رجال لكن ظرفاء

حكاية طارق و نسمة"٣"

_بعياط:يعني أعمل إيه دلوقتي! والله مش عارفة!
=ضحك: مش قادر
_بطّل ضحك انت كمان!
=مش قادر
_يوه بقا! طب بُص بيعيط إزاي و هو واكل و شارب و أخد دواه و كل حاجة أفهم بقا بيعيط ليه دلوقتي!
=حضني و باس راسي: يا حبيبي هوني على نفسك، واحدة واحدة هاتتعلمي، اقولك اقريله قرآن و انتي بتتمشي بيه و هيريحك عقبال مادخل أغسل المواعين...

قد إيه هو رجل جميل و حنين
هاعوز إيه من الدنيا غير إنه يكون بالجمال دا
مهو الواحدة مش عايزة غير شوية حنية و تفهم و هو ماشاءالله عليه بيعمل كدا بشكل مفرط...
رزقي من الدنيا هو و ابننا...
باصيت لحبيبي التاني اللي أنا شايلاه و بتمنى يطلع جميل كدا زي أبوه...
هو آه صحيح أبوه ساعات بيجلطني بس حنين
كفاية إنه بيجاهد عشان يكون شخص أحسن و اكتر قرب من ربنا
كفاية كلمة حبيبي دي والله
ضحكت على نفسي و ابني اهو بدأ ينام و انا بخلص قراية قرآن..
لقيت طارق جاي بهدوء يقعد جنبي و همس بعد ما باس جبيني :
_تعبك أنا عارف، ربنا يقدرك علينا
ابتسمت بحب ليه على زوقه و اهتمامه و قُلت:
_أنا بحبك على فكرة
ضحك و قال:
=عارف على فكرة
قومت دخلت الولد على السرير جوة و مسافة م فكرت اخرج لقيته بيعيط!
و الخنزير طارق قعد يضحك!
شلته و بدأت اعيط انا كمان معاه و التاني لسة بيضحك برده

_سأخبر الله بكل شئ!
=اهدي بس
_اهدى ايه! بطّل ضحك و الله حرام!
=حبيبي انتِ قدها هو بس...
_أنا مش قدها أنا عايزة اروح  لماما!
=نعم ياختي!
_آه
=تك اوه!
_و عايزة عيدية
=نعم! عدية ايه دلوقتي!
_عدية رمضان
=نعم ياختي!
_اه عشان هاجيب عباية سودا عشان اصلي بيها التروايح
=طب بطلي عياط الأول و سكتي الواد دا
_و هتديني عيدية رمضان!
_ضحك بغلب: ماشي و كلها شوية و هتقولي عايزة عدية العيد!
=آه مادي هاجيب بيها لبس العيد و بلالاين
_متجوز بنت اختي!
=متجوز حبيبتك
_دلوقتي بطلتي عياط!
=آه مخلاص هاتدفعلي بقا
ضحكنا و ابننا سكت حضنا طارق أحن الاتنين و قالي و عيونه الحلوين في عنيه اللي بتحبه زي قلبي:
_كل سنة و انتو معايا
=كل سنة و انت حبيبي
و دي كانت حكايتي مع الغلط اللي اتصلح رضاء لربنا و وصال لقلبنا، و حكاية الجملة  اللي دايماً بيقولها لي"الصدف نعمة و أنت أكبر دليل".
#رجال_لكن_ظرفاء(حكاية طارق و نسمة)
#غادة_عادل