رجال لكن ظرفاء

حكاية يونس و مريم (٣)

_أنت بتعمل كدا ليه!
=بعمل ايه!
_كملت: أكيد انت مش هتفضل كدا على طول!
=اتنهد و قال: و ليه مستغربة! دا العادي و حقك عليا إني اعامل مراتي بالحُسنة و بما يرضي الله مابالك بقا انتِ مش بس مراتي، انتِ مراتي و...
سكت و مرضيش يكمل و أنا كمان سكت...
تقريباً زي مابيقولوا من اعتاد الغدر و الخذلان مابيصدقش صدق اللي قدامه..
و انا ماتخذلتش من اي حد
أنا اتخذلت من اهلي اللي لحد دلوقتي مفتكرونيش بمكالمة تليفون يطمنوا عليا!
اتنهدت و بعدها قُلت:
_أنا آسفة
=ليه!
_على كلامي و اسلوبي البارد معاك و...
=قاطعني بابتسامة:انتِ جميلة أوي يا مريم...
اتفاجأت
اتصدمت
و حسيت بخدودي اللي احمرت و سخنت من الكسوف!
إيه دا!
ليه يقول كدا دلوقتي!
ثانية واحدة دا طلعت ابتسامته بغمازة!
و...
في إيه!
و فجأة تاني لقيته بيقول بنفس الابتسامة:
_يلا كُلي يا مريم عشان ورانا شوية لعب بلايستيشن للصبح
=أنا مش بعرف العبه
_هعلمك...
و فعلاً بعد ما خلصنا  الأكل لقيته بيشيله معايا و هو بيتكلم في حاجات كتير و اغلبها حاجات بتضحك و قدر يرسم البسمة على وشي بدون ارادة مني!
و كمان فضلنا بنلعب بلايستيشن و علمني و اندمجنا لدرجة إني أنا نسيت كل حاجة و أي حاجة، بس كنت مهتمة اغلبه زي ما بيغلبني كتير!
و خلص اليوم بين كلامه و سكوتي و اللعب و الضحك و نمت...
نمت لأول مرة من وقت طويل انام من غير ماقعد فترة طويلة على السرير في تفكير زيادة مابيخلصش...
تاني يوم فضل برده يتعامل معايا بطريقة جميلة و مريحة و انا شوية شوية بدأت اشاركه الكلام!
و الجميل إنه مخلانيش انزل معاه لمامته اللي مش طايقاني
و مرضيش يروح لمراته الاولانية اللي خبطت علينا و بدأت بخبث تحاول تدلع عليه و شغل الضراير دا و قالها إنه مش حقها دلوقتي أي حاجة لاني أنا لسة عروسة مش هايسبني!

مش عارفة في إيه!
بس كل اللي عارفاه دلوقتي إني بدأت ارتاح لمعاملته دي، بس في نفس الوقت خايفة و مستغربة و قلقانة!

لحد ماباليل اتفاجأت بماما و بابا بيزورونا و كانوا قاعدين في شقة مامته و باباه و طبعاً مرآته موجوده، كنت رغم القهرة منهم فرحانة عشان جولي و أحس بشوية اهتمام...
لكن...
مش دا اللي حصل...
اتقهرت تاني بطريقة اكبر و ابشع من أي مرة...
كانوا بيتكلموا عني وحش!
بيقلوا مني!
قال يعني عشان يكسبوا بونت قدام اهل يونس!
عشان...
عشان هما أغنية و ليهم معارف!
قلوا مني!
و طبعاً حماتي ماتوصتش كانت هي كمان بتقول حاجات كتير!
و ضرتي بتبصلي بشماتة!
كنت ماسكة الدموع على شعرة
بس لقيته هو مسك ايدي جامد و بصلهم كلهم بغضب و قال:
_مراتي مافيش زيها في الدنيا و أنا اللي ليا الشرف إنها اتكرمت و وافقت عليا، و اللي يمس مراتي يمسني و مش هسمح لأي حد مهما كان مين إنه بس يفكر يضايقها!
و سحبني وراه و طلعنا الشقة و سيبناهم و أنا كأني من جوايا متكسر...
يتبع...
#رجال_لكن_ظرفاء_(حكاية يونس و مريم)
#غادة_عادل