رجال لكن ظرفاء

حكاية بلال و بسمة"٢"

_اخلصي و اتكلمي مش فاضيلك!
=أنت قليل الزوق بجد!
كنت هامشي بنرفزة وقفني:
_استني هنا! جاية لهدف يبقى تعمليه مش تمشي زي العيال
=أنا مش عيلة!
_بسخرية :مهو واضح
=دمك سم!
_هارد رد مايعجبكيش فتدبدبي في الأرض زي العيال برده و تندهي أمك و تعيطي
=أنت ا...
_عايزة إيه يا بسمة اخلصي
=كنت جاية اشكرك على موقف الرجولة بتاعك معايا بس أنت رخم!

ابتسم ولأول اركز في تعبيرات وشه و اشوفه بصورة مختلفة!

_عادي يعني مفيش داعي للكلام دا، إحنا أهل
=بس مكنتش متخيلة بجد شخصيتك التانية دي، شكلك طيوب خالص عن كدا
_منا عارف
=مترزلش عليا يا رخم و أنا جاية في هُدنة
_ماشي...

و قد بدأ الأمر بهدنة
و بدأ يكون في مواقف لطيفة زي مثلاً إنه بقا يوصلني لأماكن أنا معرفهاش
اللطافة مش في كدا بس
دا في إنه بيسيب اللي وراه و يقولي :
_عشان أطمن اكتر و انتِ خيبة أصلًا

و الحقيقة أنا خيبة فعلًا هو ماكذبش
بس دايماً بظهر العكس
عشان بخاف
الناس تخوف
و اللي يخوف أكتر...
الحب...
دايماً خايفة منه
و خايفة أدي لحد فرصة أساساً
أنا بخاف من بعدين
و خايفة لاحب حد مايكونش أهل للحب دا و لا للثقة
بس يبدو إني بقع بشويش...

_أنت يا بتاع السندوتشات
=عايزة إيه يا كوافيرة
_ماما بعتالك الزلابية دي
=طبعًا الكونتيسة نازلة متكدرة!
_قُلت أخد ثواب في واحد بتاع سندويتشات مسكين

قبل مايرد لقيت واحدة زبونة، تحديداً هَشكة و بتسبلّه و بترّفع صوتها!
يادي النيلة المنيلة عليا أنا متغاظة كدا ليه!
دي بتتسهوك!
و هو بيتكلم بهدوء كدا ليه!
مابيرخمش غير عليا!
يادي المصيبة دي تعمدت تلمس إيده و هو بيديها الاوردر بتاعها!
بعد إيده بهدوء من غير مايشتمها!
شاطر بس يزعقلي و يرخم عليا انا!
َو انا لسة واقفة ليه!
و لساني ماسكتش!

_طب مانت هادي و راسي أهو مابرتخمش غير عليا ليه!
ابتسم!
عيونه...
عيونه بصتلي بنظرة فيها كدا اللهم أجعله خير حنية!
=دا اسمه نَكش يا كوافيرة
_نَكش!
=آه متعرفيش إنه النَكش دا محبة و إهتمام!
_دا إسمه عبط و قلة أدب!
#يتبع...
#رجال_لكن_ظرفاء(حكاية بلال و بسمة"٢")
#غادة_عادل