نفس بانتظام وراحت للغـرفة
احاول اعتدل بمشيتي وكدرت بس الله يعلم بگلبي شلون يرجف مو يدك

......مديت راسي من الباب ما جان مفتوح وحجيت
شام....صحتني مهمين
مهمين....اي تعااي شوي بله
....دخلت للغرفة كعدت كباله وامه هم مكابلتني بقيت اباوع بوجههم حتى ما يبين عليه الارتباك ما نزلت راسي

مهمين....اكو عـالم جايين عليج وتردين الصدك شام انا سالفه تضلين تنتظرين نائل ما مقتنع بي، وبشهادة اخوانج البارحة حجيت وياهم ما الها معنى من موكفين قسمتج علموده وهو بعد من سفره لا رد النا خبر ولا ندري بي اله نيه حتى يرجع هنا لو لا، وانا سمعت طراطيش يكولون متصالح هو ومرته علمود ابنه، يعني انتِ حسبي حسابج حتى وان صارت ورادج ترا تضلين يمه على العقد الشرعي بس اي حقوق هناك بقانونهم ما الج لان ما يصير  عدهم الزوجة الثانية فـ انا اكول نشوف هذول العالم الجايين اذا خوش ناس والهم سمعتهم الطيبة نتوكل على الله انتِ شتكولين؟