_ استهدي بالله!
=قولتلكم لأ يعني لأ!
_يا حبيبتي دا كل يوم يجيلك و أهله بيحاولوا معاكِ و انتِ برده مش راضية تديله فرصة!
=قراري و اخدته و لو جيه تاني برده مش هاقبله
_زعقت:جرا إيه يابتول عمل إيه عشان تتكبري عليه كدا!
سكت
و هي يأست و خرجت
و رجعت أنا تاني لعياطي و قفلتي على نفسي في الأوضة
عمل إيه!
وجع قلبي
مابقتش اطمن!
خايفة
رغم إني قلبي بيحبه و كل مرة بمنع نفسي بقوة جبارة إني مقابلوش
واحشني
بس نفسي أنا كمان عزيزة عليا
و ازاي عايزنّي اكمل معاه و أنا حاسة إني مش مهمة عنده
و بنت عمه ربكته
بقا ازاي هدافع عن حقي فيه و أنا حاسه إنه مش مديني الحق دا!
يارب يا عالم ما في الصدور...
#####
_و أخرتها يا علي!
=إيه يا ماما!
_ينفع اللي أنت فيه و مراتك دا!
=مش هسيبها
_طب ليه توصلها لكدا!
اتنهدت و سكت و خرجت بيأس مني و من الموقف كله...
محدش فاهم
و هي مش راضية تديني فرصة
أنا بس مكنتش فاهم
كنت بحاول اتحقق من مشاعري
أنا...
أنا مش كويس من غيرها
حاسس إني حاجة كبيرة نقصاني
وحشانى لدرجة إني بقيت ولا المراهقين كل يوم اروح استنى تحت البيت يمكن اشوفها لو حتى من بعيد...
و هي و كأنها حالفة إنها تدوس على قلبي...
انا بس...
مكنتش فاهم...
اكتشفت إني معاها بكون حد تاني...
بروح تانية و شخصية مختلفة...
بضحك من قلبي...
بكون مرتاح
مطمن
و اكتشفت برجوع بنت عمي إني محبتهاش
أنا بس كنت حاسس بكركبة و ربكة
كنت بحسب إني بحب بنت عمي!
و قال علي رأي اللي قال ما الحب إلا للحبيب الأولِ!
بس اكتشفت أن الحب فعلاً مش بالأول و لا الأخير، هو اللي بيجي فعلاً مرة واحدة
دقة القلب اللي بجد
الروح اللي بحسها معاها
الحياة
السكن
و فهمت إن بتول هي الحبيب الأولِ
و الأخير...
لو تديني بس فرصة!
يارب ساعدني انا بحبها يارب...
######
_أخيراً حنيتي على قلبي!
=أنت بتعمل إيه هنا!
_و انتِ خارجة إزاي من غير إذني!
=خلاص خلصت
_دا عند خالتك
=احترم نفسك! و أوعى خاليني الحق معادي
_رايحة فين؟
=مقابلة شغل
_نعم ياختي!
=آه أنا حرة، ولا فاكرني هقعد ابكي على اطلالك!
_مفيش شغل و يلا تعالي معايا
=اوعا يابا من قدامي عشان مخليش شكلك وحش قدام الناس
_تمام انا أصلا مبلغ ابوكي إني هخطفك
لقيته بيشيلني!
قليل الأدب!
ركبني العربية بالغصب!
و بابا و ماما بيتفرجوا عليا من البلكونة و بيضحكوا!
ايه التهريج دا!
مشي بالعربية و مش مهتم بزعيقي و كان بارد تلاجة و على وشه ابتسامة رخمة زيه لحد مالقيت نفسي قدام بحر!
إحنا في اسكندرية!
و المكان تقريباً مفيهوش حد!
هو خطفني بجد و لا إيه!
=تمام لو خلصت فقرتك روحني بقا!
_حضني فجأة و قال: وحشتيني كنت هتجنن من غير شوفتك
بعدته عني بقوة ف ابتسم و قال:
_لو قولتلك سامحيني و ننسى اي حاجة فاتت!
=ابدا، انسى
_طب أنا عايزك
=بسخرية: روح لبنت عمك انت عايزها هي
_طب لو قُلتلك أنا بحبك انتِ و الله!
و رغم كل شئ الكلمة صدمتني
و خلّت قلبي يدق جامد
و لقيت نفسي ببصله و عيوني بتدمع بحزن ف لقيته بحنان بيمسح دموعي و بابتسامة جميلة قال :
_أي حاجة قبلك مكنتش حب، انتِ الحب يا بتول
مش عارفة ارد عليه
مش قادرة
و خايفة
فكمل هو :
_لم ظهرت تاني في وجودك مكنتش مهمة، محستش حاجة زي ماكنت متوقع، أنا بس مكنتش فاهم و مرتبك
=أنا خايفة منك
مسك ايدي و تبت فيها و قال:
_أنا آسف على وجع قلبك، اسف على غشوميتي، آسف إني وصلتك لكدا، و عهد عليا قدام ربنا إني هصونك و هحبك لآخر لحظة في حياتي
=بعد الشر عليك
ضحك
و أنا ابتسمت بيأس من قلبي المغفل بحبه دا
بس أعمل إيه الولا صادق و عنده عزيمة و صدق في وعزه و طلع عكس ماكنت اتخيل...
و على رأي اللي قال ضيعت عليه العمر يابوي و انا ليا معاه حكايات حكايات حكايات...
يتبع في حكاية جديدة....
#رجال_لكن_ظرفاء(حكاية علي و بتول)
#غادة_عادل
أنت تقرأ
رجال لكن ظرفاء
Romantik"و قابلتك أنت لقيتك، بتغير كل حياتي معرفش إزاي حبيتك معرفش ازاي يا حياتي" و في زحمة الدنيا لقيتك... حكايات من الدنيا بالعامية... بعض من الوقت المستقطع...
