رجال لكن ظرفاء

حكاية أنس و رحمة"٢"

_خلاص ماتزعليش بقا
=أنس أنت بتستعبط !
_هو انتِ لسانك بقا طويل و أنا ف السفر و لا انتِ كدا من زمان و مش واخد بالي!
=بتهزر!
_مخلاص بقا عرفت إني غلط و جاي اراضيكي!

سكت و ماردتش فقال بعد ما أخد نفس عميق:
_شكله بيحبك، نظرت عيونه و تصرفاته هي اللي خلتني افكر كدا
=أنت تعبان في دماغك بجد
_و انتِ لو اتلمتيش هاديكي على وشك!
=أوف! يلا امشي من هنا أنا عايزة اقوم انام
_قومي اتخمدي، أنا قاعد في شقة عمي
=إنسان لا يُطاق
_و لما اجيبك من شعرك هاتتأكدي إني لا أطاق

زعقت و انا بنادي على ماما اللي جات بخوف و صدمة :
_في إيه يا رحمة مالك!
=البيه عايز يمد ايده عليا! فاكرني هاسكت! قُلتلكوا دي خطوبة فاشلة يلا اديله دهبه و افسخيها ياماما

سمعت خطوات رجله و هو بيقرب مني بدأت اتوتر بجد منه:
_أوعى تفكر إني عشان عامية يبقى مكسورة الجناح و لا...
=زعق:اخرسي شوية!... و انتِ يا مرات سبيني معاها شوية هاعقلها و إلا هاحدفها من البلكونة و نخلص...
_أنت ازاي ت...
=زعق:انتِ تسكتي خالص! اقعدي!

قعدت بتوتر و قلق
أنا قُلت همجي و مش عايزاها الجوازة دي!

سمعت صوت خطواته و هو بيقعد على كرسي قريب مني، أخد نفس عميق و بعدها قال:
_مش هاتبطلي تقولي على نفسك عامية!
=مادي الحقيقة إيه هانزيفها!
_بس...
=أنا عارفة نفسي كويس على فكرة، زي ماعارفة إن الخطوبة الهم دي هاتتفشكل، زي مالازم تعرف إن حياتك لو أصلا الجوازة دي كملت مش هاتكون زي أي جوازة و...
_اسكتي بقا!
=بتردد:ماتزعقليش أنا... ماتشخطش فيا...
_و بعدين معاكِ يا رحمة!

سكت
و هو كمان سكت

لحد ماقال:
_ليه مانتكلمش بهدوء!
=عشان البداية من الأول غلط
_ليه!
=أنت مش عايزني و انا مش بفكر أصلا
_مين قالك إني مش عايزك!
=أنس قُلتلك ماتستغبنيش!
_اتنهد:خلاص انتِ عندك حق ابويا و ابوكي اللي طلبوا مني اتجوزك
=نزلت دموعي بحزن:و ليه توافقهم!
_دا الصح
=أنا مش عالة!
_مش قصدي و...
صرخت و أنا بقوم مرة واحدة :
_أنا مش عايزاك! و لا عايزة حد! أنا مش هاقبل التفكير و الطريقة دي!

و سيبته و دخلت اوضتي و قفلت على نفسي و انعزلت بنفسي و بعياطي الهستيري
حاسة بوجع في قلبي
كلهم وجعوني
أهلي اللي فاكرين إن طريقتهم صح
و هو...
فضلت اعيط لحد ماحستش بنفسي و فقدت الوعي...
يتبع...
#رجال_لكن_ظرفاء(حكاية أنس و رحمة "٢")
#غادة_عادل