رجال لكن ظرفاء

حكاية طارق و نسمة"١"

_اقبليني و اجيبلك ورد
=لسة ماحرمتش!
_عادي كانت بنكشك و كنت مستمتع بنرفزتك
=أنت مجنون
_عارف...

"أداري إيه أنا ولا إيه
دانا يا شوق فيا اللي فيه
دا حالي أصعب من حاله
وجرالي أكتر ما جرا له... "

الإنسان و قلبه مهزأين
و عجيب أمره عارف الغلط و بيروح يعمله!
و الأعجب إنه عارف اللي هايجبله وجع قلب و بيروحله بمحض إرادته!

"اغيب و اقول دا زمانه نسيني
ماهو لو ينسى هاينسيني
طول ماهو فاكر
هافضل فاكر
أيوة امال انا بسأل ليه.. "

سيبت كل حاجة و مشيت
اختفيت
هربت
عشان حبيته
و أوي
نقطة ضعفي
و ازاي بس ماحبهوش!
واحد بيعمالني بحنية الكون بطريقة اوقات مكنش مصدقة
بيحترمني جدا
و صدقه دايما بيظهر في تصرفاته و كلامه
و دايماً بايع كل حاجة عشان يشتريني أنا
و مهتم بتفاصيل انا اوقات كبنت بكون مش واخدة بالي منها
و متمسك بيا دايما بطريقة مش بستوعبها ساعات
جرجرني لحبه و لعالم غير العالم بتاعي
حاجات و عالم مختلفين عني
مش زي ما متعودة
و لا زي ما تربيت
و وصلني إني بقيت اعمل حاجات ضد مبادئي
و خلاني ارتبط بيه!
كنت عارفة إنه غلط
بس وافقت!
لحد مخلاص مابقتش قادرة
و آخر فترة كنت بعيط بندم كل يوم قبل مانام
أنا استحليت الغلط
و مليون طريقة للندم
و مليون سؤال للتشكيك فيه
أقلهم، طب طالما هو كدا ماجاليش بشكل صح و رسمي ليه!...

_هاتتبسطي و ماتخافيش أنا معاكي و مش هاسمح لحد يقربلك و لا يمسك حتى

افتكرت اخر مرة
كان واخدني حفلة مع صحابه لمغني مشهور
و دي كانت جملته أول ما دخلنا المكان
بالفعل كان محاوط عليا بحماية مبالغ فيها عشان ماضيقش و لا أخاف
وقفت في وسط كله مستمتع و عيني على كل اللي حواليا و أصحابه اللي حاجات كتير غلط بالنسبة ليهم عادي
و عليه
كان مبسوط اوي
و في اغنية كان بيغنيها بشغف مع المطرب و هو بيبصلي أجمل نظرة على الإطلاق
بس وقتها أنا اخدت القرار
خليته يتلهي مع حد و سيبته و مشيت
عيط كتير
و لسة بعيط
و سيبت كل حاجة و روحت شغل في محافظة غير المحافظة
واختفيت من غير ماديله فرصة للشرح و لا إنه يوصلي...
و اديني اهو بهلك نفسي شغل و لسة مش عارفة انسى
قلبي واجعني اوي
بس بقسى على نفسي أوي أوي و أجبرها
مهو القرارات الصح دايماً بتكون عكس الهوى

فجأة و انا قعدة في كافيه تحت العمارة اللي انا ساكنة فيها و بكلم ماما بطمنها عليا، لقيت اللي بيقعد قدامي و بيقول :
_٨ شهور و ٤ ايام و كام ساعة، طلعتي جاحدة
=طارق!
يتبع...
#رجال_لكن_ظرفاء(حكاية طارق و نسمة"١")
#غادة_عادل